ആശുപത്രിയിൽ കഴിയുന്ന അച്ഛൻ ബാലയെ കാണാൻ നാളുകൾക്ക് ഇപ്പുറം മകൾ പാപ്പു ആശുപതിയിൽ എത്തിയത് ആരാധകരെ പോലും സങ്കട കടലിലാക്കിയ രംഗങ്ങളായിരുന്നു. ആദ്യ ഭാര്യ അമൃതയും, സഹോദരി അഭിരാമിയും ബാലയെ കാണാൻ ആശുപത്രിയിൽ എത്തിയിരുന്നു. ബാലയുടെ ആരോഗ്യാവസ്ഥയെ കുറിച്ച് മാധ്യമങ്ങളോട് പങ്കുവയ്ക്കുകയും ചെയ്തിരുന്നു. ഒപ്പം ബാലയെ ചേട്ടൻ എന്ന് അഭിസംബോധന ചെയ്തായിരുന്നു അമൃത സംസാരിച്ചതും. മാധ്യമങ്ങൾക്ക് മുമ്പിൽ എത്തിയ അമൃതയും അഭിരാമിയും ബാല ചേട്ടന് വേണ്ടി പ്രാർത്ഥിക്കണമെന്ന് ആവശ്യപ്പെടുകയായിരുന്നു.

ബാലയെ കുടുംബം ഒന്നായെത്തിയത് കണ്ടത്. പൊരുത്തക്കേടുകൾ തുടർന്ന് വിവാഹ ബന്ധം വേർപ്പെടുത്തിയ ശേഷം ഇരുവരും തങ്ങളുടേതായ ലോകത്തേയ്ക്ക് മടങ്ങുകയായിരുന്നു. അതിനിടയിൽ പലപ്പോഴും ബാല പാപ്പുവിനെ കാണണമെന്ന ആഗ്രഹം പ്രകടിപ്പിച്ചിരുന്നെങ്കിലും നടന്നിരുന്നില്ല. തുടർന്ന് ആശുപത്രിയിൽ എത്തിയ ഉണ്ണി മുകുന്ദനോടും, ബാദുഷയോടും മകളെ കാണണമെന്ന ആഗ്രഹം വീണ്ടും ബാല പങ്കുവയ്ക്കുകയായിരുന്നു.

ഇതിന് പിന്നാലെ തന്നെ പാപ്പുവിനെ കൂട്ടി അമൃത ആശുപത്രിയിലേയ്ക്ക് എത്തുകയായിരുന്നു. മകളെ കാണിക്കാനായി ആശുപത്രിയിൽ എത്തിച്ച അമൃതയെ ആരാധകർ വാനോളം പുകഴ്ത്തുന്നുണ്ട്. അഭിരാമിയാണ് സോഷ്യൽ മീഡിയയിലൂടെ ബാലയെ കാണാനെത്തിയ വിവരം പങ്കുവച്ചത്. ബാല ചേട്ടന്റെ അടുത്ത് ഞങ്ങൾ കുടുംബ സമേതം എത്തി.. പാപ്പുവും ചേച്ചിയും കണ്ടു.. സംസാരിച്ചു . അമൃത ഇപ്പോഴും ആശുപത്രിയിൽ തന്നെയാണ്. എന്നായിരുന്നു അഭിരാമി കുറിച്ചത്.

കഴിഞ്ഞ ദിവസമാണ് തിരുവനന്തപുരത്തെ പരിപാടിയിൽ പങ്കെടുക്കാൻ കൊച്ചിയിൽ നിന്ന് ഫ്‌ളൈറ്റിൽ അമൃത എത്തിയത്. തിരികെ ആശുപത്രിയിൽ എത്തുകയായിരുന്നു. ശിവയും, അമൃതയും , എലിസബത്തും അമ്മയ്ക്കരികിൽ തന്നെ ഉണ്ടായിരുന്നു. ബാലയുടെ ആരോഗ്യസ്ഥിതി മെച്ചപ്പെട്ട് വരികയാണെന്ന് താരവുമായി ബനന്ധപ്പെട്ട വൃത്തങ്ങൾ അറിയിക്കുന്നത്. ബാലയുടെ ശരീരഭാരം കുറയുന്നത് പ്രേക്ഷകർക്കിടയിൽ ചർച്ചയായിരുന്നുവെങ്കിൽ കൂടിയും ഒരിക്കൽ പോലും തനിക്ക് ഇത്തരത്തിലുള്ള അസുഖങ്ങളൊന്നും ഉള്ളതായി ബാല വെളിപ്പെടുത്തിയിരുന്നില്ല.

