രാജമൗലിയുടെ മഹാഭാരതത്തിന് അല്പ്പം കാത്തിരിക്കേണ്ടിവരും
എം ടി യുടെ രണ്ടാമൂഴം 1000 കോടി പ്രൊജക്ടില് ഒരുക്കുന്നുവെന്ന വാര്ത്ത ഇന്ത്യന് സിനിമ ലോകത്തുതന്നെ ചര്ച്ചയായി മാറി. മോഹന്ലാലാണ് ഈ സിനിമയില് ഭീമനായി എത്തുക. എന്നാല് ഈ പ്രോജക്ട് ആരംഭിക്കും മുന്പേ പ്രേക്ഷകര്ക്കിടയില് ഉയര്ന്ന് കേട്ടത് രാജമൗലിയുടെ മഹാഭാരത്തെ കുറിച്ചാണ്. ബാഹുബലി പോലുള്ള ബ്രഹ്മാണ്ഡ സിനിമ ചെയ്ത രാജമൗലിയുടെ സ്വപ്ന പദ്ധതിയെ കുറിച്ചാണ് ഇപ്പോഴുള്ള ചര്ച്ച. ഏകദേശം രണ്ടു വര്ഷങ്ങള്ക്ക് മുന്പാണ് ഈ പ്രോജക്ടിനെ കുറിച്ച് രാജമൗലി ആദ്യമായി വെളിപ്പെടുത്തിയത് അന്ന് പത്ത് വര്ഷത്തിന് ശേഷം ഈ സിനിമ തുടങ്ങുമെന്നാണ് രാജമൗലി അറിയിച്ചത്.
പിന്നീട് പലതവണ ഈ പട്രോജക്ടിനെ പറ്റി ചോദിച്ചെങ്കിലും പത്തുവര്ഷത്തിനുശേഷം തുടങ്ങുമെന്നല്ലാതെ മറ്റൊരു വാക്കുപോലും പറഞ്ഞിരുന്നില്ല എന്നാല് ഈ അടുത്തിടെ ഒരു തെലുങ്ക് ചാനലിന് നല്കിയ അഭിമുഹത്തില് അദ്ദേഹം ഈ പ്രോജക്ടിനെ കുറിച്ച് കൂടുതല് വെളിപ്പെടുത്തി അടുത്ത എട്ടുവര്ഷത്തിനുള്ളില് മഹാഭാരതം ഏറ്റെടുക്കുമെന്നാണ് രാജമൗലി പരഞ്ഞിരിക്കുന്നത്.
എന്റെ ഹൃദയത്തോട് ചേര്ന്നിരിക്കുന്ന സിനിമയാണ് മഹാഭാരതം. എന്നാല് പെട്ടെന്നൊരു സുപ്രഭാതത്തില് അത് ചെയ്യാനാകില്ല. കുട്ടിക്കാലം മുതലേ മഹാഭാരതത്തിന്റെ പല വ്യാഖ്യാനങ്ങള് ഞാന് വായിച്ചിട്ടുണ്ട് എന്റെ മനസ്സില് ഇതൊരു മെഗാ പ്രൊജക്റ്റാണ്.
സാങ്കേതിക പരമായി ഈ ചിത്രം എങ്ങനെ കൈകാര്യം ചെയ്യാനാകും എന്നൊരു ഭയം എന്റെ ഉള്ളിലുണ്ട്. സാങ്കേതിക പരമായി മാത്രമല്ല മറ്റു പല തലങ്ങളിലും. കാരണം വെറുതെ താരങ്ങളെ തെരെഞ്ഞെടുത്താല് അതൊരിക്കലും നന്നായി വരില്ല. കൃത്യമായ താരങ്ങളെ കണ്ടെത്തണം അവരെ ഓരോ കഥാ പാത്രങ്ങളിലേക്ക് വാര്ത്തെടുക്കണം. ആ സമയം എന്റെ ശരീരം അതിനുതകുന്ന വിധത്തിലായിരിക്കണമെന്നില്ല എങ്കിലും ആ പ്രോജക്ട് ഞാന് ചയ്യും.
നാലു ഭാഗങ്ങള് വേണ്ടി വരുന്ന ഈ സിനിമ പൂര്ത്തിയാക്കാന് ആറുവര്ഷമെങ്കിലും വേണ്ടി വരും. അതിന് വേണ്ട കഥാപാത്രങ്ങളായ കൃഷ്ണ, ദുര്യോധന, ഭീമ, അര്ജുനന്, കര്ണ അങ്ങനെ ഒരുപാട്പേര് സിനിമയില് അഭിനയിക്കേണ്ടി വരും.ഈ സിനിമയില് അഭിനയിക്കാന് തന്റെ കരിയറിന്റെ ആറുവര്ഷം നല്കുന്ന ഏത് താരം കാണും. അതൊരിക്കലും സാധ്യമാകില്ല. ഒരു സൂപ്പര്താരത്തെ സംബന്ധിച്ചിടത്തോളം ഒരിക്കലും പൂര്ണമായി ആറുവര്ഷം ഒരു ചിത്രത്തിന് വേണ്ടി സമര്പ്പിക്കാന് സാധിക്കില്ല രാജമൗലി പറയുന്നു.
https://www.facebook.com/Malayalivartha