മലയാളിക്കരുത്തില് മഹാവിജയം... 95 കോടി ചെലവഴിച്ച് 12 വര്ഷം കാത്തിരുന്നു
രാജ്യാന്തര ബഹിരാകാശ ചരിത്രത്തില് വിജയകരമായ സുദിനമാണിന്ന്. ലോകം ഏറെ ശ്രദ്ധയോടെ വീക്ഷിച്ച പരീക്ഷണത്തില് ഇന്ത്യ വിജയിച്ചിരിക്കുന്നു. ആദ്യ പരീക്ഷണം തന്നെ വന് വിജയമായി. ഇന്ത്യയുടെ പുനരുപയോഗ ബഹിരാകാശ വാഹനം തിരിച്ചിറക്കി ലോകത്തെ അദ്ഭുതപ്പെടുത്തിയിരിക്കുകയാണ് ഐഎസ്ആര്ഒ.
നീണ്ട പന്ത്രണ്ട് വര്ഷത്തെ കാത്തിരിപ്പിനൊടുവിലാണ് ഈ ചരിത്ര നേട്ടം. തിങ്കളാഴ്ച രാവിലെ 7 ന് ശ്രീഹരിക്കോട്ടയിലെ സതീഷ് ധവാന് സ്പേസ് സെന്ററില് നിന്നാണ് പരീക്ഷണം നടന്നത്. വിക്ഷേപിച്ച് 20 മിനിറ്റിനു ശേഷം പരീക്ഷണം വിജയിച്ചെന്ന് ഐഎസ്ആര്ഒ അധികാരികള് മാധ്യമങ്ങളെ അറിയിച്ചു. ഇത്രയും വലിയ നേട്ടത്തിനു പിന്നില് മലയാളി ഗവേഷകനാണ്. നെയ്യാറ്റിന്കര സ്വദേശി ശ്യാം മോഹനാണ് ആര്എല്വിടിഡിയുടെ പ്രോജക്ട് ഡയറക്ടര്.
വിമാന മാതൃകയിലുള്ള വാഹനമാണ് പരീക്ഷിച്ചത് (ആര്എല്വിടിഡി). ഇന്ത്യന് ബഹിരാകാശ രംഗത്ത് ഏറെ മാറ്റമുണ്ടാക്കുന്ന പരീക്ഷണം വീക്ഷിക്കാന് പ്രമുഖ ഗവേഷകരെല്ലാം എത്തിയിരുന്നു. ഇന്ത്യ ആദ്യമായി പരീക്ഷിക്കുന്ന ചിറകുള്ള ബഹിരാകാശ പേടകമാണ് ഇത്.
ഇത്തരമൊരു വാഹനം നിര്മിക്കാന് 95 കോടി രൂപയാണ് ചെലവായത്. ഖര ഇന്ധനമാണ് ഇതില് ഉപയോഗിക്കുന്നത്. ഒന്പത് ടണ് ഭാരമുള്ള ബൂസ്റ്റര് റോക്കറ്റിന്റെ സഹായത്തോടെ വിക്ഷേപിച്ച് 70 കിലോമീറ്റര് മുകളിലെത്തി ശബ്ദത്തെക്കാള് അഞ്ചിരട്ടി വേഗത്തില് താഴേക്ക് തിരിച്ചെത്തുന്ന പദ്ധതിയാണിത്.
ഈ പദ്ധതിയുടെ പൂര്ണ പരീക്ഷണം 2030 ല് നടത്താനാകുമെന്നാണ് കരുതുന്നത്. നിലവിലെ വാഹനത്തെക്കാള് അഞ്ചിരട്ടി വലിപ്പമുള്ള വാഹനമാണ് ഇനി പരീക്ഷിക്കുക.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha