കിം ജോങ് ഉന്നിനും കുടുബത്തിനും വാക്സിന് പരീക്ഷിച്ചു ചൈന; ചൈനയുമായിയുള്ള വ്യാപാരം അവസാനിപ്പിച്ച് ഉത്തരകൊറിയ; വാക്സിന് പണിപാളി; ചൈനക്ക് തിരിച്ചടികളുടെ കാലം; വാക്സിന് തള്ള് മാത്രം?
ഉത്തര കൊറിയന് പരമാധികാരി കിം ജോങ് ഉന്നിനും കുടുബത്തിനും പരീക്ഷണ ഘട്ടത്തിലുള്ള കോവിഡ് വാക്സിന് ചൈന നല്കിയതായി റിപ്പോര്ട്ടുകള് പുറത്ത് വന്നിയിരുന്നു. ഇതിന് പിന്നാലെ രാജ്യത്ത് കോവിഡ് വ്യാപനം തടയുന്നതിന്റെ ഭാഗമായി ചൈനയുമായുളള വാണിജ്യബന്ധം പൂര്ണമായി ഒഴിവാക്കാന് കിം ജോങ് ഉന് തീരുമാനിച്ചുവെന്ന വാര്ത്തയും പുറത്ത് വരുകയാണ്. ഈ കോവിഡ് ദുരന്തകാലത്ത് വാക്സിന് നല്കിയ സഹായിച്ചവരെ ഇങ്ങനെയാണോ തിരിച്ച് സഹായിക്കുന്നത് എന്ന ചോദ്യം ഉയരുന്നത്. ഇതോടെയാണ് ചൈന നല്കിയ വാക്സിനുകള് പണിപറ്റിച്ചുവെന്ന സംശയം ലോകരാജ്യങ്ങള്ക്കിടയില് ഉയരുന്നത്.
ഒക്ടോബറില് ചൈനയില്നിന്ന് 253,000 ഡോളറിന്റെ കയറ്റുമതി മാത്രമാണ് ഉത്തരകൊറിയയിലേക്കു നടന്നത്. തലേ മാസത്തേതില്നിന്ന് 99 ശതമാനം കുറവാണിതെന്ന് ചൈനീസ് കസ്റ്റംസ് അധികൃതര് പറഞ്ഞു. ഉത്തര കൊറിയയുടെ ഏറ്റവും വലിയ വാണിജ്യപങ്കാളിയാണു ചൈന. മറ്റു രാജ്യങ്ങളില്നിന്നൊന്നും ഉത്തര കൊറിയ കൂടുതലായി ഉല്പ്പന്നങ്ങള് ഇറക്കുമതി ചെയ്യുന്നില്ല. അതെ സമയം ഇറക്കുമതി ചെയ്ത ഉല്പ്പന്നങ്ങള് കൈകാര്യം ചെയ്യുന്നതില് വീഴ്ച വരുത്തിയ കസ്റ്റംസ് ഉദ്യോഗസ്ഥനെ വധശിക്ഷയ്ക്കു വിധേയനാക്കിയെന്നും റിപ്പോര്ട്ടുണ്ട്. ചൈനയില്നിന്ന് ഇറക്കുമതി ചെയ്ത ഉല്പ്പന്നങ്ങള് കോവിഡ് പ്രോട്ടോക്കോള് പ്രകാരം കൈകാര്യം ചെയ്യുന്നതില് വീഴ്ച വരുത്തിയെന്ന് ആരോപിച്ചാണ് കസ്റ്റംസ് ഉദ്യോഗസ്ഥനെ വധിച്ചതെന്ന് ദക്ഷിണ കൊറിയന് അധികൃതര് പറഞ്ഞു.
ചൈന കിം ജോങ് ഉന്നിനും കുടുബത്തിനും വാക്സിന് നല്കിയ വിവരം പുറത്ത് വിട്ടത് രണ്ട് ജാപ്പനീസ് രഹസ്യാന്വേഷണ വൃത്തങ്ങളെ ഉദ്ധരിച്ച് യു.എസ്. അനലിസ്റ്റായ ഹാരി കസ്യാനിസ് ആണ്. 19 ഫോര്ട്ടി ഫൈവ് എന്ന ഓണ്ലൈന് സൈറ്റിലെ ലേഖനത്തിലാണ് ഹാരിയുടെ പരാമര്ശം. കിമ്മിനെ കൂടാതെ ഉത്തര കൊറിയയിലെ നിരവധി ഉന്നത ഉദ്യോഗസ്ഥരും വാക്സിന് എടുത്തതായി ഹാരി പറയുന്നു. എന്നാല് ഏത് കമ്പനിയുടെ വാക്സിനാണ് നല്കിയതെന്ന് വ്യക്തമല്ല. കൂടാതെ ഇത് സുരക്ഷിതമാണോ എന്ന് സ്ഥിരീകരിച്ചിരുന്നോ എന്ന കാര്യവും വ്യക്തമല്ല. കഴിഞ്ഞ രണ്ടോ മൂന്നോ ആഴ്ചയ്ക്കുള്ളിലാണ് കിമ്മിനും കുടുംബത്തിനും നിരവധി ഉന്നത ഉദ്യോഗസ്ഥര്ക്കും വാക്സിന് നല്കിയതെന്നാണ് റിപ്പോര്ട്ടില് പറയുന്നത്.
ഇതിന് ശേഷമാണ് കിമ്മിന്റെ ഭാഗത്തു നിന്നും ഇത്തരത്തിലൊരു നീക്കം ഇപ്പോള് ഉണ്ടായിരിക്കുന്നത്. തങ്ങളുടെ ഏറ്റവും വലിയ സുഹൃത്തുകളോട് കിം ഇങ്ങനെയൊരു തീരുമാനമെടുത്തെങ്കില് അതിന് പിന്നില് വാക്സിന് എന്തോ വലിയ പണി ഉത്തരകൊറിയന് ഭരണാധികാരിയുടെ കുടുംബത്തിന് വരുത്തിയെന്നാണ് ലോകരാജ്യങ്ങള് വിലയിരുത്തുന്നത്. രാജ്യത്ത് കോവിഡ് പടരാതിരിക്കാനുള്ള നടപടികള് കൂടുതല് കര്ശനമാക്കുന്നതിന്റെ ഭാഗമാണെന്നാണ് ഉത്തര കൊറിയന് അധികൃതരുടെ വിശദീകരണം. എന്നാല് ഇത് അത്രകണ്ട് വിശ്വസനീയമല്ല. ഇറക്കുമതി പുര്ണമായി വെട്ടിച്ചുരുക്കാന് തീരുമാനിച്ചതോടെ രാജ്യത്ത് ഭക്ഷ്യ വസ്തുക്കളുടെയും ഇന്ധനത്തിന്റെയും കടുത്ത ക്ഷാമം അനുഭവപ്പെടുമെന്നാണു വിലയിരുത്തല്. ചൈനയില് കോവിഡ് കേസുകളുടെ എണ്ണം കുറഞ്ഞിരിക്കുന്ന ഈ സമയത്ത് വാണിജ്യ നിയന്ത്രണം കര്ശനമാക്കേണ്ടിയിരുന്നില്ലെന്നാണു വ്യവസായ പ്രമുഖരുടെ വിലയിരുത്തല്. തീരപ്രദേശങ്ങള് ഉള്പ്പെടെ അതിര്ത്തികളില് കൂടുതല് സുരക്ഷ ഏര്പ്പെടുത്താനും ഉത്തര കൊറിയ തീരുമാനിച്ചു. ഏറ്റവും ദുര്ബലമായ ആരോഗ്യ, പരിചരണ സംവിധാനങ്ങളുള്ള രാജ്യമാണ് ഉത്തര കൊറിയ. ആ സാഹചര്യത്തില് കോവിഡ് പടര്ന്നുപിടിച്ചാല് ആയിരക്കണക്കിനു പേര് മരിക്കുമെന്ന് ഏറെക്കുറെ ഉറപ്പാണ്. അതുകൊണ്ടാണ് നിയന്ത്രണങ്ങള് കര്ശനമാക്കുന്നതെന്ന് ദക്ഷിണ കൊറിയ പറയുന്നു.
https://www.facebook.com/Malayalivartha