സെമിഫൈനല്‍ ഉറപ്പിക്കാന്‍ അടുത്ത 2 മത്സരങ്ങളും ഇന്ത്യ ജയിക്കണം; തോറ്റാല്‍ പണികിട്ടുന്നതിങ്ങനെ
ദക്ഷിണാഫ്രിക്കയ്‌ക്കെതിരെ തോറ്റതോടെ സെമിഫൈനല്‍ ഉറപ്പിക്കാന്‍ അടുത്ത 2 മത്സരങ്ങളും ഇന്ത്യയ്ക്കു നിര്‍ണായകം. ബംഗ്ലദേശിനും സിംബാബ്!വെയ്ക്കും എതിരെയാണ് ഇനിയുള്ള മത്സരങ്ങള്‍. ഇതു രണ്ടും ജയിച്ചാല്‍ സെമി ഉറപ്പിക്കാം. ഏതെങ്കിലും ഒരു മത്സരം തോറ്റാല്‍ സാധ്യതകള്‍ പാക്കിസ്ഥാന്‍, സിംബാബ്‌വെ ടീമുകളുടെ മത്സരഫലങ്ങളെ ആശ്രയിച്ചിരിക്കും.
ജയത്തോടെ ദക്ഷിണാഫ്രിക്ക ഗ്രൂപ്പ് രണ്ടില്‍ ഒന്നാം സ്ഥാനത്തെത്തി. ഇന്ത്യ രണ്ടാമതും. ഗ്രൂപ്പ് ചാംപ്യന്‍മാരായി ഇന്ത്യയ്ക്കു സെമിയിലെത്തണമെങ്കില്‍ ദക്ഷിണാഫ്രിക്ക ഒരു മത്സരം തോല്‍ക്കുക കൂടി വേണം.
ബുധനാഴ്ച ബംഗ്ലദേശിനെതിരെയാണ് ഇന്ത്യയുടെ അടുത്ത മത്സരം. ആറാം തീയതി സിംബാബ്!വെയ്‌ക്കെതിരെയാണ് സൂപ്പര്‍ 12 റൗണ്ടിലെ അവസാന പോരാട്ടം. പാക്കിസ്ഥാനെയും നെതര്‍ലന്‍ഡ്‌സിനെയും കീഴടക്കിയ ഇന്ത്യ രണ്ടാം ഗ്രൂപ്പില്‍ രണ്ടാം സ്ഥാനത്താണ്.
ഇന്ത്യയുടെ പരാജയത്തെതുടര്‍ന്ന് ഗ്രൂപ്പ് രണ്ടിന്റെ സെമി ഫൈനല്‍ സാദ്ധ്യതകള്‍ മാറി മറിഞ്ഞു. ഇന്ത്യ ദക്ഷിണഫ്രിക്കയെ പരാജയപ്പെടുത്തേണ്ടത് പാകിസ്ഥാന്റെ ആവശ്യമായിരുന്നു. എന്നാല്‍ ഇന്നലത്തെ കളിയോടെ പാകിസ്ഥാന്റെ പ്രതിക്ഷകള്‍ അസ്തമിച്ചിരിക്കുന്നു എന്ന് പറയാം.
നെതര്‍ലഡ്‌സിനെതിരെ നേടിയ വിജയത്തിലൂടെ പാകിസ്ഥാന് ടി20 ലോകകപ്പിന്റെ സെമി ഫൈനലില്‍ മത്സരിക്കാന്‍ ഉള്ള സാദ്ധ്യത ഉയര്‍ന്നിയിരുന്നു. എന്നാല്‍ ഇന്ത്യയെ ദക്ഷിണാഫ്രിക്ക പരാജയപ്പെടുത്തിയത് പാകിസ്ഥാനാണ് തിരിച്ചടിയായിരിക്കുന്നത്. നിലവില്‍ പാകിസ്ഥാന്റെ സെമി സാദ്ധ്യതകള്‍ ഗ്രൂപ്പിലെ മറ്റ് ടീമുകളുടെ ജയപരാജയങ്ങളെ ആശ്രയിച്ചിരിക്കുന്നു. ഗ്രൂപ്പ് രണ്ടില്‍ മൂന്ന് മത്സരങ്ങള്‍ കളിച്ചു കഴിഞ്ഞ ഇന്ത്യക്ക് നാല് പോയിന്റുകളുണ്ട്. ഇനി ബംഗ്ലാദേശ് , സിംബാബ്‌വെ ടീമുകള്‍ക്കെതിരെയാണ് ഇന്ത്യ മത്സരിക്കുന്നത്. ഈ മത്സരങ്ങളില്‍ ജയിച്ചാല്‍ ഇന്ത്യക്ക് സെമിയിലെത്താം. സെമി സാദ്ധ്യത കൂടുതല്‍ നിലനിര്‍ത്തിരിയിക്കുകയാണ് ഇന്ത്യ.
ആദ്യ മത്സരത്തില്‍ ഇന്ത്യയോടും, രണ്ടാം മത്സരത്തില്‍ സിംബാബ്‌വെയോടും പരാജയം നേരിട്ട പാകിസ്ഥാന് മൂന്നാമത്തെ കളിയില്‍ നെതര്‍ലന്‍ഡ്‌സിനെ പരാജയപ്പെടുത്തിയിരുന്നു. നിലവില്‍ മൂന്ന് മത്സരങ്ങളിലായി രണ്ട് പോയിന്റുകള്‍ നേടി പട്ടികയില്‍ അഞ്ചാമതാണ് പാകിസ്ഥാന്. ദക്ഷിണാഫ്രിക്കയ്ക്ക് ഇന്നലെയുണ്ടായ വിജയത്തിലൂടെ ആകെ മൊത്തം മൂന്ന് കളികളില്‍ അഞ്ച് പോയിന്റുകള്‍ ഉണ്ട്. ഇത് പാകിസ്ഥാന്റെ സെമി പ്രതീക്ഷകള്‍ തകര്‍ത്തു. ബാക്കിയുള്ള അവസാന രണ്ട് കളികളില്‍ വിജയിക്കുകയും ഒപ്പം ഗ്രൂപ്പിലെ മറ്റ് ചില മത്സരഫലങ്ങള്‍ അനുകൂലമാവുകയും ചെയ്താല്‍ മാത്രമേ പാകിസ്ഥാന് ഇനി സെമി കളിക്കാന്‍ കഴിയു. പാകിസ്ഥാന് ഇനി മത്സരിക്കാന്‍ പോകുന്നത് ശക്തമായ ടീമുകളുടെ ഒപ്പമായതിനാല്‍ സെമിലെത്താതെ പുറത്താകാനാണ് സാദ്ധ്യത.
https://www.facebook.com/Malayalivartha
