ദിലീപിന്റെയും നാദിര്ഷായുടെയും മൊഴി 29ന്; ഇന്ന് നോട്ടീസ് അയച്ചേക്കും
നടി ആക്രമിക്കപ്പെട്ട കേസുമായി ബന്ധപ്പെട്ട് ദിലീപിന്റെയും സംവിധായകന് നാദിര്ഷായുടെയും മൊഴി രേഖപ്പെടുത്താന് പൊലീസ് തീരുമാനം. ഈ മാസം 29-നാണ് ഇരുവരുടെയും മൊഴി രേഖപ്പെടുത്താന് തീരുമാനിച്ചിരിക്കുന്നത്. ഇരുവര്ക്കും ഇക്കാര്യം അറിയിച്ച് കൊണ്ടുള്ള നോട്ടീന് ഇന്ന് തന്നെ അയക്കുമെന്നും സൂചനയുണ്ട്.
ആലുവ പൊലീസ് ക്ലബ്ബിലോ പെരുമ്പാവൂര് സി.ഐ ഓഫീസിലോ ആണ് ഇരുവരും ഹാജരാകേണ്ടത്. 29-ന് ആലുവ പൊലീസ് ക്ലബ്ബിലോ പെരുമ്പാവൂര് സി.ഐ ഓഫീസിലോ എത്തണമെന്നാകും നോട്ടിസിലെ ഉള്ളടക്കം. കേസില് നിര്ണ്ണായക വഴിത്തിരിവുകള് ഉണ്ടായ സാഹചര്യത്തിലാണ് ദിലീപിന്റെയും നാദിര്ഷയുടെയും മൊഴി രേഖപ്പെടുത്താന് പൊലീസ് തീരുമാനിച്ചത്.
നടിക്കെതിരെയുള്ള ആക്രമണത്തെ കുറിച്ച് ദിലീപിന് നേരത്തെ അറിയാമായിരുന്നെന്ന് പള്സര് സുനി കഴിഞ്ഞ ദിവസം പൊലീസിന് മൊഴി നല്കിയിരുന്നു. ദിലീപിനെ ഭീഷണിപ്പെടുത്തിയ കേസുമായി ബന്ധപ്പെട്ട് സുനിയുടെ സഹതടവുകാരനായ വിഷ്ണുവിനെ പൊലീസ് കസ്റ്റടിയിലെടുത്തിരുന്നു. എന്നാല് സുനിയെ ജയിലിനുള്ളില് സഹായിച്ചതിന് വിഷ്ണുവിനെയും സനലിനെയും പൊലീസ് അറസ്റ്റ് ചെയ്തു.
വിഷ്ണുവിനെ അറസ്റ്റ് ചെയ്തത് ദിലീപിനെ ഭീഷണിപ്പെടുത്തിയതിന്റെ പേരിലാണെന്നും എന്നാല് സുനിയെ ജയിലിനുള്ളില് സഹായിച്ചതിന്റെ പേരിലാണെന്നും റിപ്പോര്ട്ടുകളുണ്ട്. വിഷ്ണുവിന്റെ രഹസ്യ മൊഴിയും സുനിയ്ക്കൊപ്പം ജയിലില് കഴിയുന്ന റിന്സന്റെ രഹസ്യ മൊഴിയും പൊലീസ് രേഖപ്പെടുത്തിവരുന്നു.
https://www.facebook.com/Malayalivartha