കോഴിക്കോട്-പാലക്കാട് ദേശീയപാതയോരത്ത് കണ്ടെത്തിയത് കൈകള് മുറിച്ചുമാറ്റി നഗ്നമായ നിലയില് പുരുഷന്റെ മൃതദേഹം.. കാലുകള് മുറിച്ചെടുക്കാന് ശ്രമിച്ചതായി പ്രാഥമിക പരിശോധനയില് കണ്ടെത്തി; ദേശീയപാത കടന്നുപോകുന്ന പ്രദേശമായതിനാല് മറ്റെവിടെയോവെച്ച് കൊല നടത്തിയശേഷം മൃതദേഹം ഉപേക്ഷിച്ചതാകാമെന്ന് പോലീസ്...
കോഴിക്കോട്-പാലക്കാട് തച്ചമ്പാറയില് ദേശീയപാതയോരത്ത് കൈകള് മുറിച്ചുമാറ്റി നഗ്നമായ നിലയില് പുരുഷന്റെ മൃതദേഹം കണ്ടെത്തി. അഴുകിയ നിലയിലാണ് മൃതദേഹം.
തച്ചമ്പാറ പുതിയ പെട്രോള് പമ്പിന് സമീപത്തായാണ് 45 വയസ് പ്രായം തോന്നിക്കുന്ന പുരുഷന്റെ മൃതദേഹം കണ്ടെത്തിയത്. മൃതദേഹത്തിന് ഒരാഴ്ചയോളം പഴക്കമുണ്ടെന്നാണ് പൊലീസ് നിഗമനം.
ഞായറാഴ്ച രാവിലെ പത്ത് മണിയോടെയാണ് മൃതദേഹം നാട്ടുകാരുടെ ശ്രദ്ധയില്പ്പെട്ടത്. തുടര്ന്ന് പൊലീസില് വിവരമറിയിക്കുകയായിരുന്നു. നഗ്നമായനിലയില് കമിഴ്ന്ന് കിടക്കുന്ന രീതിയിലായിരുന്നു മൃതദേഹം.
കൈകള് മുറിച്ചുമാറ്റിയ നിലയിലായിരുന്നു. കാലുകള് മുറിച്ചെടുക്കാന് ശ്രമിച്ചതായും പ്രാഥമിക പരിശോധനയില് കണ്ടെത്തി.
സ്ഥലത്തെത്തി പരിശോധന നടത്തിയ പൊലീസ് ഇന്ക്വസ്റ്റ് നടപടികള് പൂര്ത്തിയാക്കി.
ഒരാഴ്ചയ്ക്കിടെ മണ്ണാര്ക്കാട്, തച്ചമ്ബാറ ഭാഗങ്ങളില്നിന്ന് ആരെയും കാണാതായതായി പരാതിയൊന്നുമില്ലെന്നാണ് പൊലീസ് പറയുന്നത്. ദേശീയപാത കടന്നുപോകുന്ന പ്രദേശമായതിനാല് മറ്റെവിടെയോവെച്ച് കൊല നടത്തിയശേഷം മൃതദേഹം തച്ചമ്ബാറയില് ഉപേക്ഷിച്ചതാകാമെന്നാണ് നിഗമനം. സംഭവത്തില് അന്വേഷണം ആരംഭിച്ചതായി പൊലീസ് പറഞ്ഞു.
https://www.facebook.com/Malayalivartha