അമിന് ഷെയ്ഖ് എന്ന ബിസിനസുകാരന്റെ ജീവിതം സിനിമയെ വെല്ലുന്നത്
വലിയ സ്ഥാനങ്ങളില് എത്തുമ്പോള് കടന്നുവന്ന വഴികളും സഹായിച്ചവരെയും മറക്കുന്നവരാണ് മിക്കവരും. ഭൂതകാലം മോശമാണെങ്കില് നിശ്ചയമായിട്ടും അത് മിണ്ടില്ല. അവിടെയാണ് അമിന് ഷെയ്ഖ് എന്ന ബിസിനസുകാരന് വ്യത്യസ്തനാകുന്നത്. അദ്ദേഹത്തിന് സ്വന്തം ഭൂതകാലം തുറന്നുപറയാന് മടിയില്ലെന്നു മാത്രമല്ല അതാണ് തന്റെ ജീവിതം മാറ്റിമറിച്ചതെന്നും അദ്ദേഹം സാക്ഷ്യപ്പെടുത്തുന്നു.
ഞാനൊരു തെരുവ് ബാലനാണ്. തെരുവ് കുട്ടികളെ ഞാന് ഇഷ്ടപ്പെടുന്നു. ഞാന് ഭിക്ഷ യാചിച്ചിട്ടുണ്ട്, മോഷ്ടിച്ചിട്ടുണ്ട്. ഷൂ പോളിഷ് ചെയ്തു നല്കിയിട്ടുണ്ട്. എല്ലാം ഒരു നേരത്തെ ആഹാരത്തിന് വേണ്ടിയായിരുന്നു. എന്നാല് ഞാന് അതില് അഭിമാനിക്കുന്നു. തെരുവ് മക്കളുടെ ജീവിതവും, കഷ്ടപ്പാടും ഞാന് മനസിലാക്കിയത് എനിക്കങ്ങനെയൊരു ഭൂതകാലമുളളതിനാലാണ്. പറയുന്നത് അമിന് ഷെയ്ഖ് എന്ന ബിസിനസുകാരനാണ്. തെരുവ് ബാലനായി ജീവിച്ച ഒരാള് ബിസിനസുകാരനായതില് ഭാഗ്യം കൊണ്ടെന്നു മാത്രം പറയാനാവില്ല, അമിന്റെ പരിശ്രമം അത്രയ്ക്കുണ്ടായിരുന്നു.
35കാരനായ അമിന് ഇന്ന് കാറുകള് വാടകയ്ക്ക് ല്കുന്ന വലിയൊരു കമ്പനി മുതലാളിയാണ്. ഇതിന് പുറമേ ഒരു പുസ്തകവും എഴുതിയിട്ടുണ്ട്. തീര്ന്നില്ല, തെരുവ് കുട്ടികള്ക്കായി തന്റെ ജീവിതം മാറ്റിവച്ചിരിക്കുന്നു ഈ ചെറുപ്പക്കാരന്. ഈ കുട്ടികളുടെ ക്ഷേമത്തിനായി ഒരു കഫേ കൂടി ആരംഭിക്കാനുളള തയാറെടുപ്പിലാണ് അമിന് ഇപ്പോള്. അഞ്ചാം വയസില് നടത്തിയ ഒളിച്ചോട്ടം തന്റെ ജീവിതം ഇത്രമേല് മാറ്റുമെന്നു കരുതിയില്ലെന്നു പറയുമ്പോള് അമിന്റെ കണ്ണുകളില് അത്ഭുതം നിഴലിക്കും. ഇതേ അത്ഭുതം കേട്ടിരിക്കുന്നയാള്ക്കും ഉണ്ടാവും. തീര്ത്തു വേദനനിറഞ്ഞ കുട്ടിക്കാലമായിരുന്നു അമിന്റേത്. അഞ്ചാം വയസില് ഒരു മുംബൈയിലെ ഒരു ചായക്കടയിലായിരുന്നു ജോലി. കഷ്ടപ്പാടുകള് നിറഞ്ഞ ജീവിതം. വീട്ടില് പോകാനും കഴിയില്ല രണ്ടാനച്ഛന്റെ ക്രൂരമായ പീഡനമായിരുന്നു കാരണം. ഒരിക്കല് ജോലിക്കിടെ പറ്റിയ കൈയബദ്ധം, രണ്ടു ഗ്ലാസുകള് പൊട്ടി. ഉടമയെ എങ്ങനെ അഭിമുഖീകരിക്കുമെന്നറിയാതെ പേടിച്ചു ഒളിച്ചോടാന് തീരുമാനിച്ചു. വീട്ടിലെ അടി പേടിച്ച് അവിടെ പോകാനും തോന്നിയില്ല.
തെരുവിലായതോടെ മാലിന്യത്തില് നിന്നു ലഭിക്കുന്ന ആഹാരാവശിഷ്ടങ്ങള് കഴിച്ചു വിശപ്പടക്കി. ചെറിയ മോഷണങ്ങള് നടത്തി, പാര്ക്കിലെ ബെഞ്ചില് അന്തിയുറക്കം. ഒരു നേരത്തെ ആഹാരം കിട്ടാതെ പലപ്പോഴും ബുദ്ധിമുട്ടിയുണ്ട്. പിന്നെ സ്നേഹസദന് എന്ന അനാഥമന്ദിരത്തിലെത്തി. പിന്നെ അവിടെയായി ജീവിതം. അതുവരെ അനുഭവിച്ച ദുരന്തങ്ങളെക്കുറിച്ച് പറയുമ്പോഴും അമിന്റെ മുഖത്ത് ചിരിവിടരും. അമിന് അങ്ങനെയാണ് തോല്ക്കാന് മനസില്ലാത്തവന്റെ ചിരി. ഇന്ന് 35ാം വയസിലെത്തി നില്ക്കുമ്പോള് കഴിഞ്ഞതൊക്കെ നല്ലതെന്നു വിശ്വസിക്കുന്നുവെന്നു പറയുമ്പോഴും ഈ ചെറുപ്പക്കാരന്റെ മുഖത്ത് പതിവ് ചിരി. സ്നേഹസദനില് വച്ചാണ് െ്രെഡവിങ് പഠിക്കുന്നത്. പരിശ്രമവും സത്യസന്ധതയും അമിനെ സ്നേഹ ട്രാവല്സ് എന്ന കമ്പ്യൂിയുടെ അവകാശിയായി മാറ്റി. താന് അനുഭവിച്ച കഷ്ടപ്പാടുകള് മറ്റു തെരുവുകുട്ടികള്ക്ക് ഉണ്ടാവാതിരിക്കാന് അവര്ക്ക് വേണ്ടി പ്രവര്ത്തിക്കുകയാണെന്നു പറയുന്നു അമിന് ഷെയ്ഖ്. ജീവിതം പലവിതത്തില് തോല്പ്പിക്കാന് നോക്കും. പോരാടണം, ജീവിത യാത്രയുടെ ടിക്കറ്റ് വാശിയാണ് അമിന് തുറന്നുപറയുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha