ഹോക്കി ലോകകപ്പില് പൊലിഞ്ഞത് ഇന്ത്യയുടെ സ്വപ്നങ്ങള് ....നിശ്ചിത സമയത്ത് ഇരുടീമുകളും 3 ഗോള് വീതം നേടി സമനില പാലിച്ചപ്പോള്, പെനല്റ്റി ഷൂട്ടൗട്ട് ഇന്ത്യയുടെ വിധി കുറിച്ചു , ക്വാര്ട്ടര് ഫൈനലില് നിലവിലെ ചാംപ്യന്മാരായ ബല്ജിയത്തെ ന്യൂസീലന്ഡ് നേരിടും
ഹോക്കി ലോകകപ്പില് പൊലിഞ്ഞത് ഇന്ത്യയുടെ സ്വപ്നങ്ങള്... ക്രോസ് ഓവര് റൗണ്ട് മത്സരത്തില് ന്യൂസീലന്ഡിനോട് അടിയറവ് പറഞ്ഞതോടെയാണ് ഇന്ത്യന് ടീമിന്റെ ക്വാര്ട്ടര് ഫൈനല് പ്രതീക്ഷകള് അവസാനിച്ചത്.
നിശ്ചിത സമയത്ത് ഇരുടീമുകളും 3 ഗോള് വീതം നേടി സമനില പാലിച്ചപ്പോള്, പെനല്റ്റി ഷൂട്ടൗട്ട് ഇന്ത്യയുടെ വിധി കുറിച്ചു. ഇന്ന് നടക്കുന്ന ക്വാര്ട്ടര് ഫൈനലില് നിലവിലെ ചാംപ്യന്മാരായ ബല്ജിയത്തെ ന്യൂസീലന്ഡ് നേരിടും. ഭുവനേശ്വറിലെ കലിംഗ സ്റ്റേഡിയത്തിലെ ആവേശകരമായ മത്സരത്തില് ലളിത് ഉപാധ്യായ്, സുഖ്ജീത് സിങ്, വരുണ് കുമാര് എന്നിവരാണു നിശ്ചിത സമയത്ത് ഇന്ത്യയ്ക്കായി ഗോള് സ്കോര് ചെയ്തത്.
ന്യൂസീലന്ഡ് 3 ഗോളുകളും മടക്കിയതോടെ മത്സരം ഷൂട്ടൗട്ടിലേക്കു പ്രവേശിച്ചു. ഷൂട്ടൗട്ടില് നാലിനെതിരെ 5 ഗോളുകള്ക്കാണു ന്യൂസീലന്ഡ് ഇന്ത്യയെ മറികടന്ന് ക്വാര്ട്ടറില് പ്രവേശിച്ചത്. പൂള് ഡിയില് ഇംഗ്ലണ്ടിനു പിന്നില് രണ്ടാമതായിരുന്നു ഇന്ത്യ. പൂള് സി മൂന്നാം സ്ഥാനക്കാരായിരുന്നു ന്യൂസീലന്ഡ്.
ഇരുടീമും ഇതിനുമുന്പ് 44 തവണ നേര്ക്കുനേര് കണ്ടുമുട്ടിയപ്പോള് 24 കളികളില് ഇന്ത്യയ്ക്കായിരുന്നു ജയം. 15 കളികളില് ന്യൂസീലന്ഡ് ജയിച്ചപ്പോള് 5 മത്സരം സമനിലയായി. ടൂര്ണമെന്റില് തോല്വി അറിയാതിരുന്ന ഇന്ത്യയ്ക്കു നിര്ണായക മത്സരത്തില് മികവ് പുറത്തെടുക്കാനായില്ല.
"
https://www.facebook.com/Malayalivartha
