തനിഷ്ഖ് എബ്രഹാം എന്ന മലയാളിപയ്യന് പ്രായം പന്ത്രണ്ട് ആണെങ്കിലും മൂന്ന് കമ്മ്യൂണിറ്റി കോളെജ് ബിരുദങ്ങളാണ് കൈയിലുള്ളത്. കലിഫോര്‍ണിയയിലെ രണ്ടു കോളജുകളില്‍ പ്രവേശനം കിട്ടി കാത്തിരിക്കുയാണിപ്പോള്‍. കേരളത്തില്‍ നിന്നും അമേരിക്കയിലേക്ക് കുടിയേറിയ താജി എബ്രഹാമിന്റെയും ബിജോ എബ്രഹാമിന്റെയും മകനാണ് തനിഷ്ഖ്. തനിഷ്ഖിന്റെ നേട്ടങ്ങള്‍ക്ക് അമേരിക്കന്‍ പ്രസിഡന്റ് ബറാക്ക് ഒബാമ ആശംസകള്‍ അറിയിച്ചിരുന്നു.

ഏഴാം വയസിലാണ് തനിഷ്ഖ് കമ്മ്യൂണിറ്റി കോളെജില്‍ പഠനം ആരംഭിച്ചത്. കഴിഞ്ഞവര്‍ഷം അമേരിക്കന്‍ റിവര്‍ കോളെജിന്റെയും സക്രാമെന്റോ കമ്മ്യൂണിറ്റി കോളെജിലെയും ബിരുദങ്ങള്‍ ലഭിച്ചു. ജനറല്‍ സയന്‍സ്, കണക്ക്, ശാരീരിക ശാസ്ത്രം, വിദേശഭാഷാ പഠനങ്ങള്‍ എന്നിവയ്ക്കാണ് ബിരുദം ലഭിച്ചത്. ഏഴാം വയസ്സില്‍ കോളെജ് പ്രവേശനത്തിനു ചെന്ന തനിഷ്ഖിനെ പഠിപ്പിക്കാന്‍ ആരും തയാറായിരുന്നില്ല. മാതാവും ഒപ്പം ചേര്‍ന്നാല്‍ പഠിപ്പിക്കാമെന്ന് ഒരു പ്രഫസര്‍ അറിയിച്ചു. അങ്ങനെയാണ് അറിവിന്റെ ലോകത്തിലേക്ക് തനിഷ്ഖ് പ്രവേശിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha