ജാഗ്രത, തട്ടിപ്പ് സംഘങ്ങള് പലവിധം; സൈബര് തട്ടിപ്പ് സംഘത്തിന്റെ വലയില്പ്പെട്ട് വീട്ടമ്മ; നഷ്ടമായത് ഒന്നെകാല് ലക്ഷം രൂപ; തട്ടിപ്പ് ഡല്ഹി കേന്ദ്രീകരിച്ച് വിദേശത്ത് നിന്ന് എന്ന വ്യാജേന
കോവിഡിന്റെ മറവില് സൈബര് ഇടങ്ങളില് വ്യാപക തട്ടിപ്പാണ് നടക്കുന്നത്. സോഷ്യന് മീഡിയിലൂടെ നമ്മുടെ സ്വഭാവം മനസിലാക്കി അതിന് അനുസൃതമായിയാണ് സൈബര് കുറ്റവാളികള് ഓരോ ഇരകള്ക്കും വലവിരിക്കുന്നത്. ഇത്തരത്തില് സൈബര് വലയില് കുരുങ്ങിയ വീട്ടമ്മക്ക് നഷ്ടമായത് 1.25 ലക്ഷം രൂപയാണ്. കോവിഡ് മൂലം ദുരിതം അനുഭവിക്കുന്നവരെ സഹായിക്കാനെന്ന വ്യാജേന ഒരു കന്യസ്ത്രീയുടെ അക്കൗണ്ടില് നിന്നു വന്ന സന്തേഷങ്ങളാണ് പുനലൂര് സ്വദേശിയായ വീട്ടമ്മയെ ഇത്തരത്തിലൊരു വലയില്പ്പെടുത്തിയത്. വീട്ടമ്മയുടെ കാരുണ്യ പ്രവര്ത്തനങ്ങള്ക്ക് സമ്മാനമായി വിദേശത്ത് നിന്നും പാഴ്സല് അയക്കുന്നുണ്ടെന്നും അതിന്റെ ടാക്സ് ഇനത്തില് പണം അടക്കണമെന്നുമാണ് സൈബര് തട്ടിപ്പ് സംഘം വീട്ടമ്മയോട് ആവശ്യപ്പെട്ടത്. സമാനമായ രീതിയില് നിരവധി പേര് ഇതിനോടകം തന്നെ ഈ തട്ടിപ്പിന് ഇരയായിട്ടുണ്ടെന്ന് പോലീസ് പറയുന്നത്.
പുനലൂര് സ്വദേശിയായ വീട്ടമ്മക്ക് ബെല്ജിയത്തില് നിന്നുള്ള ഒരു കന്യാസ്ത്രീയുടെ ഫെയ്സ്ബുക്ക് ഫ്രണ്ട് റിക്വസ്റ്റ് വരുന്നു. സാധാരണമായിട്ടുള്ള ഫെയിസ്ബുക്ക് പ്രൊഫയല് കാണുമ്പോള് അസാധാരണയൊന്നും കണ്ടെത്താന് സാധിക്കുന്നില്ല. അതുകൊണ്ടു തന്നെ റിക്വാസ്റ്റ് സ്വീകരിക്കുന്നത് മുതല് ചാറ്റ് തുടങ്ങുകയായി. ആദ്യമൊക്കെ കുടുംബത്തെ കുറിച്ചും കാരുണ്യ പ്രവര്ത്തനങ്ങളെക്കുറിച്ചുമെല്ലാം അന്വേഷിച്ചുകൊണ്ടുള്ള സാധാരണ സൗഹൃദ സംഭാഷണങ്ങള്. പിന്നീട് ഫോണ് നമ്പര് വാങ്ങി വാട്സാപ് സന്ദേശങ്ങള്. അവസാനം പണവും സ്വര്ണാഭരണവും അടങ്ങിയ സമ്മാനം അയക്കുന്നുവെന്ന സന്ദേശവും ഒപ്പം ഈ സമ്മാനം ഇന്ത്യയില് വന്ന ശേഷം കസ്റ്റംസ് ഓഫീസര് ആവശ്യപ്പെടുന്ന നികുതി അടച്ച് സമ്മാനം സ്വന്തമാക്കാനുള്ള നിര്ദേശവും വരുന്നു. വിശ്വാസം ഉറപ്പിക്കാന് പാഴ്സലില് ബൈബിലും കൊന്തമാലയും ഉള്പ്പെടുത്തുകയും സമ്മാനത്തിന്റെ ചിത്രങ്ങള് വാട്സാപ്പില് അയക്കുകയും ചെയ്യും.
