അഴിഞ്ഞാടിയവരെ ജനം പുറത്തെറിഞ്ഞു... ചാടിമറിഞ്ഞ ശിവന്‍ കുട്ടി മുതല്‍ കടിച്ച ജമീല പ്രകാശവും കടിയേറ്റ് വാങ്ങിയ ശിവദാസന്‍ നായരും
എല്ലാം മറന്ന് ജനങ്ങളെ വെല്ലുവിളിക്കുന്നവര്‍ക്ക് ജനങ്ങള്‍ തന്നെ മറുപടി കൊടുത്തു. 2015 ലെ ബജറ്റ് ദിനത്തില്‍ നിയമസഭയില്‍ നടന്ന അക്രമത്തില്‍ മുന്‍നിരയില്‍ നിന്ന മിക്കവര്‍ക്കുമെതിരെ ജനം വിധിയെഴുതി. ചിലര്‍ വലിയ പരുക്കില്ലാതെ വീണ്ടും സഭയിലെത്തി. കടിയും പിടിയും വലിയും പിന്നെ സ്പീക്കറുടെ വേദി തല്ലിത്തകര്‍ക്കലും. സഭയില്‍ കാണാന്‍ പാടില്ലാത്തതു ജനത്തിനു കാണിച്ചു തന്നു അന്നു ചിലര്‍.
ഇതില്‍ സ്പീക്കറുടെ വേദി തകര്‍ത്ത 15 എംഎല്‍എമാരെ പൊലീസ് തിരിച്ചറിഞ്ഞെങ്കിലും തുടര്‍നടപടി ഉണ്ടായതുമില്ല. ആ കേസ് ഇപ്പോള്‍ െ്രെകംബ്രാഞ്ചിന്റെ പെട്ടിയില്‍ ഭദ്രം. ധനമന്ത്രി ആയിരിക്കെ ബാര്‍ കോഴക്കേസില്‍ ആരോപണ വിധേയനായ കെ.എം.മാണി ബജറ്റ് അവതരിപ്പിക്കുന്നതു പ്രതിപക്ഷം തടയാന്‍ ശ്രമിക്കുന്നതിനിടെയാണു ഭരണപ്രതിപക്ഷ കയ്യാങ്കളിയും അക്രമവും അരങ്ങേറിയത്.
ബഹളത്തിനിടെ ജമീലാ പ്രകാശം ശിവദാസന്‍ നായരെ കടിച്ചെന്നും ഇല്ലെന്നും രണ്ടുപക്ഷം. രണ്ടു പേരെയും ജനം ഒഴിവാക്കി. മുണ്ട് മാടിക്കുത്തി വാച്ച് ആന്‍ഡ് വാര്‍ഡിന്റെ തോളിനു മുകളിലൂടെ മേശപ്പുറത്തു ചവിട്ടി മാണിക്കരികിലേക്കു കുതിച്ച ശിവന്‍കുട്ടി, ബഹളത്തിന്റെ മുന്‍നിരയില്‍ ഉണ്ടായിരുന്ന കെ.കെ.ലതിക, മാണിക്കു നേരെ പാഞ്ഞടുത്ത ബിജിമോളെ പാതിവഴിയില്‍ ചെറുത്തുനിര്‍ത്തിയ ഷിബു ബേബി ജോണ്‍ എന്നിവരൊന്നും പുതിയ സഭയില്‍ ഇല്ല. .jpg)
സഭയിലെ ഈ നാടകത്തിനിടെ ആക്രോശവും രോഷപ്രകടനവുമൊക്കെയായി ജനം കണ്ട എം.എ.വാഹിദ്, ഡൊമിനിക് പ്രസന്റേഷന്‍ എന്നിവരെയും ജനം ഇക്കുറി പരാജയപ്പെടുത്തി. എന്നാല്‍ പ്രതിപക്ഷത്തെ തീപ്പൊരിയായിരുന്ന ബിജിമോള്‍, സ്പീക്കറുടെ കസേര മറിച്ചിട്ട ഇ.പി.ജയരാജന്‍ എന്നിവര്‍ തിരിച്ചെത്തി. മാണിക്കു സുരക്ഷാകവചം തീര്‍ത്ത പി.കെ.ബഷീര്‍, കെ.ടി.ജലീല്‍ എന്നിവരും വീണ്ടും സഭയിലെത്തുന്നു.
സഭയ്ക്കുള്ളില്‍ അന്ന് ലഡു വിതരണം ചെയ്ത തോമസ് ഉണ്ണിയാടനും വീണു. ബജറ്റ് പാസായതായി പ്രഖ്യാപിച്ച അന്നത്തെ സ്പീക്കര്‍ എന്‍.ശക്തനും കാലിടറി...
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
