മുഫാസ മരിക്കുന്ന രംഗം തന്റെ കേക്കിൽ വേണം: മൂന്ന് വയസുകാരിയുടെ ആഗ്രഹത്തിന് പിന്നിലെ കാരണം ഇതാണ്; ഏറ്റെടുത്ത് സൈബര്‍ ലോകം
പിറന്നാള്‍ കേക്കിൽ എപ്പോഴും എന്തെങ്കിലും പ്രത്യേകത കൊണ്ടു വരാന്‍ എല്ലാവര്‍ക്കും വളരെ ഇഷ്ടമാണ്. എന്നാല്‍ തന്റെ പിറന്നാളിന് ലയണ്‍ കിങ്ങ് സിനിമയിലെ ഒരു പ്രത്യേക രംഗം ഉള്‍പെടുത്തിയ കേക്ക് വാങ്ങണമെന്ന മൂന്നു വയസുകാരി ലിയോണയുടെ ആഗ്രഹമാണ് സോഷ്യല്‍ മീഡിയയില്‍ ഇപ്പോള്‍ ചിരി പടര്‍ത്തുന്നത്.
ലയണ്‍ കിംഗ് സിനിമയില്‍ രാജാവായ മുഫാസ മരിക്കുന്ന രംഗം തന്റെ കേക്കിൽ വേണം എന്നാണ് ലിയോണ ആവശ്യപ്പെട്ടത്. വിചിത്രമായ ആവശ്യം കേട്ടതോടെ വീട്ടുകാരും ആശ്ചര്യത്തിലായി. അപ്പോഴാണ് തന്റെ പ്ലാന്‍ അവള്‍ വ്യക്തമാക്കിയത്. സാധാരണ പിറന്നാള്‍ പാർട്ടിയിൽ ഒരുപാട് ആളുകള്‍ എത്തുന്നതുകൊണ്ട് കേക്കിന്റെ ഒരു പീസ് മാത്രമേ കിട്ടു.
മുഫാസ മരിച്ചുകിടക്കുന്ന രംഗം കേക്കിൽ ഉണ്ടെങ്കില്‍ പാർട്ടിക്ക് വരുന്നവര്‍ സങ്കടംകൊണ്ട് കേക്ക് കഴിക്കാന്‍ മടിക്കും. അപ്പോള്‍ മുഴുവന്‍ കേക്കും തനിക്ക് മാത്രമായി കിട്ടുമല്ലോ എന്നതാണ് ലിയോണയുടെ ചിന്ത.
എന്തായാലും ലയണ്‍ കിംഗ് തീമിലുള്ള കേക്ക് തന്നെയാണ് മകള്‍ക്ക് അച്ഛനമ്മമാര്‍ വാങ്ങി നല്‍കിയത്. കേക്കിന്റെ ചിത്രവും ലിയോണയുടെ വിചിത്രമായ ആവശ്യത്തെക്കുറിച്ചും ബന്ധുക്കളില്‍ ഒരാളാണ് സമൂഹമാധ്യമങ്ങളില്‍ പോസ്റ്റ് ചെയ്തത്. ഏറെ രസകരമായ ഈ പോസ്റ്റ് സൈബര്‍ ലോകത്ത് ചിരി പരത്തുകയാണ്. 70 ലക്ഷത്തില്‍പരം ലൈകുകളാണ് പോസ്റ്റിന് ലഭിച്ചിരിക്കുന്നത്.
https://www.facebook.com/Malayalivartha
