ഇന്ത്യ - ദക്ഷിണാഫ്രിക്ക ട്വന്റി 20 പരമ്പരയിലെ നാലാം മത്സരം ഇന്ന് രാജ്കോട്ടില്
ഇന്ത്യ - ദക്ഷിണാഫ്രിക്ക ട്വന്റി 20 പരമ്പരയിലെ നാലാം മത്സരം രാജ്കോട്ടില് ഇന്ന് നടക്കും.പരമ്പരയില് ദക്ഷിണാഫ്രിക്ക 2-1ന് മുന്പിലാണ്. പരമ്പരയില് നിര്ണ്ണായക മത്സരമായതിനാല് രണ്ടു ടീമുകളും അവരുടെ മികച്ച ടീമിനെ പുറത്തിറക്കാനാണ് സാധ്യതയേറെയുള്ളത്.
പേസര് ആവേശ് ഖാന് വിക്കറ്റുകള് വീഴ്ത്താത്തത് ടീം മാനേജ്മെന്റ് ഗൗരവമായെടുത്താല് പകരം അര്ഷ്ദീപ് സിങിന് അവസരം ലഭിക്കാനും സാധ്യതയുണ്ട്. മൂന്നു മത്സരങ്ങളിലും ആവേശിന് കാര്യമായി തിളങ്ങാനായില്ല. ഭുവിക്ക് പിന്തുണ നല്കാന് ആവേശിന് കഴിയാതിരുന്നത് ടീം മാനേജ്മെന്റ് ഗൗരവത്തോടെയാണ് ഉറ്റുനോക്കുന്നത്.
അതേസമയം പരുക്ക് ഭേദമാവാത്ത ഡികോക്കിന്റെ കാര്യത്തില് ഇനിയും വ്യക്തത വന്നിട്ടില്ല. ഡികോക്കിന്റെ അഭാവത്തില് ഭുവനേശ്വറിനെതിരെ ദക്ഷിണാഫ്രിക്കന് ഓപ്പണര്മാര് പതറിയിരുന്നു. ദക്ഷിണാഫ്രിക്കന് നിരയില് ക്വിന്റന് ഡിക്കോക്ക് മടങ്ങിയെത്തുമോയെന്ന ചോദ്യമാണ് ആരാധകര് ഉയര്ത്തുന്നത്.
ക്യാപ്റ്റന് ഋഷഭ് പന്തിന്റെ മോശം ഫോമും മധ്യനിര താളം കണ്ടെത്താന് ബുദ്ധിമുട്ടുന്നതുമാണ് ഇന്ത്യയെ വലയ്ക്കുന്നത്. ഭുവനേശ്വര് കുമാര്, യുസ്വേന്ദ്ര ഷെഹല്, ഹര്ഷല് പട്ടേല് എന്നിവരുടെ പ്രകടനം ഇന്ത്യയ്ക്ക് ആത്മവിശ്വാസവും നല്കുന്നു. ഹാര്ദിക് പാണ്ഡ്യ, പന്ത്, കാര്ത്തിക് എന്നിവരെപ്പോലെ ഒറ്റയ്ക്ക് കളി തിരിക്കാന് കെല്പ്പുള്ള താരങ്ങളാണ് ഇന്ത്യയുടെ കരുത്ത്.
സാധ്യതാ ഇലവന്: ഇന്ത്യ: ഇഷാന് കിഷന്, ഋതുരാജ് ഗെയ്ക്വാദ്, ശ്രേയസ് അയ്യര്, ഋഷഭ് പന്ത്, ഹാര്ദിക് പാണ്ഡ്യ, ദിനേശ് കാര്ത്തിക്, അക്സര് പട്ടേല്, ഹര്ഷല് പട്ടേല്, ഭുവനേശ്വര് കുമാര്, യുസ്വേന്ദ്ര ചെഹല്, അര്ഷ്ദീപ് സിങ്.
ദക്ഷിണാഫ്രിക്ക: തെംബ ബാവുമ, റീസാ ഹെന്റിക്സ്, റാസി വാന്ഡര് ദസ്സന്, ഡേവിഡ് മില്ലര്,ഹെന്റിച്ച് ക്ലാസന്, ഡ്വെയ്ന് പ്രിട്ടോറിയസ്, വെയ്ന് പാര്ണല്, കേശവ് മഹാരാജ്, ടി.ഷംസി, കഗിസോ റബാഡ, ആന്റിച് നോര്ട്യ
" f
https://www.facebook.com/Malayalivartha