ലവ് ജിഹാദ് ആരോപണങ്ങളുമായി സംഘപരിവാര്‍! സജിതയെ മതംമാറ്റിയിട്ടില്ല; അവള്‍ക്ക് ഇഷ്ടമുള്ള മതത്തില്‍ വിശ്വസിക്കാം... വിവാദങ്ങളോട് പ്രതികരിച്ച് റഹ്‌മാന്‍
സജിതയെ താന്‍ മതംമാറ്റിയിട്ടില്ലെന്നും അവള്‍ക്ക് ഇഷ്ടമുള്ള മതത്തില്‍ വിശ്വസിക്കാമെന്നും ഭര്‍ത്താവ് റഹ്‌മാന്‍.
യുവാവിന്റെയും യുവതിയുടെയും ഒളിവുജീവിതം വാര്‍ത്തയായതോടെ ലവ് ജിഹാദ് ആരോപണങ്ങളുമായി സംഘപരിവാര്‍ കേന്ദ്രങ്ങള്‍ വലിയ രീതിയില്‍ പ്രചരണം ആരംഭിച്ചിരുന്നു. ഇതിനെതിരെയാണ് റഹ്‌മാന്‍ പ്രതികരണവുമായി രംഗത്തെത്തിയിരിക്കുന്നത്.
മതം നോക്കിയിട്ടല്ല തങ്ങള്‍ ഇരുവരും സ്‌നേഹിച്ചതെന്നും സജിതയെ താന്‍ മതം മാറ്റിയിട്ടില്ലെന്നും റഹ്‌മാന്‍ പറഞ്ഞു.
സജിതക്ക് ഇഷ്ടമുള്ള മതത്തില്‍ വിശ്വസിക്കാമെന്നും തനിക്ക് മതം മാറ്റാന്‍ താല്‍പര്യമില്ലെന്നും റഹ്‌മാന്‍ വ്യക്തമാക്കി. അവളുടെ രീതിയില്‍ അവള്‍ ജീവിക്കട്ടെ. മതം മാറ്റിയെന്ന തരത്തിലുള്ള പ്രചരണങ്ങള്‍ തെറ്റാണെന്ന് റഹ്‌മാന്‍ മാധ്യമങ്ങളോട് പറഞ്ഞു.
വ്യത്യസ്ത മതവിഭാഗങ്ങളില്‍പെട്ട റഹ്‌മാനും സജിതയും വീട്ടുകാരെ ഭയന്നാണ് ഒറ്റമുറിയില്‍ 10 കാലം രഹസ്യജീവിതം നയിച്ചത്. മൂന്ന് മാസങ്ങള്‍ക്ക് മുമ്ബ് വീട്ടില്‍ നിന്നും കാണാതായ റഹ്‌മാനെ സഹോദരന്‍ അവിചാരിതമായി കണ്ടുമുട്ടുന്നതോടെയാണ് കഥകളുടെ ചുരുളഴിഞ്ഞത്.
https://www.facebook.com/Malayalivartha
