ശിവശങ്കര് ഇ.ഡി.ക്ക് നല്കിയ മൊഴി ഇങ്ങനെ; സ്വര്ണമാണ് കടത്തിയതെന്ന് അറിഞ്ഞില്ല; പക്ഷേ സ്വപ്നയെ സഹായിച്ചിട്ടില്ല; സ്വപ്നയുമായി മുഖ്യമന്ത്രിക്കൊപ്പം ചര്ച്ച നടത്തിയോ എന്ന് ഓര്മ്മയില്ല; ഡോളര് നിക്ഷേപിക്കാന് സഹായിച്ചു; പിണറായിയോട് കൂറുകാട്ടി വിശ്വസ്തന്റെ മൊഴി
സ്വര്ണക്കടത്ത് കേസുമായി ബന്ധുപ്പെട്ട് മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം ശിവശങ്കര് എന്ഫോഴ്സ്മെന്റ് ഡയറക്ടേറ്റിന് നല്കിയ മൊഴിയുടെ പകര്പ്പ് പുറത്ത്. എന്ഫോഴ്സ്മെന്റ് കോടതിയില് കുറ്റപത്രത്തിനൊപ്പമാണ് ശിവശങ്കറിന്റെ മൊഴി പകര്പ്പും സമര്പ്പിച്ചത്. 2016 മുതല് സര്ക്കാരും യുഎഇ കോണ്സുലറ്റും തമ്മില് ഉള്ള പോയിന്റ് ഓഫ് കോണ്ടാക്ട് ആയിരുന്നു താനെന്ന് എം ശിവശങ്കര് എന്ഫോഴ്സ്മെന്റിന് മൊഴി നല്കി. റിബിള്ഡ് കേരളയുടെ ചുമതലക്കാരന് എന്ന നിലക്കാണ് ഇത്തരത്തിലൊരു ബന്ധം കോണ്സിലേറ്റുമായി സൂക്ഷിച്ചത്. റെഡ്കസന്റുമായും ചര്ച്ചകള് നടത്തിയിരുന്നു.
മുഖ്യമന്ത്രിയുടെ സാന്നിധ്യത്തിലും അല്ലാതെയും പലതവണ കണ്ടതായുള്ള സ്വപ്നയുടെ മൊഴിയോട് പ്രതികരിക്കാന് എം ശിവശങ്കര് തയ്യാറായിട്ടില്ല. ക്ലിഫ് ഹൗസില് സ്വപ്നയോടൊപ്പം മുഖ്യമന്ത്രിയെ കണ്ടതിനെക്കുറിച്ച് ഓര്മയില്ല. കള്ളക്കടത്ത് സ്വര്ണം അടങ്ങിയ ബാഗ് വിട്ട് കിട്ടാന് സ്വപ്ന പലവട്ടം സമീപിച്ചിരുന്നു, എന്നാല് ഇക്കാര്യത്തില് ഒരു സഹായവും സ്വപ്നക്ക് നല്കിയിട്ടില്ലെന്നും എം ശിവശങ്കര് അന്വേഷണ ഉദ്യോഗസ്ഥര്ക്ക് മൊഴി നല്കിയിട്ടുണ്ട്.
കള്ളക്കടത്ത് സ്വര്ണം അടങ്ങിയ ബാഗ് വിട്ട് കിട്ടാന് സ്വപ്ന പലവട്ടം സമീപിച്ചിരുന്നു, എന്നാല് ഇക്കാര്യത്തില് ഒരു സഹായവും സ്വപ്നക്ക് നല്കിയിട്ടില്ലെന്നും എം ശിവശങ്കര് അന്വേഷണ ഉദ്യോഗസ്ഥര്ക്ക് മൊഴി നല്കിയിട്ടുണ്ട്. സൗന്ദര്യവര്ദ്ധക വസ്തുക്കള് അടക്കം ഇത്തരത്തില് കൊണ്ടുവരാറുണ്ടെന്നും അത് ബിമാപ്പള്ളിയില് വില്പ്പന നടത്താറുണ്ടെന്നും സ്വപ്ന പറഞ്ഞിരുന്നു. എന്നാല് സ്വര്ണമാണ് ബാഗില് ഉണ്ടായിരുന്നതെന്ന് ഒരു ഘട്ടത്തിലും പറയുകയോ സഹായം ചെയ്യുകയോ ചെയ്തിട്ടില്ലെന്നുമാണ് എം ശിവശങ്കര് വിശദീകരിക്കുന്നത്.
സ്വപ്നക്കൊപ്പം മൂന്ന് തവണ വിദേശ സന്ദര്ശനം നടത്തിയിട്ടുണ്ടെന്നും ശിവശങ്കര്. കോണ്സിലേറ്റിലെ ഉദ്യോഗസ്ഥന് ഖലീദിന് ഡോളര് കേരളത്തില് നിക്ഷേപിക്കണമെന്ന ആവശ്യമായി സ്വപ്ന സമീപിച്ചിരുന്നു. സാമ്പത്തിക കാര്യങ്ങളില് അറിവില്ലാത്തതിനാല് ചാര്ട്ടഡ് അക്കൗണ്ടന്റ് വേണുഗോപാലിനെ പരിചയപ്പെടുത്തികൊടുത്തു. പിന്നീട് എന്തു സംഭവിച്ചുവെന്നറിയില്ലന്നാണ് ശിവശങ്കര് പറയുന്നത്. സ്വര്ണക്കടത്ത് പിടികൂടിയ ശേഷം സ്വപ്നയും ഭര്ത്താവും തന്നെ നാലാം തീയതി വന്നു കണ്ടിയിരുന്നു. അത് ഫഌറ്റ് മാറുന്ന കാര്യം പറയാനാണെന്നും ശിവശങ്കര് ഇ.ഡിക്ക് നല്കിയ മൊഴിയില് പറയുന്നു.
ലൈഫ് മിഷന് അടക്കമുള്ള ഇടപാടുകളില് പ്രതിഫലമായി ലഭിച്ച ഡോളര് വിദേശത്തേക്കുകടത്താന് സ്വപ്നയ്ക്ക് അവസരമൊരുക്കിയത് ശിവശങ്കറിനൊപ്പമുള്ള വിദേശയാത്രകളെന്ന് നേരത്തെ തന്നെ ആരോപണം ഉയര്ന്നിയിരുന്നു. ഇതേക്കുറിച്ചുള്ള അന്വേഷണത്തിലാണ് ശിവശങ്കറിന് കുരുക്ക് മുറുകുന്നത്. ഇപ്പോള് പുറത്ത് വന്ന മൊഴികളും ഇതു തന്നെയാണ് സൂചിപ്പിക്കുന്നത്. സ്വപ്നയ്ക്ക് വി.വി.ഐ.പി. പരിഗണനവരെ നല്കിയ ഈ യാത്രകളെക്കുറിച്ചുള്ള വിശദാംശങ്ങള് വെളിപ്പെടുത്താന് ശിവശങ്കര് തയ്യാറായിട്ടില്ല. പലതവണ ചോദിച്ചപ്പോഴും കൃത്യമായ ഉത്തരമില്ലാതെ ഒഴിഞ്ഞുമാറി. നിഷേധഭാവത്തിലെ മറുപടികളും തുടര്ന്നു. നാലുയാത്രകളാണ് സംശയാസ്പദം. യാത്രകളുടെ അനുമതി സംബന്ധിച്ച വിശദാംശങ്ങളും ഹാജരാക്കിയില്ല. രേഖകള് ആവശ്യപ്പെട്ടപ്പോള് ഹാജരാക്കാന് ശിവശങ്കര് സാവകാശം തേടിയിരുന്നു. എന്നാല് ഇതുവരെ നല്കിയിട്ടില്ലെന്നാണ് വിവരം.
സര്ക്കാരില് നിര്ണായകസ്വാധീനമുള്ള ശിവശങ്കറിന് വിമാനത്താവളത്തില് ലഭിക്കുന്ന പരിഗണനയാണ് സ്വപ്ന മുതലെടുത്തതെന്നാണ് കസ്റ്റംസിന് ലഭിച്ച വിവരം. ചില യാത്രകള് സംബന്ധിച്ച രേഖകള് നശിപ്പിച്ചതായി കസ്റ്റംസ് സംശയിക്കുന്നു. പ്രോട്ടോക്കോള് വിഭാഗത്തിലെ തീപ്പിടിത്തത്തില് നശിച്ച രേഖകളുടെ കൂട്ടത്തില് ഇവയുമുണ്ടെന്ന് കസ്റ്റംസ് സംശയിക്കുന്നുണ്ട്. യൂണിടാക്കില്നിന്നടക്കം കമ്മിഷനായി വാങ്ങിയ തുക ഡോളറില്ത്തന്നെ വേണമെന്ന് സ്വപ്ന ആവശ്യപ്പെട്ടിരുന്നു. ഡോളര് സംഘടിപ്പിച്ചുനല്കാന് ബാങ്ക് ഉദ്യോഗസ്ഥരെ ശിവശങ്കറും നിര്ബന്ധിച്ചതായി സൂചനയുണ്ട്. ബാങ്ക്മാനേജര്, സ്വപ്ന, ചാര്ട്ടേര്ഡ് അക്കൗണ്ടന്റ് വേണുഗോപാല് എന്നിവരുടെ മൊഴികളില് ശിവശങ്കറിന്റെ പങ്കാളിത്തം സാധൂകരിക്കുണ്ട്.
https://www.facebook.com/Malayalivartha