നികുതി, കസ്റ്റംസ് എന്നെല്ലാം കേള്ക്കുമ്പോള് എല്ലാം നിയമപരമെന്ന തോന്നല് സാധാരണക്കാര്ക്കുണ്ടാകും. പാഴ്സല് അയച്ചുവെന്ന് പറഞ്ഞ് ദിവസങ്ങള്ക്കുള്ളില് ഡല്ഹിയില് നിന്നും ഒരു കസ്റ്റംസ് ഉദ്യോഗസ്ഥന് വീട്ടമ്മയെ ഫോണില് ബന്ധപ്പെട്ടുന്നു. ദീപക് ഗുപ്ത എന്ന സ്വയം പരിയപ്പെടുത്തുന്ന ഇയാള് 37 ലക്ഷം രൂപ മൂല്യമുള്ള സമ്മാനമാണ് വന്നിരിക്കുന്നതെന്നും സ്വന്തമാക്കണമെങ്കില് ഒന്നര ലക്ഷം രൂപ നികുതി അടക്കണമെന്ന് ആവശ്യപ്പെടുന്നു. ഇതു വൈകുമ്പോള് പിന്നെ വിളിച്ച് ദേഷ്യപ്പെടുകയും നികുതി അടച്ച് സമ്മാനം കൈപറ്റിയില്ലെങ്കില് നിയമ നടപടി സ്വീകരിക്കേണ്ടി വരുമെന്ന് അയാള് ഭീഷണിപ്പെടുത്തുകയും ചെയ്യുന്നു. ഇതോടെ ഇത് തികച്ചു ന്യായമായ കാര്യമാണെന്ന് തോന്നിയതോടെ വീട്ടമ്മ പണം സംഘടിപ്പിച്ച് അടക്കുന്നു. ഒരോ ഘട്ടം ഘട്ടമായിയാണ് നികുതി ഇനം എന്ന പേരില് പണം ഉദ്യോഗസ്ഥന് എന്ന വ്യാജന് തന്റെ അക്കൗണ്ടിലേക്കും ഗുഗുള് പേയിലുടെയും വാങ്ങുന്നത്. ഇത്തരത്തില് മൂന്നു ഘട്ടമായിയാണ് പുനലൂരിലെ വീട്ടമ്മയില് നിന്നും 1.25 ലക്ഷം രൂപ സൈബര് തട്ടിപ്പ് സംഘം സ്വന്തമാക്കിയത്. പണം കൈപറ്റിയ ശേഷം സമ്മാനം അയച്ച കന്യാസ്ത്രീയുമായോ കസ്റ്റംസ് ഓഫീസറുമായോ ബന്ധപ്പെടാന് അവര്ക്ക് സാധിക്കാതെ വന്നു. ഇതോടെയാണ് താല് വഞ്ചിക്കപ്പെട്ടുവെന്ന കാര്യം വീട്ടമ്മക്ക് മനസിലാകുന്നത്.
വിശ്വാസത്തിനെയും കാരുണ്യത്തെയും മറയാക്കി സംസ്ഥാനത്ത് വെറയും നിരവധി തട്ടിപ്പുകളാണ് നടന്നത്. ലണ്ടനില് സ്ഥിരതാമസമാക്കിയ ആളെന്നു പരിചയപ്പെടുത്തിയാണ് തിരുവനന്തപുരം സ്വദേശിയായ വീട്ടമ്മയുമായി അടുത്ത സൗഹൃദം സ്ഥാപിച്ചത്. ലണ്ടനിലുള്ള വീട് അനധികൃതമായി പൊളിച്ചതിനു കോടതി നല്കിയ നഷ്ടപരിഹാരമായ രണ്ടരലക്ഷം ഡോളര് ഇന്ത്യയില് നിക്ഷേപിക്കാനുള്ള ബാങ്ക് അക്കൗണ്ട് തുറക്കാനും ഫണ്ട് ട്രാന്സ്ഫര് ചെയ്യാനുമുള്ള സഹായം വീട്ടമ്മയോട് ആവശ്യപ്പെട്ടു. സഹായം ചെയ്താല് നല്ലൊരു തുക തിരികെ നല്കാമെന്നും പറഞ്ഞു. വീട്ടമ്മയെ വിശ്വസിപ്പിക്കാന് ഫോട്ടോകളും ബില്ലുകളും അയച്ചുകൊടുത്തു. ഇതിന് പിന്നാലെ വീട്ടമ്മയ്ക്ക് നല്കാമെന്ന് പറഞ്ഞ തുകയുടെ കസ്റ്റംസ് ക്ലിയറന്സ്, സര്വീസ് ചാര്ജ്, ബാങ്ക് അക്കൗണ്ട് കോഡ്, ഫീസ് തുടങ്ങിയ ഇനങ്ങള്ക്ക് തുക കൈമാറാനും ആവശ്യപ്പെട്ടു. ഇതിനായി വിവിധ അക്കൗണ്ടുകളിലേക്ക് പലപ്പോഴായി 1.27 കോടി രൂപ വീട്ടമ്മ നല്കുകയും ചെയ്തു. 18ന് നാട്ടിലെത്തുമെന്ന് അറിയിച്ചതിനെ തുടര്ന്ന് വീട്ടമ്മ എയര്പോര്ട്ടിലെത്തിയെങ്കിലും ആരും വന്നില്ല. നേരത്തെ നല്കിയിട്ടുള്ള ഫോണ് നമ്പരുകളില് വിളിച്ചുനോക്കിയെങ്കിലും ഫലമുണ്ടായില്ല. തട്ടിപ്പ് മനസിലാക്കിയ വീട്ടമ്മ സൈബര് വിഭാഗത്തിന് പരാതി നല്കി.
https://www.facebook.com/Malayalivartha