മരുമകന് അമ്മായിയമ്മയുടെ അഡാറ് സമ്മാനം; വേദിയിലേക്ക് കടന്നെത്തി വരന്റെ തലയിൽ ചുംബിച്ചു! കയ്യിൽ നൽകിയത് എകെ 47 തോക്ക്, പാക്കിസ്ഥാനിൽ നിന്നുള്ള ഈ വിഡിയോ ലോകമെങ്ങും വൈറലായി മാറി
ഇക്കാലത്ത് കല്യാണം എന്നൊക്കെ പറഞ്ഞാൽ അത് എങ്ങനെ ആഡംബരമാക്കാം എന്ന ചിന്തയാണ് എല്ലാവർക്കും ഉള്ളത്. അങ്ങനെ പല കല്യാണങ്ങളും വാർത്തകളിൽ ഇടം നേടാറുണ്ട്. അത്തരത്തിൽ വളരെ വ്യത്യസ്തമായ ഒരു വാർത്തയാണ് സമൂഹമാധ്യമങ്ങളിൽ വൈറലാകുന്നത്. കല്യാണാഘോഷങ്ങൾക്കിടെ മരുമകന് എകെ 47 തോക്ക് വിവാഹ സമ്മാനമായി ഭാര്യയുടെ മാതാവ് നൽകുകയുണ്ടായി. പാക്കിസ്ഥാനിൽ നിന്നും എന്നപേരിൽ പ്രചരിക്കുന്ന ഈ വിഡിയോ ആണ് ഇപ്പോൾ സമൂഹമാധ്യമങ്ങൾ ഏറ്റെടുത്തിരിക്കുന്നത്. വധുവും വരനും ഇരിക്കുന്ന വേദിയിലേക്ക് കടന്നെത്തി വരന്റെ തലയിൽ ചുംബിച്ച ശേഷമാണ് എകെ47 തോക്ക് സമ്മാനമായി അമ്മായിയമ്മ നൽകിയത്. തോക്ക് കണ്ടതോടെ ആദ്യം അമ്പരന്ന വരൻ പിന്നീട് ചിരിയോടെ അതേറ്റുവാങ്ങുന്നതാണ് വീഡിയോ.
എകെ 47 വരന് സമ്മാനമായി നൽകുന്ന വീഡിയോ സോഷ്യൽ മീഡിയയിൽ ഇതിനോടകം തന്നെ വൈറലായി കഴിഞ്ഞു. ഒരു സത്രീ വരന് സമീപമെത്തി എകെ 47 സമ്മാനമായി നൽകുന്നതാണ് വിഡിയോയിൽ ഉള്ളത്. 30 സെക്കന്റുള്ള വിഡിയോയിൽ ചിരിച്ചുകൊണ്ട് സമ്മാനം വാങ്ങുന്ന വരനെയും കാണുവാൻ സാധിക്കും. എന്നാൽ എകെ 47 ആണ് കൈയിലേറ്റുവാങ്ങുന്നുവെന്നതിന്റെ ഞെട്ടൽ വരന്റെയും വധുവിന്റെയും മുഖത്ത് കാണുന്നുമില്ല.
പാക്കിസ്ഥാനിൽ നിന്നുള്ള വിഡിയോ എന്ന് പറയുമ്പോഴും കൃത്യമായ സ്ഥലമോ തിയതിയോ വിഡിയോയിൽ നിന്നും വ്യക്തമല്ല. പാക്കിസ്ഥാനിൽ നിന്നുള്ള മാധ്യമപ്രവർത്തകനാണ് ഈ വിഡിയോ ട്വിറ്ററിൽ പങ്കുവച്ചത്. പിന്നീട് ഒട്ടേറെ പേർ ഈ വിഡിയോ ട്വിറ്ററിൽ ഷെയർ ചെയ്യുകയുണ്ടായി.
https://www.facebook.com/Malayalivartha