മേടം രാശി (അശ്വതി, ഭരണി, കാര്‍ത്തിക ആദ്യ കാല്‍ഭാഗം)

ഇന്ന് ഇഷ്ടപ്പെട്ട വിഭവങ്ങള്‍ ആസ്വദിക്കാന്‍ അവസരം ലഭിച്ചേക്കാം. പ്രിയപ്പെട്ടവരുമായി ഒരു ഉല്ലാസയാത്ര പോകാനും സാധ്യതയുണ്ട്. യാത്രകള്‍ക്ക് അനുകൂലമായ ദിവസമാണിത്. വാഹനവുമായി ബന്ധപ്പെട്ട് ചില നല്ല അനുഭവങ്ങള്‍ പ്രതീക്ഷിക്കാം. സമൂഹത്തില്‍ എവിടെയും അംഗീകരിക്കപ്പെടും. ചുറ്റുമുള്ളവരുമായി നല്ല ബന്ധം സ്ഥാപിക്കാന്‍ ഈ ദിവസം ഉപയോഗപ്പെടുത്തുക.



ഇടവം രാശി (കാര്‍ത്തിക അവസാന മുക്കാല്‍ ഭാഗം, രോഹിണി, മകയിര്യം ആദ്യ പകുതിഭാഗം)

ഏറ്റെടുക്കുന്ന പ്രവൃത്തികളില്‍ ലാഭം പ്രതീക്ഷിക്കാവുന്ന ഒരു ദിവസമാണിത്. അപ്രതീക്ഷിതമായി കുടുംബത്തില്‍ നിന്നും ബന്ധുക്കളില്‍ നിന്നും സഹായങ്ങള്‍ ലഭിച്ചേക്കാം. ഇത് കാര്യങ്ങള്‍ എളുപ്പമാക്കാന്‍ സഹായിക്കും. മറ്റുള്ളവരുമായി സഹകരിച്ച് പ്രവര്‍ത്തിക്കുന്നത് വിജയത്തിലേക്ക് നയിക്കും. ബന്ധങ്ങളെ ഊഷ്മളമാക്കാന്‍ ശ്രദ്ധിക്കുക.



മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണര്‍തം ആദ്യ മുക്കാല്‍ഭാഗം)

യാത്രകള്‍ കൂടുതല്‍ ആവശ്യമായി വരുന്ന ഒരു തൊഴില്‍ മാറ്റം ഇന്ന് പ്രതീക്ഷിക്കാം. ഇത് കുടുംബത്തില്‍ നിന്ന് താല്‍ക്കാലികമായി മാറിനില്‍ക്കേണ്ട സാഹചര്യങ്ങള്‍ സൃഷ്ടിച്ചേക്കാം. പുതിയ അനുഭവങ്ങളെ സ്വാഗതം ചെയ്യുക, അവ അവസരങ്ങള്‍ ആണ്

കര്‍ക്കിടകം രാശി (പുണര്‍തം അവസാന കാല്‍ഭാഗം, പൂയം, ആയില്യം)

തൊഴില്‍ രംഗത്ത് ഇന്ന് വിജയം നേടും. എന്നാല്‍ വരവിനേക്കാള്‍ കൂടുതല്‍ ചിലവുകള്‍ ഉണ്ടാകാന്‍ സാധ്യതയുണ്ട്. അമിതമായ ആഢംബര പ്രിയം നിയന്ത്രിക്കേണ്ടത് പ്രധാനമാണ്. സാമ്പത്തിക കാര്യങ്ങളില്‍ ഒരു വ്യക്തമായ കാഴ്ചപ്പാട് രൂപപ്പെടുത്തുന്നത് ഭാവിയില്‍ ഗുണം ചെയ്യും. വിജയങ്ങള്‍ ആഘോഷിക്കുമ്പോഴും ശ്രദ്ധയോടെ മുന്നോട്ട് പോകുക.



