പണവും പെണ്ണും തൂത്തെറിഞ്ഞു സകലതും... സരിത മുതല് ബിജു രമേഷ് വരെ; സഹിക്കാനും പരിതിയുണ്ട് നേതാക്കളെ
ഉമ്മന്ചാണ്ടി എന്ന മഹാമാന്ത്രികന് എങ്ങനെ ഇത്രപെട്ടെന്ന് മലയാളികള്ക്ക് അനഭിമതനായി? അതിനുവേണ്ടി എന്തു പാതകമാണ് അദ്ദേഹം ചെയ്തത്?
ഉമ്മന്ചാണ്ടി കേരളത്തിലെ കോണ്ഗ്രസിന്റെ ക്രൈസ്തവ മുഖ്യമന്ത്രിയായിരുന്നു. മുമ്പൊരിക്കലും ഇത്തരമൊരു ഇമേജ് കോണ്ഗ്രസിന്റെ ഒരു മുഖ്യമന്ത്രിക്കും ഇല്ലായിരുന്നു. ഉമ്മന്ചാണ്ടിയെ ക്രൈസ്തവ മുഖ്യമന്ത്രിയാക്കി തീര്ത്തത് അദ്ദേഹത്തിന്റെ തന്നെ സഹപ്രവര്ത്തകനായ രമേശ് ചെന്നിത്തലയാണ്. മുസ്ലീം ലീഗിന് അഞ്ചാംമന്ത്രി നല്കിയതോടെയാണ് ഉമ്മന്ചാണ്ടി ന്യൂനപക്ഷക്കാരുടെ നേതാവായത്. രമേശ് ചെന്നിത്തല അദ്ദേഹത്തിന്റെ ന്യൂനപക്ഷ ഇമേജിനെ ഊട്ടിവളര്ത്തി. ലീഗിന്റെ അഞ്ചാം മന്ത്രിപദം എന്.എസ്.എസ്. ഉള്പ്പെടെയുള്ള ഹൈന്ദവ സംഘടനകളെ കോണ്ഗ്രസില് നിന്നും അകറ്റി. പിന്നീട് എന്.എസ്.എസിന്റെ കര്ശനനിലപാട് കാരണം രമേശ് ചെന്നിത്തലയെ ആഭ്യന്തരമന്ത്രിയാക്കേണ്ടിവന്നു. അതോടെ ഉമ്മന്ചാണ്ടിക്ക് മന്ത്രിസഭയ്ക്കുള്ളില് തന്നെ എതിരാളിയുണ്ടായി.
വി.എം. സുധീരന് കെ.പി.സി.സി പ്രസിഡന്റായതോടെ ഉമ്മന്ചാണ്ടി അഴിമതിക്കാരനാണെന്ന ഇമേജ് വന്നുചേര്ന്നു. സുധീരനൊപ്പം നിന്ന് എ.കെ. ആന്റണിയും ചാണ്ടിയെ അഴിമതിക്കാരനാക്കാന് ആവോളം ശ്രമിച്ചു. ഉമ്മന്ചാണ്ടി പക്ഷക്കാരുടെ ഘടകകക്ഷിമന്ത്രിമാരെ ചെന്നിത്തല കേസില് കുരുക്കി. കെ.എം. മാണി കൈക്കൂലി വാങ്ങുമെന്ന് അരിയാഹാരം കഴിക്കുന്നവരെ കൊണ്ട് വിശ്വസിപ്പിക്കുവാന് ചെന്നിത്തലയ്ക്ക് കഴിഞ്ഞു.
കേരളത്തില് ഉമ്മന്ചാണ്ടിയുടെ 500 രൂപയെങ്കിലും വാങ്ങാത്ത പാവങ്ങളുണ്ടാവില്ല. മാണിയുടെ കാരുണ്യ സാധാരണക്കാരന് അത്താണിയായി. അപ്പോഴാണ് സരിതാനായര് വന്നത്. ചെന്നിത്തലയുടെ ഡ്രീം പ്രോജക്റ്റ് അങ്ങനെ നടപ്പിലാവുകയായിരുന്നു. പിറകെ ബാറും വന്നു. ബാര്ക്കോഴ ഐ ഗ്രൂപ്പിന്റെ പദ്ധതിയായിരുന്നു. സരിതക്കൊപ്പം സ്വന്തം പേഴ്സണല് സ്റ്റാഫിലെ ചില അംഗങ്ങള് പോയതോടെ ഉമ്മന്ചാണ്ടി പ്രതിരോധത്തിലായി. പേഴ്സണല് സ്റ്റാഫ് തമ്മിലുള്ള വഴക്കാണ് സരിതാവിഷയത്തെ കത്തിജ്ജ്വലിപ്പിച്ചത്. മുഖ്യമന്ത്രിയുടെ പ്രസ് സെക്രട്ടറിയും സരിതകേസില് പുറത്തായ പി.എ. ടെനി ജോപ്പനും തമ്മിലുള്ള പടലപിണക്കമാണ് ജോപ്പനെ സരിതകേസില് കുരുക്കിയെന്നത് പരസ്യമായ രഹസ്യമാണ്. ഇതിനിടയിലും ജനസമ്പര്ക്കവുമായി ഉമ്മന്ചാണ്ടി ഓടിനടന്നു. എന്നാല് ജനസമ്പര്ക്കത്തിലെ പദ്ധതികള് പോലും ഇടതു അനുഭാവികളായ ഉദേ്യാഗസ്ഥര് പാരവച്ച് തുലച്ചു.
കേരളത്തില് ബി.ജെ.പിയെ വളര്ത്തിയ നേതാവ് രമേശ് ചെന്നിത്തലയാണ്. അഴിമതിക്കാരായ മന്ത്രിമാരെ മത്സരിപ്പിക്കരുതെന്ന് സുധീരന് പറഞ്ഞപ്പോള് അതും കേട്ടില്ല. ബാബുവും മറ്റും അഴിമതി നടത്തിയിട്ടില്ലെന്ന് പറഞ്ഞാല് അത് വിശ്വസിക്കുക ഉമ്മന്ചാണ്ടി മാത്രമായിരിക്കും. ഇനി സുധീരന്റെയും ചെന്നിത്തലയുടെയും ഊഴമാണ്. ഉമ്മന്ചാണ്ടി കേരളത്തിന്റെ പ്രതിപക്ഷ നേതാവ് ആകുമോ എന്ന് കണ്ടറിയണം.
ക്രൈസ്തവ മേഖലകളില് കോണ്ഗ്രസിന്റെ അടിത്തറ ഇളകിയത് ഉമ്മന്ചാണ്ടിയെ മാത്രമായിരിക്കും ബാധിക്കുക. ജെ.ഡി.യു വിനെപോലുള്ള ഘടകകക്ഷികള് ഇല്ലാതായതും ഉമ്മന്ചാണ്ടിയുടെ കരം ച്ഛേദിക്കും.
അഴിമതി ജനം അംഗീകരിക്കില്ല. ഭരണാധികാരികള് സ്ത്രീകള്ക്ക് പിന്നാലെ പായുന്നതും ജനം അംഗീകരിക്കില്ല. ഇതു രണ്ടുമാണ് കേരളത്തില് സംഭവിച്ചത്. അഴിമതിക്കാരായ ഭരണാധികാരികളെ നിശബ്ദമായി തകര്ത്തെറിയുകയായിരുന്നു കേരളം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha