പാരാമോട്ടറില് പറന്നിറങ്ങി ഡോനട്ട് വാങ്ങി, ആകാശത്ത് വച്ച് തന്നെ കഴിച്ച് യൂട്യൂബര്; വൈറലായി വീഡിയോ
26 കാരനായ ടക്കര് ഗോട്ടിന് വൈകുന്നേരം നല്ല വിശപ്പ്. കാലാവസ്ഥ നല്ലതായതിനാല് ഒന്നും നോക്കിയില്ല, തന്റെ സ്വന്തം പാരാമോട്ടര് (പറക്കുന്നതിനുള്ള ഉപകരണം) എടുത്ത് ഒറ്റ പറക്കല്. ഒപ്പം ക്യാമറകള് കൂടി കൈയിലെടുക്കാന് ടക്കര് മറന്നില്ല. അതുകൊണ്ട് ആകാശത്തിലൂടെയുള്ള തന്റെ യാത്രയും പാരാമോട്ടറില് ഇരുന്ന് തന്നെ ഡോനട്ട് കഴിക്കുന്നതുമെല്ലാം ടക്കറിന്റെ യുട്യൂബ് വരിക്കാര്ക്കും കാണാനായി.
തന്റെ ഏറ്റവും പുതിയ വീഡിയോയിലാണ് ടക്കര് അമേരിക്കയിലെ പെന്സില്വാനിയയിലുള്ള വീട്ടില് നിന്ന് വളരെ അകലെയല്ലാത്ത ഒരു പ്രാദേശിക ഡങ്കിന് ഡോണട്ട്സ് ഔട്ട്ലെറ്റിലേക്ക് പറന്നത്. യാത്രാ മധ്യേ ഡോനട്ട് ഔട്ട്ലെറ്റിലേയ്ക്ക് മൊബൈല് ഫോണില് വിളിക്കുന്നതും തുടര്ന്ന് ആപ്ലിക്കേഷന് ഉപയോഗിച്ച് ഡോനട്ട് ഓര്ഡര് ചെയ്യുന്നതും കാണാം. ടക്കറിന്റെ ആകാശ യാത്ര കണ്ട് പലരും അത്ഭുതത്തോടെ നോക്കുന്നുണ്ടായിരുന്നുവെന്നാണ് റിപ്പോര്ട്ടുകള്.
ഒരു പെട്ടി ഡോനട്ട്സുമായി ആകാശത്ത് പറന്ന് നടന്ന് ആഘോഷിക്കുകയാണെന്ന് ഒരു ഉപഭോക്താവ് കമന്റ് സെക്ഷനില് കുറിച്ചു. തന്റെ വീഡിയോ, ഡോനട്ട് കമ്പനി സ്പോണ്സര് ചെയ്തിട്ടില്ലെന്ന് ടക്കര് വ്യക്തമാക്കിയിട്ടും ഡങ്കിന് ഡോനട്ട്സിന് ഇത് ഒരു മികച്ച പരസ്യമാകുമെന്നും അവര് ടക്കറിന് ആയിരം പോയിന്റുകള് നല്കണമെന്നും മറ്റൊരാള് കമന്റ് ചെയ്തു.
ഫോണ് ആകാശത്ത് വച്ച് ഉപയോഗിക്കുന്നത് കാണുമ്പോൾ പേടി തോന്നുന്നുവെന്ന് മറ്റൊരു ഉപയോക്താവ് കമന്റ് ചെയ്തു. ടക്കര് ആകാശത്ത് നിന്ന് ഇറങ്ങുന്നത് കണ്ട് ആകൃഷ്ടരായ ആളുകള് അദ്ദേഹത്തെ സ്വാഗതം ചെയ്യാന് താഴെ കാത്ത് നിന്നിരുന്നു. തന്റെ പാരാമോട്ടറിനെക്കുറിച്ച് ചോദിച്ച ഒരു വ്യക്തിയോട് ഇതിന് ഏകദേശം 12,000 ഡോളര് (ഏകദേശം 8,78,000 രൂപ) ചെലവായതായി മറുപടി നല്കുന്നതും വീഡിയോയില് കാണാം.
മെയ് 29ന് ടക്കര് ഗോട്ട് പോസ്റ്റ് ചെയ്ത യൂട്യൂബ് വീഡിയോയില്, തന്റെ പാരാമോട്ടര് വൃത്തിയാക്കി, അത് ഒരു ട്രക്കില് കയറ്റി അടുത്തുള്ള ഒരു പാര്ക്കിലേക്ക് കൊണ്ടു പോകുന്നത് കാണാം. തുടര്ന്ന്, തന്റെ പാരാമോട്ടറില് കയറി ആകാശത്ത് വച്ച് ക്യാമറയോട് സംസാരിക്കുന്നതും കാണാം. പശ്ചാത്തലത്തില്, ആകാശം, അകലെയായി കാണുന്ന മരങ്ങള്, പച്ചപ്പ് എന്നിവയും കാണാം.
ഭൂമിയില് നിന്ന് ആയിരക്കണക്കിന് അടി ഉയരത്തില് സ്കൈ ഡൈവിംഗ് നടത്തുന്നതിനിടെ തന്റെ കാമുകിയോട് കാമുകന് വിവാഹാഭ്യര്ത്ഥന നടത്തുന്ന വീഡിയോ അടുത്തിടെ വൈറലായിരുന്നു. ആകാശത്തിനും ഭൂമിയ്ക്കും ഇടയിലുള്ള റേയുടെ വിവാഹാഭ്യര്ത്ഥന സോഷ്യല് മീഡിയയില് നിരവധി പേരുടെ ഹൃദയം കീഴടക്കി.
ഗോ പ്രോയില് ചിത്രീകരിച്ച വീഡിയോയില് ദമ്പതികൾ താഴേക്ക് ചാടുന്നതിനിടെ കാമുകന് റേ പല്ലുകള് കൊണ്ട് മോതിരം കടിച്ചു പിടിച്ചിരിക്കുന്നത് കാണാം. പാരച്യൂട്ട് തുറക്കുന്നതിനിടെ, റേ മോതിരം കയ്യില് പിടിച്ച് കാമുകി കെയ്റ്റിയോട് വിവാഹാഭ്യര്ത്ഥന നടത്തി. കാമുകന്റെ കൈയില് നിന്ന് മോതിരം താഴെ പോകുമോ എന്നായിരുന്നു വീഡിയോ കണ്ട പലരുടെയും ആശങ്ക.
https://www.facebook.com/Malayalivartha