നടി കാവ്യ മാധവന്റെ 37മത്തെ ജന്മദിനമാണ് ഇന്ന്. ദിലീപും കുടുംബവും ഒന്നടങ്കം ആഘോഷമാക്കിയിരിക്കുകയാണ് കാവ്യയുടെ പിറന്നാൾ ദിനം. അതുപോലെ തന്നെ ഫാൻസും ഗ്രൂപ്പും സോഷ്യൽമീഡിയയിൽ കാവ്യയുടെ പിറന്നാൾ ആഘോഷമാക്കുകയാണ്. ദിലീപിന്റെയും കാവ്യയുടെയും രണ്ടാം വിവാഹത്തിന് പിന്നാലെ മീനാക്ഷിയും ഇവർക്കൊപ്പമാണ് താമസം.

തന്റെ അച്ഛനും നടനുമായ ദിലീപിന്റെ ജീവിതപങ്കാളി മാത്രമല്ല മീനാക്ഷിക്ക് കാവ്യ. തന്റെ വളരെ അടുത്ത സുഹൃത്തിനെ പോലെയാണ് കാവ്യയെന്ന് മീനാക്ഷി തന്നെ പറഞ്ഞിട്ടുണ്ട്. മീനാക്ഷിയുടെ ഏറ്റവും അടുത്ത സുഹൃത്തായ നമിതയുടെ പിറന്നാളും ഇന്നാണ്.

ഹാപ്പി ബർത്ഡേ ബെസ്റ്റ് ഫ്രണ്ട്. ഐ ലവ് യു എന്ന് കുറിച്ച് കൊണ്ട് ഇരുവരുടെയും ചിത്രം പങ്കുവെച്ച് കൊണ്ടായിരുന്നു മീനാക്ഷി തന്റെ സ്വകാര്യ ഇൻസ്റ്റപേജിൽ നിന്നും നമിതയ്ക്ക് പിറന്നാൾ ആശംസ അറിയിച്ചിരിക്കുന്നത്. തന്റെ ജീവിതത്തില്‍ വളരെ പ്രധാനപ്പെട്ട രണ്ട് പേരുടെ ജന്മദിനം ഒരേദിവസം ആഘോഷിക്കുന്നതിന്റെ ത്രില്ലിലാണ് മീനാക്ഷി ഇന്ന്.

അതേസമയം കാവ്യയ്ക്കും പിറന്നാൾ ആശംസയുമായി മീനാക്ഷി എത്തി. ഹാപ്പി ബർത്ഡേ.. ഐ ലവ് യു എന്നാണ് ഇരുവരുടെയും ചിത്രങ്ങൾ പങ്കുവെച്ച് കൊണ്ട് മീനാക്ഷി കുറിച്ചത്.