ഇന്ത്യന് നേവിയില് അവസരങ്ങൾ
ഇന്ത്യന് നേവിയില് പൈലറ്റ്, ഒബ്സര്വര്, എയര്ട്രാഫിക് കണ്ട്രോളര് പ്രവേശനത്തിന് എസ്.എസ്.സി വിജ്ഞാപനം പുറപ്പെടുവിച്ചു. അവിവാഹിതരായ പുരുഷന്മാര്ക്കും വനിതകള്ക്കും അപേക്ഷകൾ അയക്കാം. തിരഞ്ഞെടുക്കപ്പെടുന്നവര്ക്ക് കണ്ണൂരിലെ ഏഴിമല നാവിക അക്കാദമിയില് ജനുവരി 2019 മുതല് പരിശീലനം ആരംഭിക്കുന്നതായിരിക്കും.
നാല് തസ്തികകളിലായി 19 ഒഴിവുകളാണുള്ളത്. എയര്ട്രാഫിക് കണ്ട്രോളര് - ഏഴ്, ഒബ്സര്വര് - നാല്, പൈലറ്റ് (എം.ആര്) - മൂന്ന്, പൈലറ്റ് (എം.ആര്.ഒഴികെ) - അഞ്ച് എന്നീ ഒഴിവുകളാണുള്ളത്.
അപേക്ഷകർക്ക് 60 ശതമാനം മാര്ക്കില് കുറയാതെയുള്ള ബി.ഇ/ബി.ടെക് ബിരുദം ആവശ്യമാണ്. എയര് ട്രാഫിക് കണ്ട്രോളര് തസ്തികയിലേക്ക് അപേക്ഷിക്കുന്നവര്ക്ക് 10ാം ക്ലാസ്, പ്ലസ്ടു പരീക്ഷകളില് 60 ശതമാനം മാര്ക്ക് ഉണ്ടായിരിക്കണം.
പ്ലസ്ടു തലത്തില് മാത്തമാറ്റിക്സ്, ഫിസിക്സ് വിഷയങ്ങള് പഠിച്ചിരിക്കണം. സി.പി.എല് വിഭാഗത്തിന് നിർദിഷ്ട യോഗ്യതക്കു പുറമേ വ്യോമയാന മന്ത്രാലയം നല്കുന്ന സി.പി.എല് യോഗ്യതയും വേണം. എന്ജിനീയറിങ് അവസാന വര്ഷക്കാര്ക്കും അപേക്ഷിക്കാം.
എയര് ട്രാഫിക് കണ്ട്രോളര് 02-01-1994നും 01-01-1998 നും ഇടയില് ജനിച്ചവരായിരിക്കണം. (രണ്ടു തീയതികളും ഉള്പ്പെടെ). ഒബ്സര്വര് 02-01-1995നും 01-01-2000 നും ഇടയില് ജനിച്ചവരായിരിക്കണം (രണ്ടു തീയതികളും ഉള്പ്പെടെ). പൈലറ്റ് 02-01-1995 നും 01-01-2000നും ഇടയില് ജനിച്ചവരായിരിക്കണം. (രണ്ടു തീയതികളും ഉള്പ്പെടെ).
സി.പി.എല് വിഭാഗക്കാര് 02-01-1994നും 01-01-2000നും ഇടയില് ജനിച്ചവരായിരിക്കണം. (രണ്ടു തീയതികളും ഉള്പ്പെടെ).
നിശ്ചിത യോഗ്യതയുള്ളവര്ക്ക് ' www.joinindiannavy.gov.in ' എന്ന വെബ്സൈറ്റിലൂടെ അപേക്ഷ സമര്പ്പിക്കാം. അപേക്ഷ സ്വീകരിക്കുന്ന അവസാന തീയതി മാര്ച്ച് 04.
https://www.facebook.com/Malayalivartha