ചിങ്ങം രാശി (മകം, പൂരം, ഉത്രം ആദ്യ കാല്‍ഭാഗം)

ഇന്ന് കാര്യക്ഷമതയും വിജയസാധ്യതയും കൂടുതലായിരിക്കും. തടസ്സങ്ങള്‍ മാറും. സാമ്പത്തികമായ നേട്ടങ്ങളും ഉയര്‍ന്ന സ്ഥാനമാനങ്ങളും പ്രതീക്ഷിക്കാം. നല്ല കാര്യങ്ങള്‍ക്കായി ഊര്‍ജ്ജം വിനിയോഗിക്കുക. ഇന്ന് ആത്മവിശ്വാസം വര്‍ദ്ധിക്കുകയും ചുറ്റുമുള്ളവരില്‍ മതിപ്പുണ്ടാക്കുകയും ചെയ്യും. കാര്യപ്രാപ്തി, എവിടെയും വിജയം , ശത്രുഹാനി, ഉന്നതസ്ഥാന ലബ്ധി, ധനലാഭം പ്രതീക്ഷിക്കാം.



കന്നി രാശി (ഉത്രം അവസാന മുക്കാല്‍ഭാഗം, അത്തം, ചിത്തിര ആദ്യ പകുതിഭാഗം)

റിയല്‍ എസ്റ്റേറ്റ് മേഖലയില്‍ പ്രവര്‍ത്തിക്കുന്നവര്‍ക്ക് ഇന്ന് നല്ല ലാഭം പ്രതീക്ഷിക്കാം. കുടുംബപരമായ ചില അഭിപ്രായ വ്യത്യാസങ്ങള്‍ ശ്രദ്ധയോടെ കൈകാര്യം ചെയ്യേണ്ടതുണ്ട്. കുട്ടികള്‍ക്ക് ചെറിയ ബുദ്ധിമുട്ടുകളോ അസുഖങ്ങളോ വരാന്‍ സാധ്യതയുണ്ട്; അവരുടെ കാര്യത്തില്‍ കൂടുതല്‍ ശ്രദ്ധ നല്‍കുക. ക്ഷമയോടെയുള്ള ഇടപെടലുകള്‍ ബന്ധങ്ങളെ ശക്തിപ്പെടുത്തും.



തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാല്‍ഭാഗം)

നല്ല കാര്യങ്ങള്‍ ചെയ്യാനും അതുവഴി നല്ല പേര് നേടാനും ഇന്ന് അവസരങ്ങള്‍ ലഭിക്കും. മുന്‍പുണ്ടായിരുന്ന ചില തെറ്റിദ്ധാരണകള്‍ മാറ്റി, നല്ല ബന്ധങ്ങള്‍ വീണ്ടും സ്ഥാപിക്കാന്‍ സാധിക്കും. മറ്റുള്ളവരുമായി തുറന്ന മനസ്സോടെ സംസാരിക്കുന്നത് ഗുണം ചെയ്യും. ഈ അവസരം നല്ല സൗഹൃദങ്ങള്‍ പുതുക്കാനും ഉപയോഗപ്പെടുത്തുക.



വൃശ്ചികം രാശി (വിശാഖം അവസാന കാല്‍ഭാഗം, അനിഴം, തൃക്കേട്ട)

പ്രണയബന്ധങ്ങളില്‍ വിജയസാധ്യതയുണ്ടെങ്കിലും, ജീവിതത്തില്‍ ചില നഷ്ടങ്ങള്‍ സംഭവിക്കാനും സാധ്യതയുണ്ട്. ചെറിയ ആരോഗ്യ പ്രശ്‌നങ്ങളും പ്രവര്‍ത്തനങ്ങളില്‍ തടസ്സങ്ങളും വരാം. ഇത് ക്ഷമയോടെ നേരിടേണ്ട സമയമാണ്. വെല്ലുവിളികളെ അവസരങ്ങളായി കണ്ട് മുന്നോട്ട് പോകുക. സ്റ്റോക്ക് ട്രേഡിങ്ങ് ചെയ്യുന്നവര്‍ ജാഗ്രതയോടെ കൈകാര്യം ചെയുക.



ധനു രാശി (മൂലം, പൂരാടം, ഉത്രാടം ആദ്യ കാല്‍ഭാഗം)

വിവാഹം പോലുള്ള മംഗള കര്‍മ്മങ്ങളില്‍ പങ്കെടുക്കാന്‍ ഇന്ന് അവസരം ലഭിച്ചേക്കാം. ആഭരണങ്ങള്‍, വസ്ത്രങ്ങള്‍, അലങ്കാര വസ്തുക്കള്‍ എന്നിവ സ്വന്തമാക്കാന്‍ സാധ്യതയുണ്ട്. നല്ല ഉറക്കവും കുടുംബത്തില്‍ സന്തോഷവും പ്രതീക്ഷിക്കാം. ഇത് കുടുംബ ബന്ധങ്ങള്‍ കൂടുതല്‍ ദൃഢമാക്കാന്‍ സഹായിക്കും. ഓരോ നിമിഷവും സന്തോഷത്തോടെ ജീവിക്കുക.



മകരം രാശി (ഉത്രാടം അവസാന മുക്കാല്‍ഭാഗം, തിരുവോണം, അവിട്ടം ആദ്യ പകുതിഭാഗം)

കുടുംബത്തില്‍ സന്തോഷവും സംതൃപ്തിയും നിലനില്‍ക്കുന്ന ഒരു ദിവസമാണിത്. താങ്കളുടെ പ്രവര്‍ത്തനങ്ങളില്‍ വിജയം നേടാന്‍ സാധിക്കും. മനസ്സില്‍ വിചാരിക്കുന്ന കാര്യങ്ങള്‍ നടപ്പിലാക്കാന്‍ സാധ്യതയുണ്ട്. വളരെ കാലമായി അലട്ടിയിരുന്ന മാനസിക വിഷമങ്ങളില്‍ നിന്ന് മോചനം ലഭിക്കും.



കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാല്‍ഭാഗം)

ആരോഗ്യ കാര്യങ്ങളില്‍ ഇന്ന് കൂടുതല്‍ ശ്രദ്ധ നല്‍കേണ്ടതുണ്ട്. പ്രത്യേകിച്ചും ദഹന സംബന്ധമായ പ്രശ്‌നങ്ങളുള്ളവര്‍ മരുന്നുകള്‍ കൃത്യസമയത്ത് കഴിക്കാന്‍ ശ്രദ്ധിക്കുക, അല്ലെങ്കില്‍ ബുദ്ധിമുട്ടുകള്‍ വര്‍ദ്ധിക്കാന്‍ സാധ്യതയുണ്ട്. ശരീരത്തിന് ആവശ്യമായ വിശ്രമം നല്‍കി, ആരോഗ്യത്തെ പരിപാലിക്കുക. ചിട്ടയായ ജീവിതശൈലി പിന്തുടരുന്നത് ഗുണം ചെയ്യും.



മീനം രാശി (പൂരൂരുരുട്ടാതി അവസാന കാല്‍ഭാഗം, ഉതൃട്ടാതി, രേവതി)

ഇന്ന് ചെറിയ ആരോഗ്യക്കുറവ് അനുഭവപ്പെടാനും ശരീരത്തിന് ക്ഷീണം തോന്നാനും സാധ്യതയുണ്ട്. എല്ലാ കാര്യങ്ങളിലും ശ്രദ്ധയോടെ ഇടപെട്ടില്ലെങ്കില്‍ ചിലപ്പോള്‍ തെറ്റിദ്ധാരണകള്‍ക്ക് വഴിവെച്ചേക്കാം. ഉദര സംബന്ധമായ പ്രശ്‌നങ്ങളും അലട്ടാന്‍ സാധ്യതയുണ്ട്. ഈ വെല്ലുവിളികളെ ക്ഷമയോടെ നേരിടുക.