അഫ്ഗാനിസ്ഥാന് ഉയര്ത്തിയ 145 റണ്സ് വിജയലക്ഷ്യം പിന്തുടര്ന്ന ലങ്ക 18.3 ഓവറില് വിജയം സ്വന്തമാക്കി
അഫ്ഗാനിസ്ഥാന് ഉയര്ത്തിയ 145 റണ്സ് വിജയലക്ഷ്യം പിന്തുടര്ന്ന ലങ്ക 18.3 ഓവറില് വിജയം സ്വന്തമാക്കി. ട്വന്റി-20 ലോകകപ്പില് അഫ്ഗാനിസ്ഥാന് പുറത്തേക്കുള്ള വഴി കാണിച്ച ശ്രീലങ്ക ഗ്രൂപ്പ് ഒന്നില് തങ്ങളുടെ രണ്ടാം ജയം സ്വന്തമാക്കി.
നാല് മത്സരങ്ങളില് നിന്ന് രണ്ട് പോയിന്റ് മാത്രമുള്ള അഫ്ഗാനിസ്ഥാന്റെ സെമി ഫൈനല് മോഹങ്ങള് ഈ പരാജയത്തോടെ അവസാനിച്ചു.
അഫ്ഗാനിസ്ഥാന് 144/8(20)ശീലങ്ക 148/4(18.3) ടോസ് നേടി ബാറ്റിംഗ് തെരഞ്ഞെടുത്ത അഫ്ഗാനായി റഹ്മത്തുള്ള ഗുര്ബാസ്(28), ഉസ്മാന് ഗാനി(27) എന്നിവര് ഭേദപ്പെട്ട തുടക്കമാണ് നല്കിയത്.
മധ്യനിര ബാറ്റര്മാരെല്ലാം 20 റണ്സ് എന്ന വ്യക്തിഗത സ്കോര് എത്തുന്നതിന് മുമ്പ്് വീണതോടെ ടീം സ്കോര് 144-ല് ഒതുങ്ങി. നാലോവറില് 13 റണ്സ് മാത്രം വഴങ്ങി മൂന്ന് വിക്കറ്റെടുത്ത വാനിന്ദു ഹസരങ്കെയുടെ നേതൃത്വത്തിലുള്ള ബൗളിംഗ് സംഘമാണ് അഫ്ഗാനെ വരിഞ്ഞ് മുറുക്കിയത്.
ലാഹിരു കുമാര രണ്ടും ധനഞ്ജയ ഡിസില്വ, കസുന് രജിത എന്നിവര് ഒരോ വിക്കറ്റ് വീതവും നേടി. മറുപടി ബാറ്റിംഗില് 42 പന്തില് ആറ് ഫോറുകളും രണ്ട് സിക്സുമടങ്ങുന്ന ഇന്നിംഗ്സിലൂടെ 66 റണ്സ് നേടിയ ധനഞ്ജയ ഡിസില്വയുടെ മിന്നും പ്രകടനമാണ് ലങ്കന് വിജയം അനായാസമാക്കിയത്.
"
https://www.facebook.com/Malayalivartha