ഐപിഎലിലെ ആദ്യ സീസണില് തന്നെ കിരീടം സ്വന്തമാക്കി ഗുജറാത്ത് ടൈറ്റന്സ്....രാജസ്ഥാന് റോയല്സിനെ ഏഴു വിക്കറ്റിന് തറപറ്റിച്ചാണ് ഗുജറാത്ത് കന്നിക്കിരീടം സ്വന്തമാക്കിയത്
ഐപിഎലിലെ ആദ്യ സീസണില് തന്നെ കിരീടം സ്വന്തമാക്കി ഗുജറാത്ത് ടൈറ്റന്സ്. രാജസ്ഥാന് റോയല്സിനെ ഏഴു വിക്കറ്റിന് തറപറ്റിച്ചാണ് ഗുജറാത്ത് കന്നിക്കിരീടം സ്വന്തമാക്കിയത്. ഇതോടെ സീസണില് ഗുജറാത്തിനെതിരെ കളിച്ച നാല് കളികളും പരാജയപ്പെട്ടതിന്റെ നാണക്കേടും രാജസ്ഥാന് സ്വന്തമായി.
രാജസ്ഥാന് കുറിച്ച 131 റണ്സ് വിജയലക്ഷ്യം 11 പന്തുകള് ബാക്കിനില്ക്കെയാണ് ഗുജറാത്ത് മറികടന്നത്. ഓപ്പണര് ശുഭ്മാന് ഗിലും (പുറത്താകാതെ-45) ക്യാപ്റ്റന് ഹാര്ദിക് പാണ്ഡ്യയുമാണ് (34) ഗുജറാത്തിനെ കിരീടത്തലെത്തിച്ചത്.
ഓപ്പണര് വൃദ്ധിമാന് സാഹയേയും (5), മാത്യു വെയ്ഡിനെയും (8) പെട്ടെന്ന് പുറത്താക്കി രാജസ്ഥാന് മത്സരം മുറുക്കിയെങ്കിലും അനാവശ്യ തിടുക്കം കാണിക്കാതെ പാണ്ഡ്യ ഗുജറാത്തിനെ വിജയത്തിലേക്ക് നയിച്ചു. ചഹലിന്റെ പന്തില് പാണ്ഡ്യ പുറത്തായെങ്കിലും പിന്നാലെയെത്തിയ ഡേവിഡ് മില്ലര് (പുറത്താകാതെ 32) രാജസ്ഥാന്റെ പ്രതീക്ഷകളെല്ലാം തല്ലിക്കെടുത്തി.
നേരത്തെ ടോസ് നേടി ബാറ്റിംഗിനിറങ്ങിയ രാജസ്ഥാന് 130 ല് ഒതുങ്ങി. നാല് ഓവറില് 17 റണ്സ് മാത്രം വിട്ടുനല്കി മൂന്ന് വിക്കറ്റ് പിഴുത ഗുജറാത്ത് ക്യാപ്റ്റന് ഹാര്ദിക് പാണ്ഡ്യയാണ് രാജസ്ഥാനെ പിടിച്ചുകെട്ടിയത്.പാണ്ഡ്യയുടെ ഇര സഞ്ജു, ബട്ലര്, ഹെറ്റ്മെയര് എന്നിവരായിരുന്നു .
മാത്രവുമല്ല ജോസ് ബട്ലറും (39) ജയ്സ്വാളും (22) മാത്രമാണ് ഭേദപ്പെട്ട പ്രകടനം നടത്തിയത്. രണ്ട് വിക്കറ്റിന് 60 റണ്സ് എന്ന നിലയില്നിന്നാണ് രാജസ്ഥാന് ചെറുസ്കോറിലേക്ക് വീണത്. ക്യാപ്റ്റന് സഞ്ജു കൂറ്റന് അടിക്കുമുതിര്ന്ന് പുറത്തായതോടെ രാജസ്ഥാന്റെ പതനവും തുടങ്ങി. പിന്നാലെ വന്നവര്ക്കാര്ക്കും കാര്യമായൊന്നും ചെയ്യാനും കഴിഞ്ഞില്ല,.
https://www.facebook.com/Malayalivartha