ഹോമിയോ ഫാർമസി പഠിക്കാം
ഹോമിയോ ഫാർമസി കോഴ്സ് പഠിക്കാൻ ഇപ്പോൾ അവസരം. തിരുവനന്തപുരം, കോഴിക്കോട് മെഡിക്കൽ കോളേജുകളിലാണ് സീറ്റുകൾ ഒഴിവുള്ളത്. ഓരോ കോളജിലും 50 സീറ്റ് വീതം ഉണ്ടാകും.
യോഗ്യത: 50% മാർക്കോടെ എസ്എസ്എൽസി അഥവാ തത്തുല്യ പരീക്ഷ പാസായിരിക്കണം. പത്താം ക്ലാസ്സിലെ മാർക്കിന്റെ അടിസ്ഥാനത്തിൽ ആണ് അഡ്മിഷൻ നടക്കുന്നത്. സംവരണ വിഭാഗക്കാർക്ക് നിയമാനുസൃത ആനുകൂല്യം ഉണ്ടാകും.
പ്രായം: 2017 ജനുവരി 1 അടിസ്ഥാനമാക്കിയാണ് പ്രായം കണക്കാക്കുന്നത്. അപേക്ഷിക്കുന്നവർക്ക് ജനുവരി 1 (2017) നു 17 വയസ്സ് തികഞ്ഞിരിക്കണം. ഒക്ടോബർ 21ന് 33 വയസ്സിൽ കൂടാനും പാടില്ല. എന്നാൽ സർവീസ് ക്വോട്ടക്കാർക്ക് 48 വരെ ഉയർന്ന പ്രായ പരിധി ആകാം.
അപേക്ഷാഫീസ്: ജനറൽ വിഭാഗത്തിന് 400 രൂപയും പട്ടികവിഭാഗക്കാർക്ക് 200 രൂപയുമാണ് അപേക്ഷ ഫീസ്. ഈ മാസം 20 വരെ കേരളത്തിലെ ഫെഡറൽ ബാങ്ക് ശാഖകളിൽ അപേക്ഷാഫീസ് അടക്കാവുന്നതാണ്.
www.lbscentre.in എന്ന വെബ്സൈറ്റിൽ വിദ്യാർഥിയുടെ വിവരങ്ങൾ സമർപ്പിച്ചുകിട്ടുന്ന ചലാൻ ഉപയോഗിച്ച് വേണം ഫീസ് അടക്കാൻ. അതിനുശേഷം ആവശ്യമായ രേഖകൾ അപ്ലോഡ് ചെയ്ത്, ഓൺലൈൻ അപേക്ഷ സമർപ്പിക്കാം. ഹാർഡ് കോപ്പി നിർദിഷ്ട രേഖകൾ സഹിതം ഡയറക്ടർ, എൽബിഎസ് സെന്റർ ഫോർ സയൻസ് ആൻഡ് ടെക്നോളജി, നന്ദാവനം, പാളയം, തിരുവനന്തപുരം–695 033 എന്ന വിലാസത്തിൽ ഒക്ടോബർ 21ന് മുൻപായി കിട്ടത്തക്ക രീതിയിൽ അയക്കേണ്ടതാണ്. രണ്ടു കോളേജുകളിലേക്കും കൂടി ഒരു അപേക്ഷ മതിയാകും.
https://www.facebook.com/Malayalivartha