അതുകൊണ്ട് തന്നെ നടനെ പെടുന്നനെ ആശുപത്രിയിൽ പ്രവേശിപ്പിച്ചതും അവസ്ഥ ഗുരുതരമാണെന്ന തരത്തിൽ വാർത്തകൾ വന്നതും ആരാധകരെ ആശങ്കയിലാഴ്ത്തി. ബാല ചേട്ടൻ ഐസിയുവിലാണെന്നും എങ്കിലും പേടിക്കേണ്ടതായ വിഷയങ്ങൾ ഇല്ലെന്നും ഭാര്യ എലിസബത്ത് ഉദയൻ പങ്കുവച്ചിരുന്നു. കഴിഞ്ഞ മൂന്ന്, നാല് വർഷങ്ങളായി ഇതുപോലുള്ള വിഷയങ്ങൾ ബാലക്കുള്ളതായും എലിസബത്ത് പുതിയ സോഷ്യൽമീഡിയ കുറിപ്പിൽ പറയുന്നു. 'ബാല ചേട്ടൻ ഐസിയുവിലാണ്. ഇന്നലെ കണ്ടപ്പോൾ പുള്ളിക്ക് ആകെ വിഷമം ന്യൂസ് പബ്ലിക്ക് ആയതാണ്. എല്ലാവരോടും പുള്ളി ഓകെയാണെന്ന് പറയാൻ പറഞ്ഞു.

പുള്ളി ഒരു സ്ട്രോങ്ങ് പേഴ്സണാണ്. കഴിഞ്ഞ മൂന്ന്, നാല് വർഷങ്ങളായി ഇതുപോലെയുള്ള വിഷയങ്ങൾ ഉണ്ടാവുകയും അദ്ദേഹം പൂർവ്വാധികം ശക്തിയോടെ തിരിച്ച് വരികയും ചെയ്തിട്ടുണ്ട്. ഇത്തവണയും അദ്ദേഹം ബലവാനായി തിരിച്ച് വരും. അദ്ദേഹത്തിനെ നിങ്ങളുടെ പ്രാർത്ഥനകളിൽ ഉൾപ്പെടുത്തുക' എലിസബത്ത് സോഷ്യൽ മീഡിയയിൽ കുറിച്ചു. നിരവധി പേരാണ് ബാലയുടെ ആയുസിനും ആരോഗ്യത്തിനും വേണ്ടി പ്രാർഥനകളോടെ കഴിയുന്നത്. ബാല ആശുപത്രിയിലായ വിവരം സോഷ്യൽ മീഡിയയിൽ പങ്കുവെച്ചത് സൂരജ് പാലാക്കാരനായിരുന്നു.

സംഭവം വലിയ വാർത്തയായതോടെ സിനിമാക്കാർ അടക്കം ബാലയെ കാണാനായി എത്തി. കരള്‍ മാറ്റ ശസ്ത്രക്രിയയാണ് ബെറ്റര്‍ എന്ന് ഡോക്ടര്‍ അഭിപ്രായപ്പെട്ടിരുന്നു. മരുന്നിന്റെ സെഡേഷനും, അസുഖത്തിന്റെ നേരിയ അസ്വസ്ഥതകളും അല്ലാതെ മറ്റ് പ്രശ്‌നങ്ങളൊന്നും ബാലയ്ക്ക് ഉണ്ടായിരുന്നില്ല. നല്ല ആരോഗ്യത്തോടെയും ഉന്മേഷത്തോടെയും ആണ് ബാല സംസാരിച്ചത്. അമൃത മകള്‍ക്കൊപ്പം എത്തിയപ്പോൾ വികാര നിർഭര രംഗങ്ങളായിരുന്നു. കുഞ്ഞിനെ കണ്ടതും ബാല കെട്ടിപ്പിടിച്ച് ഉമ്മ വയ്ക്കുകയായിരുന്നു. കുറച്ച് സമയം സംസാരിച്ചു, ആദ്യം കണ്ട് പുറത്തിറങ്ങിയ ശേഷം വീണ്ടും കാണണം എന്ന് ആവശ്യപ്പെട്ടു. അമൃതയും കൂടെ കയറി കണ്ട് സംസാരിച്ചിരുന്നു.