സൂപ്പര് താരം ലയണല് മെസ്സി യൂറോപ്പിലെ ഏറ്റവും മികച്ച ഗോള്വേട്ടക്കാരനുള്ള തന്റെ ആറാം സുവര്ണപാദുകം ഏറ്റുവാങ്ങി
സൂപ്പര് താരം ലയണല് മെസ്സി യൂറോപ്പിലെ ഏറ്റവും മികച്ച ഗോള്വേട്ടക്കാരനുള്ള തന്റെ ആറാം സുവര്ണപാദുകം ഏറ്റുവാങ്ങി, അതും സ്വന്തം മക്കളായ തിയാഗോയുടെയും മാറ്റിയോയുടെയും കൈകളില്നിന്ന്. ബാഴ്സലോണക്കായി കഴിഞ്ഞ സീസണില് സ്കോര് ചെയ്ത 36 ഗോളുകളാണ് മെസ്സിക്ക് തുടര്ച്ചയായ മൂന്നാമത്തെയും കരിയറിലെ ആറാമത്തെയും ഗോള്ഡന് ബൂട്ട് നേടിക്കൊടുത്തത്.
പി.എസ്.ജിയുടെ കൗമാര തരാം കെയ്ലിയന് എംബാപ്പെ (33) രണ്ടാമതും സാംദോറിയയുടെ ഫാബിയോ ക്വാഗ്ലിയാറല്ല (26) മൂന്നാമതുമെത്തി. ഭാര്യ ആന്റനെല്ല റോക്കുസോ, ബാഴ്സയിലെ സഹതാരങ്ങളായ ലൂയി സുവാരസ്, ജോര്ഡി ആല്ബ എന്നിവരും ചടങ്ങില് സന്നിഹിതരായിരുന്നു. ബാഴ്സലോണ ടീമില്ലായിരുന്നെങ്കില് ഒരുഅവാര്ഡ് പോലും നേടാന് തനിക്കാകില്ലായിരുന്നെന്നും അവാര്ഡ് കുടുംബത്തിനും ടീമിനുമായി സമര്പ്പിക്കുന്നതായും മെസ്സി പറഞ്ഞു. മെസ്സിയുടെ പ്രധാന എതിരാളിയും യുവന്റസ് സൂപ്പര് താരവുമായ ക്രിസ്റ്റിയാനോ റൊണാള്ഡോയുടെ ഷെല്ഫില് നാല് ഗോള്ഡന് ബൂട്ടുകളാണുള്ളത്. 2017ല് 37ഉം 2018ല് 34 ഗോളുകള് അടിച്ചുകൂട്ടിയായിരുന്നു മെസ്സി ഗോള്ഡന് ബൂട്ടിനര്ഹനായത്.
https://www.facebook.com/Malayalivartha