ദക്ഷിണാഫ്രിക്കയ്‌ക്കെതിരായ ആദ്യ ഏകദിനത്തില്‍ ഇന്ത്യക്ക് കനത്ത തോല്‍വി. പേരുകേട്ട ഇന്ത്യന്‍ ബാറ്റിംഗ് നിരയില്‍ വിരാട് കൊഹ്ലി (51), ശിഖര്‍ ധവാന്‍ (79), ശാര്‍ദൂല്‍ താക്കൂര്‍ (50) എന്നിവരൊഴികെയുള്ള ബാറ്റര്‍മാര്‍ പരാജയപ്പെട്ടപ്പോള്‍ ദക്ഷിണാഫ്രിക്ക 31 റണ്‍സിന്റെ വിജയം സ്വന്തമാക്കി.

ആദ്യം ബാറ്റ് ചെയ്ത ദക്ഷിണാഫ്രിക്ക നാല് വിക്കറ്റ് നഷ്ടത്തില്‍ 296 റണ്‍സ് നേടിയപ്പോള്‍ ഇന്ത്യയ്ക്ക് നിശ്ചിത 509 ഓവറില്‍ എട്ട് വിക്കറ്റ് നഷ്ടത്തില്‍ 265 റണ്‍സ് നേടാന്‍ മാത്രമാണ് സാധിച്ചത്. 129 റണ്‍സുമായി റാസ്സി വാന്‍ ഡെര്‍ ഡൂസ്സനും 110 റണ്‍സുമായി ടെംബ ബാവുമയുമാണ് ദക്ഷിണാഫ്രിക്കയെ മികച്ച സ്കോറിലേക്ക് നയിച്ചത്. ഇന്ത്യക്ക് വേണ്ടി ജസ്പ്രീത് ബുമ്ര രണ്ട് വിക്കറ്റും രവിചന്ദ്രന്‍ അശ്വിന്‍ ഒരു വിക്കറ്റും വീഴ്ത്തി. മറുപടി ബാറ്റിംഗില്‍ ലുംഗിസാനി എന്‍ഗിഡി, തബ്രൈസ് ഷംസി, ആന്‍ഡിലെ ഫെഹ്ലുക്വായോ എന്നിവര്‍ രണ്ട് വീതം വിക്കറ്റുകള്‍ വീഴ്ത്തി ഇന്ത്യന്‍ ബാറ്റിംഗിന് തടയിട്ടു.