കായികലോകത്തെ അമ്പരപ്പിച്ച് ഒളിമ്പിക് താരം. എട്ടു വയസുകാരന്​ ഹൃദയ ശസ്​ത്രക്രിയ നടത്താനായി ഒളിമ്പിക്​ മെഡല്‍ ലേലം ചെയ്​ത്​ പോളിഷ്​ അത്​ലറ്റ് കയ്യടി നേടി​. പോളണ്ട്​ ജാവലിന്‍ ത്രോ താരം മരിയ ആന്ദ്രേചെക്കാണ്​ ടോക്യോ ഒളിമ്പിക്​സില്‍ സ്വന്തമാക്കിയ വെള്ളി മെഡല്‍ സത്​​പ്രവര്‍ത്തിക്കായി ഇത്തരത്തിൽ ഉപയോഗപ്പെടുത്തിയത്​.

അതേസമയം 2016ലെ റിയോ ഒളിമ്പിക്​സില്‍ വെറും രണ്ടുമീറ്റര്‍ വ്യത്യാസത്തിനാണ്​​ മരിയക്ക്​ മെഡല്‍ നഷ്​ടമായത്​. കൂടാതെ 2017ല്‍ തോളിന്​ പരിക്കേറ്റ താരത്തി​ന്​ 2018ല്‍ അര്‍ബുദവും ബാധിച്ചു. എന്നാല്‍ ടോക്യോയില്‍ മെഡല്‍ നേട്ടത്തോടെ മരിയ ഉഗ്രന്‍ തിരിച്ചുവരവ് നാത്തുകയായിരുന്നു​.

മെഡല്‍നേട്ടത്തിന്​ പിന്നാലെ അപരിചിതനായ ഒരാളെ സഹായിക്കണമെന്നായിരുന്നു മരിയയുടെ ആഗ്രഹം എന്നത്. ഫേസ്​ബുക്ക്​ പേജിലൂടെയാണ്​ എട്ട്​ മാസം മാത്രം പ്രായമായ പോള്‍ മിലോസ്​ചെക്കിന്‍റെ ചികിത്സ സഹായ ഫണ്ടിനെ താരം കുറിച്ചറിഞ്ഞത്​.

ടോട്ടല്‍ പള്‍മനറി വെനസ്​ കണക്ഷന്‍ (ടി.എ.പി.വി.സി) എന്ന രോഗമാണ്​ പോളിന്​ ബാധിച്ചത്​. കുഞ്ഞിന്‍റെ നില വഷളായതിനെ തുടര്‍ന്ന്​ അടിയന്തിരമായ ശസ്​ത്രക്രിയ നടത്തേണ്ടി വന്നിരുന്നു. 1.5 ദശലക്ഷം പോളിഷ്​ സ്ലോട്ടിയാണ്​ (2.86 കോടി രൂപ) ശസ്​ത്രക്രിയക്കായി ആവശ്യമായി വന്നത്​. മെഡല്‍ ലേലത്തിലൂടെ അതിന്‍റെ പകുതി പണം സമാഹരിക്കാനാകുമെന്നാണ്​ മരിയയുടെ ഏക പ്രതീക്ഷ.

അതോടൊപ്പം തന്നെ പ്രമുഖ സൂപ്പര്‍മാര്‍ക്കറ്റ്​ ശൃംഖലയായ സബ്​ക 1.4 കോടി രൂപക്ക്​ മെഡല്‍ ലേലത്തില്‍ പിടിച്ചതായി മരിയ തിങ്കളാഴ്​ച സ്​ഥിരീകരിച്ചിരുന്നു. എന്നാല്‍ തിങ്കളാഴ്ച മെഡല്‍ മരിയക്ക്​ തന്നെ തിരിച്ച്‌​ നല്‍കുമെന്നും ലേലത്തുക മുഴുവനായി കുഞ്ഞിന്‍റെ ചികിത്സക്കായി സംഭാവന ചെയ്യുമെന്നും സബ്​ക വ്യക്തമാക്കിയിരുന്നു. പോളിന്‍റെ പേജിലൂടെ തന്നെ ചികിത്സക്കുള്ള 90 ശതമാനം തുകയും സമാഹരിച്ചു.