താരങ്ങളുടെ മക്കളുമായി ബന്ധപ്പെട്ട വിശേഷങ്ങൾക്ക് പൊതുവെ സോഷ്യൽ മീഡിയയിൽ മികച്ച സ്വീകാര്യതയാണ് ലഭിക്കാറുള്ളത്. അവരും സിനിമയിലേക്ക് വരുമോ? വിവാഹം? ഒത്തുകൂടൽ? തുടങ്ങിയ കാര്യങ്ങൾ അറിയാൻ താൽപര്യക്കാർ ഏറെയാണ്. ആ കൂട്ടത്തിൽ ഏറെ ചർച്ച ചെയ്യപ്പെടുന്ന ഒരു താരപുത്രിയാണ് ദിലീപിന്റെ മകൾ മീനാക്ഷി. ദിലീപും മഞ്ജുവും വേർപിരിഞ്ഞ ശേഷം മകൾ മീനാക്ഷി അച്ഛന്റെ കൂടെയാണ് താമസിക്കുന്നത്. ദിലീപ് പിന്നീട് കാവ്യയെ വിവാഹം കഴിച്ചെങ്കിലും മീനാക്ഷി അച്ഛനൊപ്പം തന്നെ നില്ക്കാൻ തീരുമാനിച്ചിരുന്നു.

ഇപ്പോഴിതാ മീനാക്ഷിയുടെ പുതിയ ചിത്രങ്ങൾ സോഷ്യൽ മീഡിയയിൽ വൈറലായിരിക്കുകയാണ്. നടനും സംവിധായകനുമായ നാദിർഷായുടെ മകളുടെ വിവാഹ നിശ്ചയത്തിന് പങ്കെടുക്കുമ്പോഴുള്ള ചിത്രങ്ങളാണ് പുറത്തുവന്നിരിക്കുന്നത്.

നാദിർഷായെയും ദിലീപിനെയും പോലെ തന്നെ അവരുടെ മക്കൾ ആയിഷയും മീനാക്ഷിയും ഉറ്റസുഹൃത്തുക്കളാണ്. ഇരുവർക്കും ഒപ്പമുള്ള ഫോട്ടോസ് സോഷ്യൽ മീഡിയയിൽ പങ്കുവെച്ചത് നടി നമിത പ്രമോദ് ആയിരുന്നു. മീനാക്ഷിയും അയിഷയും നമിതയും മറ്റ് രണ്ട് സുഹൃത്തുക്കളും ഒരുമിച്ചുള്ള ഫോട്ടോകളും താരം പോസ്റ്റ് ചെയ്തിരുന്നു.