കൊറിയന്‍ ഓപ്പണ്‍ സൂപ്പര്‍ സീരീസില്‍ ഇന്ത്യന്‍ താരം പി.വി സിന്ധു ഫൈനലില്‍. ചൈനയുടെ ഹി ബിന്‍ജിയാവോയെ പരാജയപ്പെടുത്തിയാണ് സിന്ധുവിന്റെ ഫൈനല്‍ പ്രവേശനം. ആദ്യ ഗെയിം അനായാസം നേടിയ സിന്ധുവിന് രണ്ടാം ഗെയിമില്‍ കാലിടറി. രണ്ടാം ഗെയിം ചൈനീസ് താരം 21-17 നേടിയെങ്കിലും മൂന്നാം ഗെയിമില്‍ സിന്ധു ശക്തമായി തിരിച്ചെത്തി. 21-10, 17-21, 21-16 സ്‌കോറിനാണ് സിന്ധുവിന്റെ വിജയം.

ഫൈനലില്‍ ജപ്പാന്‍ താരം നോസോമി ഓകുഹാരയാണ് സിന്ധുവിന്റെ എതിരാളി. ലോക ചാമ്പ്യന്‍ഷിപ്പില്‍ സിന്ധു ഓകുഹാരയോട് പരാജയപ്പെട്ടിരുന്നു. ക്വാര്‍ട്ടറില്‍ ജപ്പാന്റെ മിനാത്‌സു മിതാനിയെ 21-19, 16-21, 21-10 പരാജയപ്പെടുത്തിയാണ് സിന്ധു സെമിയില്‍ പ്രവേശിച്ചത്.