താമസ സൗകര്യവും ഭക്ഷണവും തേച്ചു.. ഇന്ത്യന്‍ ടീമിന് മെല്‍ബണില്‍ അവഗണന ഐസിസി ഇന്ത്യയെ അപമാനിച്ചു
ട്വന്റി 20 ലോകകപ്പില്‍ നെതര്‍ലന്‍ഡ്‌സിനെ നേരിടാന്‍ സിഡ്‌നിയില്‍ എത്തിയ ടീം ഇന്ത്യക്ക് ഒരുക്കിയ സൗകര്യങ്ങള്‍ കുറഞ്ഞുപോയത് വലിയ ചര്‍ച്ചയായിരിക്കുകയാണ്. വേദിയില്‍ നിന്ന് 42 കിലോമീറ്റര്‍ ദൂരെയായിരുന്നു ടീമിന് താമസമൊരുക്കിയത്. സിഡ്‌നിയിലെ പരിശീലനത്തിന് ശേഷം താരങ്ങള്‍ക്ക് നല്‍കിയ ഭക്ഷണം മോശമായിരുന്നു എന്നതായിരുന്നു മറ്റൊരു പ്രധാന പരാതി. ഗുണനിലവാരമില്ലാത്ത തണുത്ത സാന്‍ഡ്!വിച്ചുകള്‍ ഇന്ത്യന്‍ ടീമിന് വിതരണം ചെയ്തു എന്നാണ് അധിക്ഷേപം. ആക്ഷേപം സജീവമായിരിക്കേ പ്രതികരിച്ചിരിക്കുകയാണ് ലോകകപ്പ് സംഘാടകരായ ഐസിസി.
ഇന്നലെയാണ് സംഭവം. നെതര്‍ലന്‍ഡ്‌സിനെതിരെ നാളെ നടക്കുന്ന മത്സരത്തിനു മുന്നോടിയായി ചൊവ്വാഴ്ച ഇന്ത്യന്‍ ടീമിന്റെ പരിശീലനം സിഡ്‌നി ക്രിക്കറ്റ് ഗ്രൗണ്ടിലായിരുന്നു. പരിശീലനത്തിനു ശേഷം പതിവുപോലെ ഇന്ത്യന്‍ താരങ്ങള്‍ക്കുള്ള ഉച്ചഭക്ഷണം ഐസിസി സ്റ്റേഡിയത്തില്‍ ഒരുക്കിയിരുന്നു.
സ്വന്തമായി സാന്‍ഡ്‌വിച്ച് ഉണ്ടാക്കാനുള്ള ക്രമീകരണങ്ങളും പഴങ്ങളുമെല്ലാം വേദിയില്‍ ഒരുക്കിയിരുന്നു. എന്നാല്‍, ഭക്ഷണം തണുത്തുപോയെന്നും ഗുണനിലവാരമില്ലെന്നും ഇന്ത്യന്‍ ടീമംഗങ്ങള്‍ വേദിയില്‍ സന്നിഹിതനായിരുന്ന ഐസിസി പ്രതിനിധിയെ അറിയിക്കുകയായിരുന്നു. ഭക്ഷണത്തിന് ഒട്ടും നിലവാരമില്ലായിരുന്നുവെന്നും പരിശീലന സെഷനു ശേഷം സാന്‍ഡ്‌വിച്ച് കഴിക്കാനാകില്ലെന്ന് ഒരു ഇന്ത്യന്‍ ടീമംഗം പ്രതികരിച്ചതായി 'ഇന്ത്യന്‍ എക്‌സ്പ്രസ്' റിപ്പോര്‍ട്ട് ചെയ്തു.
