അങ്ങ് ബഹിരാകാശത്ത് മാത്രമല്ല ഇങ്ങ് ഭൂമിയിലും ഐ.എസ്.ആര്.ഒ തന്നെ വേണം; ഐ.എസ്.ആര്.ഒ ഇറങ്ങി ലഹരിമാഫിയയെ പൂട്ടാന്; കഞ്ചാവ് കൃഷി കണ്ടെത്താന് പോലീസിനെ സഹായിച്ച് ഐ.എസ്.ആര്.ഒ; ഒഡീഷയില് ഇതുവരെ നശിപ്പിച്ചത് 1000 ക്വിന്റലിന്റെ കഞ്ചാവ് വേട്ട
ഐഎസ്ആര്ഒയും കഞ്ചാവും തമ്മിലെന്തു ബന്ധം എന്നു ചിന്തിക്കാന് വരട്ടെ. നാട്ടിലെ കഞ്ചാവ് മാഫിയയ്ക്ക് ഏറ്റവും വലിയ തലവേദനയായി മാറിയിരിക്കുകയാണ് ഐഎസ്ആര്ഒ ഇപ്പോള്. കഴിഞ്ഞ ഒമ്പതു മാസത്തിനുള്ളില് ഒഡീഷയില് നടന്ന 1000 ക്വിന്റലിന്റെ കഞ്ചാവ് വേട്ട. രാജ്യത്തു തന്നെ ഏതെങ്കിലും ഒരു ഏജന്സി നടത്തുന്ന ഏറ്റവും വലിയ ലഹരിമരുന്നു വേട്ടയാണിത്.
കഞ്ചാവ് കൃഷി കണ്ടെത്താന് പോലീസിനെ ഏറ്റവും കൂടുതല് സഹായിക്കുന്നത് ഐഎസ്ആര്ഒ സാറ്റലൈറ്റുകളാണെന്ന് ഒഡീഷ ഡിജിപി അഭയ് പറഞ്ഞു. ഐഎസ്ആര്ഒ പങ്കുവയ്ക്കുന്ന സാറ്റലൈറ്റ് മാപ്പിങ് ഡാറ്റ ഉപയോഗിച്ചാണ് സംസ്ഥാനത്ത് വ്യാപകമായി കഞ്ചാവ് കൃഷി ചെയ്യുന്ന സ്ഥലങ്ങള് പൊലീസ് തിരിച്ചറിയുന്നത്. നാര്ക്കോട്ടിക്സ് കണ്ട്രോള് ബ്യൂറോ വഴി ലഭിക്കുന്ന ഈ വിവരങ്ങളാണ് കഴിഞ്ഞ രണ്ടു വര്ഷമായി കഞ്ചാവ് വേട്ടയ്ക്കായി ഒഡീഷ പോലീസ് ഉപയോഗിക്കുന്നത്.
രാജ്യത്തുള്ള എല്ലാ അന്വേഷണ ഏജന്സികള്ക്കും എന്സിബി ഇത്തരത്തില് വിവരങ്ങള് കൈമാറുന്നുണ്ട്. കഴിഞ്ഞ കുറേ വര്ഷങ്ങളായി ഇത്തരത്തില് കറുപ്പ് കൃഷിയുടെ സാറ്റലൈറ്റ് മാപ്പിങ് നടത്തുന്നുണ്ട്. അടുത്തിടെയാണ് കഞ്ചാവ് കൃഷിയുടെ മാപ്പിങ് ആരംഭിച്ചിരിക്കുന്നത്. വരും മാസങ്ങളില് കൂടുതല് വിപുലമായ കഞ്ചാവ് വേട്ടയ്ക്കു കളമൊരുങ്ങുമെന്നും ഡിജിപി പറഞ്ഞു. കഴിഞ്ഞ ജനുവരിക്കും സെപ്റ്റംബറിനുമിടയില് 1054 ക്വിന്റല് കഞ്ചാവാണ് ഒഡീഷയില് പിടികൂടിയത്.
ഇതിന് മുമ്പ് നാര്ക്കോട്ടിക്ക് ബ്യുറോയുടെ നേതൃത്വത്തില് ആന്ധ്രപ്രദേശില് നിന്നും 780 ക്വിന്റല് കഞ്ചാന് 2017 യില് പിടി കൂടിറ്റുണ്ട്. ആ റിക്കോര്ഡാണ് ഇപ്പോള് ഐ.എസ്.ആര്.ഒയുടെ സഹായത്തോടെ ഒഡീഷ പോലീസ് മറികടന്നിരിക്കുന്നത്. ഈ വര്ഷം അവസാനിക്കുന്നതിന് മുമ്പ് 1200 ക്വിന്റല് കഞ്ചാവ് പിടികൂടാന് സാധിക്കുമെന്നാണ് ഒഡിഷ പോലീസിന്റെ വിലയിരുത്തല്. കഴിഞ്ഞ അഞ്ചു വര്ഷത്തിനിടെ 414 ക്വിന്റല് കഞ്ചാവ് എന്ന ശരാശരിയില് ഒഡീഷയില് ലഹരിവേട്ട നടക്കുന്നുണ്ട്. ഈ വര്ഷത്തോടെ ഈ ശരാശരിയില് വന് വര്ധവ് ഉണ്ടാക്കാന് സാധിച്ചത്. മണ്സൂണ് മഴ അവസാനിച്ച് സെപ്റ്റംബര് മാസത്തോടയെയാണ് ലഹരി മാഫിയ കഞ്ചാവ് കൃഷി ആരംഭിക്കുന്നത്. ഇത്തവണ കൃഷിയുടെ തുടക്കത്തിലെ തന്നെവ്യാപക റെയ്ഡു നടത്താന് സാധിച്ചതിനാല് സംസ്ഥാനത്തെ കഞ്ചാവ് ലഹരി മാഫിയെ തകര്ക്കാന് ഒഡീഷ പോലീസിന് സാധിച്ചുവെന്നാണ് വിലയിരുത്തപ്പെടുന്നത്.
നാര്ക്കോര്ട്ടിക്സ് കണ്ട്രോള് ബുറോയുമായി ചേര്ന്ന് ഐ.എസ്.ആര്.ഒ പ്രവര്ത്തിക്കാന് തുടങ്ങിട്ട് ഏറ്റവും വലിയ നേട്ടമാണ് ഈ വര്ഷം കൈവരിച്ചിരിക്കുന്നത്. മറ്റു സംസ്ഥാനങ്ങളും താല്പര്യം കാട്ടുന്ന മുറക്ക് കൂടുതല് സംസ്ഥാനങ്ങളിലേക്കും ഇത്തരം ലഹരി മാഫിയ വേട്ട നടത്തനാണ് നാര്ക്കോട്ടിക്സ് കണ്ട്രോള് ബ്യൂറോയുടെ തയ്യാറെടുപ്പ്. കേരളം പോലുള്ള സംസ്ഥാനത്ത് ഈ സംവിധാനം ഉപയോപ്പെടുത്താവുന്നതാണ്. കാരണം നമ്മുടെ മലയോര മേഖല കേന്ദ്രീകരിച്ചും ഇത്തരത്തില് കഞ്ചാവ് കൃഷി വ്യാപകമാണെന്ന് വാര്ത്തകള് പുറത്ത് വരുന്നുണ്ട്.
https://www.facebook.com/Malayalivartha