രാഹുല്‍ ദ്രാവിഡ് ഇന്ത്യയുടെ മുഖ്യപരിശീലകനായേക്കും; പരിശീലക സ്ഥാനത്തേക്ക് അപേക്ഷ നല്‍കി താരം
രവിശാസ്‌ത്രി ഒഴിയുന്ന മുഖ്യ പരിശീലക സ്ഥാനത്തേക്ക് മുന്‍ ഇന്ത്യന്‍ നായകനും ഇപ്പോള്‍ ദേശീയ ക്രിക്കറ്റ് അക്കാഡമി(എന്‍സിഎ) തലവനുമായി രാഹുല്‍ ദ്രാവിഡ് അപേക്ഷ നല്‍കി. ബിസിസിഐ പ്രസിഡന്റ് സൗരവ് ഗാംഗുലിയും സെക്രട്ടറി ജെയ് ഷായും വിവരം സ്ഥിരീകരിച്ചു. മുഖ്യപരിശീലക സ്ഥാനത്തേക്ക് ദ്രാവിഡ് മാത്രമാണ് അപേക്ഷ നല്‍കിയതെന്നാണ് വിവരം.
അപേക്ഷ നല്‍കേണ്ട അവസാന തീയതി ഇന്നാണെന്നും രാഹുല്‍ ഔദ്യോഗികമായി അപേക്ഷിച്ചതായും ബൗളിംഗ് കോച്ചിനായി പരസ്‌ മാമ്ബ്രെയും ഫീല്‍ഡിംഗ് കോച്ചായി അഭയ് ശര്‍മ്മയും അപേക്ഷ നല്‍കിയിട്ടുള‌ളതായി ബിസിസിഐ വൃത്തങ്ങള്‍ അറിയിച്ചു.
കോച്ച്‌ സ്ഥാനത്തേക്ക് വരുന്നതില്‍ തനിക്ക് താല്‍പര്യമില്ലെന്ന് ദ്രാവിഡ് മുന്‍പ് ബിസിസിഐ വൃത്തങ്ങളെ അറിയിച്ചു. എന്നാല്‍ ഐപിഎല്‍ ഫൈനല്‍ സമയത്ത് ദുബായില്‍ വച്ച്‌ ഗാംഗുലിയും ജെയ് ഷായും ദ്രാവിഡുമായി ഇക്കാര്യം ചര്‍ച്ച നടത്തിയിരുന്നു.
ടി20 ലോകകപ്പിന് ശേഷം ന്യൂസിലാന്റുമായുള‌ള പരമ്ബരയാകും ദ്രാവിഡിന്റെ മുഖ്യ പരിശീലകനായുള‌ള അരങ്ങേ‌റ്റ പരമ്ബര. ലക്ഷ്‌മണ്‍ എന്‍സിഎ അദ്ധ്യക്ഷനാകുന്നതോടെ ഇപ്പോള്‍ കൈകാര്യം ചെയ്യുന്ന ഹൈദരാബാദ് ടീമിന്റെ മെന്റര്‍ പദവിയും കമന്ററിയും ഉള്‍പ്പടെ ഉപേക്ഷിക്കേണ്ടി വരും. എന്നാല്‍ കുട്ടികളുടെയും പ്രായമായ മാതാപിതാക്കളുടെ കാര്യങ്ങള്‍ നോക്കേണ്ടതിനാലും ലക്ഷ്‌മണ്‍ ഇതുവരെ സ്ഥാനമേ‌റ്റെടുക്കാന്‍ താത്‌പര്യം കാണിച്ചിട്ടില്ല. ഇതിനായി ബിസിസിഐ വീണ്ടും നിര്‍ബന്ധം ചെലുത്തുമെന്നാണ് സൂചന.
https://www.facebook.com/Malayalivartha