ഭക്ഷണത്തിന്റെ നിലവാരം മോശമായതിനെ തുടര്‍ന്ന് ഇന്ത്യന്‍ താരങ്ങള്‍ ഐസിസിയുടെ ഉച്ചഭക്ഷണം ബഹിഷ്‌കരിച്ചെന്ന റിപ്പോര്‍ട്ടുകള്‍ക്കിടെ, വിദേശ രാജ്യങ്ങളുടെ ആതിഥ്യമര്യാദ പഴയതുപോലെ മികച്ചതല്ലെന്ന സൂചനയുമായി ഇന്ത്യയുടെ മുന്‍ താരം വീരേന്ദര്‍ സേവാഗ് ട്വീറ്റ് ചെയ്തു. ട്വീറ്റിന്റെ പശ്ചാത്തലം വിശദീകരിച്ചിട്ടില്ലെങ്കിലും, ഭക്ഷണ വിവാദത്തിനു പിന്നാലെ സേവാഗ് ട്വീറ്റ് ചെയ്ത കുറിപ്പ് അഭ്യൂഹങ്ങള്‍ക്ക് കാരണമായി.
''പാശ്ചാത്യ രാജ്യങ്ങളുടെ ആതിഥ്യ മര്യാദയാണ് ഏറ്റവും മികച്ചതെന്ന് ചിന്തിച്ചിരുന്ന കാലമൊക്കെ പോയി. ആതിഥ്യ മര്യാദയുടെ കാര്യത്തില്‍ ഇപ്പോള്‍ ഇന്ത്യ ബഹുഭൂരിപക്ഷം പാശ്ചാത്യ രാജ്യങ്ങളേക്കാളും മികച്ചതാണ്' – സേവാഗ് കുറിച്ചു.
പാക്കിസ്ഥാനെതിരായ ലോകകപ്പ് പോരാട്ടത്തിലെ അവിസ്മരണീയ വിജയത്തിനു പിന്നാലെയാണ് ഇന്ത്യന്‍ ടീം സിഡ്‌നിയില്‍ പരിശീലനത്തിന് എത്തിയത്. വ്യാഴാഴ്ച നടക്കുന്ന മത്സരത്തില്‍ താരതമ്യേന ദുര്‍ബലരായ നെതര്‍ലന്‍ഡ്‌സാണ് ഇന്ത്യയുടെ എതിരാളികള്‍.
ക്യാപ്റ്റന്‍ രോഹിത് ശര്‍മ, വിരാട് കോലി, ദിനേഷ് കാര്‍ത്തിക്, ഋഷഭ് പന്ത്, കെ.എല്‍.രാഹുല്‍, മുഹമ്മദ് സിറാജ്, രവിചന്ദ്രന്‍ അശ്വിന്‍, ഷാര്‍ദുല്‍ ഠാക്കൂര്‍, ദീപക് ഹൂഡ തുടങ്ങിയവര്‍ പരിശീലനത്തിന് എത്തിയിരുന്നു. ബാക്കിയുള്ള താരങ്ങളില്‍ മിക്കവരും ഇന്നലെ വിശ്രമമെടുത്തു.
മത്സരങ്ങള്‍ ആരംഭിക്കുന്നതിന് മുന്‍പ് ടീം ഇന്ത്യക്ക് താമസം ഒരുക്കിയതിനെപ്പറ്റി വിവാദങ്ങള്‍ ഉണ്ടായിരുന്നു.ന്ത്യന്‍ ടീമിന് മെല്‍ബണില്‍ ഫോര്‍ സ്റ്റാര്‍ സൗകര്യമുള്ള ഹോട്ടലില്‍ താമസം ഒരുക്കിയതും ഓസ്‌ട്രേലിയ, പാക്കിസ്ഥാന്‍ ടീമുകള്‍ക്ക് ഫൈവ് സ്റ്റാര്‍ ഹോട്ടലില്‍ താമസം ഒരുക്കിയതും ചര്‍ച്ചയായിരുന്നു.ഇതിന് പിന്നാലെയാണ് ഇപ്പോള്‍ ഭക്ഷണത്തെക്കുറിച്ചും താമസസ്ഥലത്തെ ദുരത്തെക്കുറിച്ചും വീണ്ടും ചര്‍ച്ചകള്‍ ഉണ്ടാകുന്നത്.
https://www.facebook.com/Malayalivartha
