ആലിയഭട്ട് പുതിയ വീട് വാങ്ങി; കുടുംബത്തില് നിന്ന് അകന്നോ?
സിനിമയില് നിന്ന് സമ്പാദിച്ച പണം കൊണ്ട് അടുത്തിടെയാണ് ആലിയ ഭട്ട് മുംബയില് വീട് വാങ്ങിയത്. ഇതോടെ കുടുംബവുമായി താരം അകന്ന് കഴിയുകയാണെന്ന് വാര്ത്തകള് പ്രചരിച്ചു. എന്നാല് നീതിക്ക് നിരക്കാത്ത വാര്ത്തകളാണ് ഇതൊക്കെയെന്ന് താരം പറഞ്ഞു. ഞാനും സഹോദരിയും ഒരേ മുറിയിലാണ് ഉറങ്ങുക. വീട്ടില് ധാരാളം സാധനങ്ങള് കൂടിയത് കാരണം സ്പെയിസ് കുറവായി. അതോടെ വീടിനടുത്ത് മറ്റൊരു വീട് വാങ്ങുകയായിരുന്നു. തനിച്ച് ചെലവഴിക്കാന് മാത്രമാണ് അവിടെ പോവുക. ഗോസിപ്പുകള് കേട്ട് വീട്ടിലാരും ടെന്ഷന് അടിക്കാറില്ലെന്നും താരം പറഞ്ഞു. നടിയാകുന്നതിന് മുമ്പ് ജീവിതം സ്വതന്ത്രമായിരുന്നെന്ന് താരം പറഞ്ഞു.
സ്റ്റുഡന്റ് ഓഫ് ദ ഇയറായിരുന്നു ആദ്യ സിനിമ. ആദ്യ പ്രതിഫലം കിട്ടിയപ്പോള് പിതാവ് ചോദിച്ചു. നീ എന്ത് ചെയ്യും. ഒരുപാട് ആലോചിച്ച ശേഷം വീട്ടിലൊരു നീന്തല്ക്കുളം നിര്മ്മിച്ചു. ഇപ്പോള് തിരക്കോട് തിരക്കായതോടെ പലരും ചോദിക്കുന്നു കല്യാണം കഴിക്കണ്ടേന്ന്. എന്നാല് 33 വയസിന് ശേഷമേ വിവാഹം കഴിക്കൂ എന്ന നിലപാടിലാണ് താരം. അതുവരെ പിടിച്ചു നില്ക്കാനുള്ള പഴുതുകള് ഉണ്ടെന്നും ഇപ്പോള് സിനിമയാണ് പ്രധാനമെന്നും താരം പറഞ്ഞു. ബോളിവുഡില് ഡേറ്റിംഗും പ്രണയവും പുതുമയുള്ള കാര്യമല്ല. എന്നാല് അതിനൊന്നും തനിക്ക് സമയമില്ലെന്ന് ആലിയ വ്യക്തമാക്കി.
നീ ഉത്തരവാദിത്തമുള്ളവളായി ജീവിക്കുന്നതിനാല് നിന്റെ വിവാഹത്തെ കുറിച്ച് നീ തന്നെ തീരുമാനിക്കുക എന്നാണ് അച്ഛന് മഹേഷ് ഭട്ട് പറഞ്ഞത്. തനിക്കതില് എതിരഭിപ്രായങ്ങള് ഉണ്ടായിരിക്കില്ലെന്നും അദ്ദേഹം പറഞ്ഞിട്ടുണ്ട്. ഇത്രയും നല്ലൊരു പിതാവിനെ ലോകത്ത് വേറെ ആര്ക്കും കിട്ടില്ലെന്ന് താരം പറഞ്ഞു. ചെറിയ കാലയളവിനുള്ളില് ഏതാണ്ട് എല്ലാ സ്റ്റാറുകളുടെയും നായികയായി. അത് വലിയ ഭാഗ്യമാണ്. വീട്ടിലിപ്പോഴും താന് കൊച്ചുകുട്ടിയാണെന്നും താരം പറഞ്ഞു.
https://www.facebook.com/Malayalivartha