നാഷണൽ ഇൻസ്റ്റിറ്റ്യൂട്ട് ഓഫ് മെന്റൽ ഹെൽത്ത് ആൻഡ് ന്യൂറോ സയൻസസ് (നിംഹാൻസ്) മെഡിക്കൽ കോഴ്സുകൾ; പ്ലസ്ടുക്കാർക്ക് അപേക്ഷിക്കാം
നാഷണൽ ഇൻസ്റ്റിറ്റ്യൂട്ട് ഓഫ് മെന്റൽ ഹെൽത്ത് ആൻഡ് ന്യൂറോ സയൻസസ് (നിംഹാൻസ്) ബിഎസ്സി നഴ്സിംഗ്, ബിഎസ്സി റേഡിയോഗ്രാഫി ഉൾപ്പടെ വിവിധ ബിരുദ കോഴ്സുകളിലേക്കും ഡിപ്ലോമ കോഴ്സുകളിലേക്കും അപേക്ഷ ക്ഷണിച്ചു. പ്ലസ്ടു യോഗ്യത ഉള്ളവർക്ക് അപേക്ഷിക്കാം. ഓണ്ലൈനായി 31 വരെയാണ് അപേക്ഷിക്കാവുന്നത്.
അപേക്ഷാ ഫീസ് കോഴ്സ് ഒന്നിനു പൊതു വിഭാഗത്തിൽപ്പെട്ടവർക്ക് 1000 രൂപ. പട്ടികജാതിവർഗക്കാർക്ക് 750 രൂപ. എംഎസ്സി സൈക്യാട്രിക് നഴ്സിംഗ് കോഴ്സിന് ഇത് യഥാക്രമം 1500, 1000 രൂപ. ഒരു അപേക്ഷാർഥിക്കു പരമാവധി നാലു കോഴ്സുകൾക്കു വരെ അപേക്ഷിക്കാം.
ബിഎസ്സി നഴ്സിംഗ് (77 സീറ്റ്): ഫിസിക്സ്, കെമിസ്ട്രി, ബയോളജി പഠിച്ച് 45 ശതമാനം മാർക്കോടെ പ്ലസ്ടു പാസായവർക്ക് അപേക്ഷിക്കാം.
ബിഎസ്സി റേഡിയോ ഗ്രാഫി (10 സീറ്റ്): ഫിസിക്സ്, കെമിസ്ട്രി, ബയോളജി/ മാത്തമാറ്റിക്സ് പഠിച്ച് 45 ശതമാനം മാർക്കോടെ പ്ലസ്ടുവാണു യോഗ്യത.
ബിഎസ്സി അനസ്തേഷ്യാ ടെക്നോളജി (06 സീറ്റ്): സയൻസ് വിഷയങ്ങളിൽ 45 ശതമാനം മാർക്കോടെ പ്ല്സ്ടു.
പോസ്റ്റ് ബേസിക് ഡിപ്ലോമ ഇൻ സൈക്യാട്രിക്/ മെന്റൽ ഹെൽത്ത് നഴ്സിംഗ് (45 സീറ്റ്), പോസ്റ്റ് ബേസിക് ഡിപ്ലോമ ഇൻ ന്യൂറോ സയൻസ് നഴ്സിംഗ് (09 സീറ്റ്): നഴ്സിംഗ് രംഗത്ത് ഒരു വർഷത്തെ പരിചയമുള്ളവർക്ക് അപേക്ഷിക്കാം.
ഡിപ്ലോമ ഇൻ ക്ലിനിക്കൽ ന്യൂറോ ഫിസിയോളജി (06 സീറ്റ്): ഫിസിക്സ്, ഇലക്ട്രോണിക്സ്, കംപ്യൂട്ടർ സയൻസ് എന്നിവയിൽ രണ്ടാം ക്ലാസ് ബിരുദമോ ഇലക്ട്രോണിക്സ്, ഇലക്ട്രിക്കൽ, ഇൻസ്ട്രുമെന്റേഷൻ, കംപ്യൂട്ടർ സയൻസ് എന്നിവയിൽ എൻജിനിയറിംഗ് ഡിപ്ലോമയോ ഉള്ളവർക്ക് അപേക്ഷിക്കാം.
2017 ഓഗസ്റ്റ് ഒന്നിന് 17നും 25നും മധ്യേ പ്രായമുള്ളവർക്കാണ് അപേക്ഷിക്കാവുന്നത്. ബിഎസ്സി കോഴ്സുകൾക്ക് ജൂണ് 27നു നടത്തുന്ന ഓണ്ലൈൻ പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ. മറ്റു കോഴ്സുകൾക്ക് യോഗ്യതാപരീക്ഷയുടെ മാർക്ക് മാനദണ്ഡമാക്കും.കൊച്ചി, ബംഗളൂരു, ചെന്നൈ, ഹൈദരാബാദ്, പൂന, ഡൽഹി, കോൽക്കത്ത എന്നിവിടങ്ങളിലാണു പരീക്ഷാ കേന്ദ്രങ്ങൾ. മാതൃകാ പരീക്ഷയ്ക്കുള്ള സൗകര്യം വെബ്സൈറ്റിൽ ലഭിക്കും.
വെബ്സൈറ്റ്: www.nimh ans.ac.in. ഫോണ്: +91 80 26995013/015.
https://www.facebook.com/Malayalivartha