വ്യോമസേനയിൽ എയർമാനാകാൻ അവസരം
വിവിധ തസ്തികളിലേക്കായി ഇന്ത്യൻ എയർഫോഴ്സ് അപേക്ഷ ക്ഷണിച്ചു. എയർമാൻ ഗ്രൂപ്പ് എക്സ്,ഗ്രൂപ്പ് വൈ(ജി.ടി.ഐ ,ഐ.എ.എഫ് സെക്യൂരിറ്റി ,ഐ.എ.എഫ് പോലീസ്) എന്നീ ട്രേഡുകളിൽ ആണ് അവസരം.അപേക്ഷിക്കുന്നവർ അവിവാഹിതരായ യുവാക്കൾ ആയിരിക്കണം.വ്യോമസേന നടത്തുന്ന വിവിധ പരീക്ഷകളിൽ യോഗ്യത നേടിയാൽ കമ്മിഷൻഡ് ഓഫീസർ വരെ ആകാനുള്ള അവസരവുമുണ്ട്.
അപേക്ഷിക്കേണ്ട വിധം
ഓൺലൈൻ ആയാണ് അപേക്ഷ സമർപ്പിക്കേണ്ടത് . ഓൺലൈൻ റെജിസ്ട്രേഷൻ ആരംഭിക്കുന്ന തീയ്യതി ജൂലൈ 3 മുതൽ
യോഗ്യത
എഴുത്തു പരീക്ഷ, ശാരീരികക്ഷമതാ പരിശോധന,ട്രേഡ് അലോക്കേഷൻ ടെസ്റ്റ്, അഭിമുഖം, വൈദ്യ പരിശോധന എന്നിവയിൽ മികവ് തെളിയിക്കുന്നവർക്കാണ് അവസരം
50 ശതമാനം മാർക്കോടെ ഫിസിക്സ്,കണക്ക്,ഇംഗ്ലീഷ് എന്നിവയിൽ പ്ലസ് ടു യോഗ്യത നേടിയവർക്ക് ഗ്രൂപ്പ് എക്സ് ട്രേഡിന് അപേക്ഷിക്കാം.
50 ശതമാനം മാർക്കോടെ ത്രിവത്സര എഞ്ചിനീയറിംഗ് ഡിപ്ലോമ നേടിയവർക്കും അപേക്ഷിക്കാവുന്നതാണ്
ഗ്രൂപ്പ് വൈ കാറ്റഗറിയിലേക്ക് അപേക്ഷിക്കുന്നതിന് 50 ശതമാനം മാർക്കോടെയുള്ള പ്ലസ് ടു വിജയമാണ് അടിസ്ഥാന യോഗ്യത. ഇംഗ്ലീഷിൽ മാത്രമായി 50 ശതമാനം മാർക്ക് നേടിയിരിക്കണം എന്ന നിബന്ധനയുണ്ട്.
ശാരീരിക യോഗ്യത-
ഉയരം 152.5 സെ. മീറ്റർ ,
നെഞ്ച് വികാസം- 5 സെ.മീറ്റർ,
ഉയരത്തിനു ആനുപാതികമായ തൂക്കം ഉണ്ടായിരിക്കണം.
പ്രായപരിധി-
1998 ജൂലൈ 14 നും 2002 ജൂൺ 26 നും ഇടയിൽ ജനിച്ചവർ ആയിരിക്കണം.
തെരഞ്ഞെടുക്കുന്നവർക് കർണാടകയിലെ ബാലഗാവിയിലുള്ള ബേസിക് ട്രെയിനിങ് ഇന്സ്ടിട്യൂട്ടിൽ 12 ആഴ്ച നീളുന്ന പരിശീലനം ഉണ്ടായിരിക്കും. ട്രെയിനിങ് സമയങ്ങളിൽ 14,600 രൂപ സ്റ്റൈപൻഡ് ലഭിക്കും.ട്രെയിനിങ് കഴിഞ്ഞാൽ 33,100 രൂപ ശമ്പളത്തിൽ വിവിധ തസ്കികളിൽ ആയി നിയമനം ലഭിക്കും.
കൊച്ചി ആണ് കേരളത്തിലെ പരീക്ഷകേന്ദ്രം.
സെപ്റ്റംബർ 13 മുതൽ 15 വരെ തീയതികളിൽ ആണ് പരീക്ഷ നടക്കുന്നത്.
അപേക്ഷ അയക്കുവാനും എഴുത്തുപരീക്ഷയുടെ വിശദമായ വിവരങ്ങൾക്കും സിലബസ് മാതൃക ചോദ്യപേപ്പറുകൾക്കും www.airmenselection.gov.in എന്ന വെബ്സൈറ്റ് സന്ദർശിക്കുക.
അപേക്ഷ ഫീസ് 250 രൂപ.
ഓൺലൈനായി അപേക്ഷിക്കാൻ ഉള്ള അവസാന തീയതി ജൂലൈ 24 .
https://www.facebook.com/Malayalivartha