വനിതാ ഏഷ്യൻ കപ്പ്‌ ഫുട്‌ബോൾ കളിക്കുന്ന രണ്ടാമത്തെ മലയാളി താരമാകാൻ പി മാളവിക. 26 അംഗ സംഘത്തിൽ കേരളത്തിൽനിന്നുള്ള ഏക താരമാണ്‌ ഇ‍ൗ വിങ്ങർ.

കഴിഞ്ഞ വർഷം ഇന്ത്യക്കായി അരങ്ങേറിയ ഇരുപത്തിരണ്ടുകാരി ഇതുവരെ അഞ്ച്‌ മത്സരങ്ങളിൽ വേഷമിട്ടിട്ടുണ്ട്. ഒരു ഗോളുമടിച്ചു. ബെന്റില ഡി കോത്തയ്‌ക്ക്‌ ശേഷം ഇതാദ്യമായാണ്‌ ഒരു മലയാളി താരം ഏഷ്യൻ കപ്പിന്‌ ബൂട്ടുകെട്ടുന്നത്‌. 1995, 1997, 1999 പതിപ്പുകളിലാണ്‌ ബെന്റില ഭാഗമായത്‌.

കാസർകോട്‌ നീലേശ്വരം ബങ്കളം സ്വദേശിയായ മാളവിക കഴിഞ്ഞ വർഷം ഏഷ്യൻ കപ്പ്‌ യോഗ്യതാ റ‍ൗണ്ടിലൂടെയായിരുന്നു അരങ്ങേറിയത്‌. പിന്നീട്‌ സ്ഥിരസാന്നിധ്യമായി. വലതുവിങ്ങിലാണ്‌ സ്ഥാനം. ഇന്ത്യൻ വനിതാ ലീഗിൽ സേതു എഫ്‌സിക്കായാണ്‌ കളിക്കുന്നത്‌. ‘ഏഷ്യൻ കപ്പ്‌ കളിക്കുക എന്നത്‌ അഭിമാനകരമാണ്‌. വർഷങ്ങളായുള്ള കഠിനാധ്വാനത്തിന്റെ ഫലമാണിത്‌. കുടുംബത്തിനും പരിശീലകനും ഒപ്പം പിന്തുണച്ച എല്ലാവർക്കും നന്ദി പറഞ്ഞ് മാളവിക
ബങ്കളത്തെ വുമൺസ്‌ ഫുട്‌ബോൾ ക്ലിനിക്കിലൂടെയാണ്‌ മാളവിക കളി പഠിച്ചത്‌. നിധീഷ്‌ ബങ്കളമായിരുന്നു പരിശീലകൻ.