തകരുന്ന മധ്യനിരക്കു കരുത്തേകാന് യുവി വരുന്നത് ഇരട്ട സെഞ്ചുറിയോടെ, ഇംഗ്ലണ്ടിനെതിരെ ടെസ്റ്റ് ടീമിലേക്കു തിരിച്ചു വരവിനു സാധ്യതയൊരുക്കി യുവിയുടെ മിന്നുന്ന പ്രകടനം
ഇന്ത്യ ന്യൂസീലന്ഡ് മത്സരങ്ങള് കഴിഞ്ഞപ്പോള് ഇന്ത്യക്കു ഇല്ലാതെ പോയത് റണ്ണടിക്കുന്ന മികച്ച ഓപ്പണര്മാരും വിജയത്തിലേക്ക് കൈപിടിച്ചുയര്ത്താന് ശേഷിയുള്ള മധ്യനിര ബാറ്റ്സ്മാന്മാരെയും. ലോകം കണ്ട മികച്ച ഫിനിഷറായ ഇന്ത്യന് ക്യാപ്റ്റന് എംഎസ് ധോണി മധ്യനിരയില് നിന്നും സ്ഥാനക്കയറ്റം നേടി കഴിഞ്ഞ പരമ്പരകളില് ഇറങ്ങിയപ്പോള് തകര്ന്നടിഞ്ഞത് ഇന്ത്യയുടെ മധ്യനിര തന്നെയാണെന്ന് വ്യക്തം. ഇന്ത്യയുടെ റണ് മെഷീന് വിരാട് കോഹ്ലിയുടെ ഏക ബാറ്റിംഗ് മികവിലാണ് ടെസ്റ്റ് ഏകദിന പരമ്പരകളില് ഇന്ത്യക്കു ഏക പ്രതീക്ഷ നല്കിയത്. മികച്ച ബൗളിംഗ് നിരയാണെന്ന് തെളിയിക്കുന്നതായിരുന്നു ഇന്ത്യയുടെ സ്പിന് ബൗളിംഗ് നിര.
ഒരു കാലത്ത് ഇന്ത്യയുടെ കരുത്തുറ്റ മധ്യനിര ബാറ്സ്മാനായിരുന്ന യുവരാജ് സിംഗ് ടീമില് നിന്നും പോയതിനു ശേഷം ശക്തമായി തിരിച്ചു വരാനൊരുങ്ങുന്നത് ഇന്ത്യയുടെ മധ്യനിരക്കു മുതല്ക്കൂട്ടാകുമെന്നുറപ്പാണ്. ഓപ്പണര്മാര് പരാജയപ്പെട്ട പല കളികളും മധ്യനിരയില് മിന്നുന്ന പ്രകടനം കാഴച വച്ച് അനുകൂലമായ് തീര്ക്കുന്ന മധ്യനിരയില് നിന്നും ഒന്നിന് പിറകെ ഒന്നായി വിക്കറ്റിന് പിന്നില് കുരുങ്ങുന്ന മധ്യ നിരയാണ് കഴിഞ്ഞ മത്സരങ്ങളില് കണ്ടത്.
ഈ അവസരത്തില് ഇംഗ്ലണ്ടുമായി നടക്കാനിരിക്കുന്ന ടെസ്റ്റ് പരമ്പരകളിലേക്കുള്ള ടീം സെലക്ഷന് നടക്കാനിരിക്കെ രഞ്ജിയില് മിന്നുന്ന പ്രകടനം കാഴ്ച വച്ച് തിരിച്ചു വരവിനു ഇപ്പോഴും തയാറാണെന്നു അറിയിക്കുകയായിരുന്നു യുവി. . ഡല്ഹിയിലെ ഫിറോഷ് ഷാ കോട്ലാ ഗ്രൗണ്ടില് നടക്കുന്ന മത്സരത്തില് പുറത്താകാതെ 245 റണ്സെടുത്താണ് യുവ്രാജ് സിംഗ് വീണ്ടും ദേശീയ ശ്രദ്ധ ആകര്ഷിച്ചത്.350 പന്തുകളില് നിന്ന് 25 ബൗണ്ടറിയും നാല് സിക്സും സഹിതമാണ് യുവരാജ് പുറത്താകാതെ 245 റണ്സെടത്തിരിക്കുന്നത്. രഞ്ജിയില് മൂന്നാം മത്സരത്തിനിടെ തുടര്ച്ചയായ രണ്ടാമത്തെ സെഞ്ച്വറി പ്രകടനമാണ് യുവരാജിന്റേത്. ഇംഗ്ലണ്ടിന്റെ സ്റ്റുവര്ട്ട് ബ്രോഡിനെ തുടര്ച്ചയായി സിക്സറുകള്ക്കു പറത്തിയ യുവി, ഇംഗ്ലണ്ടിനെതിരെ മികച്ച ബാറ്റിംഗ് ശരാശരിയുമുള്ളതാണ. മധ്യനിര ബാറ്സ്മാന് മാരുടെ പരാജയത്തില് ഇന്ത്യക്കു വേണ്ട മികച്ച മധ്യനിര ബാറ്സ്മാനായി യുവി വീണ്ടും എത്തുമെന്ന് തന്നെയാണ് പ്രതീക്ഷ.
പഞ്ചാബിനായി മോനന് വഹ്രയും ഡബിള് സെഞ്ച്വറി നേടി. 224 റണ്സാണ് വഹ്ര നേടിയത്. ഇതോടെ ബറോഡയും 529 റണ്സെന്ന് ഒന്നാം ഇന്നിംഗ്സ് സ്കോറിന് മറുപടിയായി പഞ്ചാബ് നാല് വിക്കറ്റിന് 597 റണ്സെടുത്തിട്ടുണ്ട്. 201ല് ഇംഗ്ലണ്ടിനെതിരെ ആണ് അന്തരാഷ്ട്ര ക്രിക്കറ്റില് യുവരാജ് അവസാനമായി ടെസ്റ്റ് കളഴിച്ചത്. 40 ടെസ്റ്റുകളില് നിന്ന് 33.82 ശരാശരിയില് 1900 റണ്സാണ് യുവിയുടെ സംഭാവന. അതിനാല് തന്നെ നിലവിലെ ഇന്ത്യയുടെ മധ്യനിരയുടെ കരുത്തിനു യുവിയോയെപ്പോലൊരു പരിചയ സമ്പന്നനായ മധ്യനിര ബാറ്സ്മാന്റെ സാന്നിദ്യത്തെ ടീമിന് മുതല്ക്കൂട്ടാകുമെന്നതിനാല് ടീമില് ഇടം പിടിക്കുമെന്നു തന്നെ പ്രതീക്ഷിക്കാം.
https://www.facebook.com/Malayalivartha