ഐ.ഐ.ടിയിൽ 2018 ജൂലൈയിലാരംഭിക്കുന്ന പിഎച്ച്.ഡി/എം.എസ് റിസര്ച് പ്രോഗ്രാമുകളില് പ്രവേശനത്തിന് അപേക്ഷിക്കാം
ഇന്ത്യന് ഇന്സ്റ്റിറ്റ്യൂട്ട് ഒാഫ് ടെക്നോളജി (ഐ.ഐ .ടി) മദ്രാസ് 2018 ജൂലൈയിലാരംഭിക്കുന്ന പിഎച്ച്.ഡി/എം.എസ് റിസര്ച് പ്രോഗ്രാമുകളില് പ്രവേശനത്തിന്അപേക്ഷകൾ ക്ഷണിക്കുന്നു .reserch.iitm.ac.in എന്ന സൈറ്റിൽ മാർച്ച് 31 വരെ അപേക്ഷകൾ ഓൺലൈൻ ആയി അപേക്ഷിക്കാം. ഇതിനുള്ള നിര്ദേശങ്ങള് വെബ്സൈറ്റിലുണ്ട്.
ജനറല്/ഒ.ബി.സി നോണ് ക്രീമി ലെയര് പുരുഷന്മാര്ക്ക് 100 രൂപയും വനിതകള്ക്കും എസ്.സി/എസ്.ടി/പി.ഡബ്ല്യു.ഡി വിഭാഗത്തില്പെടുന്നവര്ക്കും 50 രൂപയുമാണ്അപേക്ഷഫീസ് . ഡെബിറ്റ്/ക്രെഡിറ്റ് കാര്ഡ്/ഇന്റര്നെറ്റ് ബാങ്കിങ്ങിലൂടെയും ഫീസ് അടക്കാം.
വിവിധ ഡിപ്പാര്ട്മെന്റുകളിലായി റെഗുലർ പിഎച്ച്.ഡി പ്രോഗ്രാമില് എന്ജിനീയറിങ് സയന്സ്, ഹ്യുമാനിറ്റീസ് ആന്ഡ് സോഷ്യല് സയന്സ്, മാനേജ്മന്റ് മേഖലകളിലാണ് ഗവേഷണ പഠനാവസരം. കൂടാതെ എം.എസ് പ്രോഗ്രാമില് എന്ജിനീയറിങ്, മാനേജ്മെന്റ് എന്റര്പ്രണര്ഷിപ് വിഷയങ്ങളും പഠിക്കാം.
അക്കാദമിക് മികവോടെ ബി.ഇ/ബി.ടെക്/ബി.എസ്സി (നാലുവര്ഷം) യോഗ്യതയും പ്രാബല്യത്തിലുള്ള 'ഗേറ്റ്' സ്കോറും ഉള്ളവര്ക്ക് എന്ജിനീയറിങ്/സയന്സ് മേഖലയില് നേരിട്ട് എം.എസ് പിഎച്ച്.ഡിയും പ്രവേശനം നേടാം. വിശദമായ യോഗ്യത മാനദണ്ഡങ്ങള് reserch.iitm.ac.inല് അഡ്മിഷന് ബ്രോഷറിലുണ്ട്.
അപേക്ഷകരുടെ ചുരുക്കപ്പട്ടിക തയാറാക്കി മേയ് 1 നും 11നും മധ്യേ എഴുത്തുപരീക്ഷയും ഇന്റര്വ്യൂവും നടത്തിയാണ് തിരഞ്ഞെടുപ്പ്. മേയ് 25ന് തെരഞ്ഞെടുക്കപ്പെടുന്നവരുടെ ലിസ്റ്റ് വെബ്സൈറ്റില് പ്രസിദ്ധപ്പെടുത്തും. ജൂണ് എട്ടിനു മുന്പായി അഡ്മിഷന് ലെറ്ററുകള് ലഭിക്കും. ജൂലൈ ഒൻപതു അഡ്മിഷന് നേടണം . പത്താം തീയതി ഓറിയന്റഷനിൽ ക്ലാസ് ആരംഭിക്കും.
എം.എസ്/പിഎച്ച്.ഡി പ്രോഗ്രാമുകള്ക്ക് ഇന്ത്യൻ വിദ്യാര്ഥികള് വാര്ഷിക ട്യൂഷന് ഫീസായി 2500 രൂപ നല്കണം. ഇതുള്പ്പെടെ വിവിധ ഇനങ്ങളിലായി 2018-19 വര്ഷം 11,747 രൂപയാണ് ഫീസ് അടക്കേണ്ടത്. ഹോസ്റ്റല്/മെസ് ഫീസുകള് വേറെയും നല്കണം. പാഠ്യപദ്ധതിയില് ഹാഫ്ടൈം റിസര്ച് അസിസ്റ്റന്ഷിപ്പും യു.ജി.സി/ജെ.ആര്.എഫ്/സി.എസ്.ഐ .ആര്/ഐ .സി.എം.ആര്/ഐ .സി.എ.ആര്/എ.ഐ.സി.ടി.ഇ മുതലായ ഫെലോഷിപ് യോഗ്യത നേടിയിട്ടുള്ളവര്ക്ക് സ്കോളര്ഷിപ്/ഫെലോഷിപ്പുകളും ലഭിക്കും.
ആദ്യത്തെ രണ്ടു വര്ഷം പ്രതിമാസം 25,000 രൂപയും അടുത്ത മൂന്നു വര്ഷം പ്രതിമാസം 28,000 രൂപയും എ.എസ് പ്രോഗ്രാമിന് രണ്ടു വര്ഷം പ്രതിമാസം 12,400 രൂപയും റിസര്ച് അസിസ്റ്റന്റ്ഷിപ്പിനായി ലഭിക്കുന്നതാണ്. കൂടുതല് വിവരങ്ങള് reserch.iitm.ac.inല് നിന്ന് ഡൗണ്ലോഡ് ചെയ്യാം.
https://www.facebook.com/Malayalivartha