മീ ടൂ... കാമ്പയിനില് മലയാള നടിമാര് ദുരനുഭവങ്ങള് പങ്കുവെച്ചില്ല
ലോകംമുഴുവന് ഏറ്റെടുത്ത മീ ടു... കാമ്പയിനില് മലയാളനടിമാര് തങ്ങള്ക്കുണ്ടായ ദുരനുഭവങ്ങള് പങ്കുവച്ചില്ല. പകരം മീ ടൂ.. എന്ന് ഹാഷ്ടാഗ് ചെയ്യുക മാത്രമാണുണ്ടായത്. വുമണ് ഇന് കളക്ടീവ് അംഗങ്ങളായ പാര്വതിയും റിമാകല്ലിങ്കലും ഉള്പ്പെടെ ഈ രീതിയിലാണ് പ്രതികരിച്ചത്. വേഷങ്ങള് നല്കുന്നതിന് ലൈംഗിക ആവശ്യങ്ങള് ഉന്നയിച്ച മുതിര്ന്ന സിനിമാ പ്രവര്ത്തകരുണ്ടെന്ന് മുമ്പ് ഒരു ഇന്റര്വ്യൂവില് പാര്വതി വെളിപ്പെടുത്തിയിരുന്നെങ്കിലും അത്തരം അനുഭവങ്ങളൊന്നും കാമ്പയിന്റെ ഭാഗമായി താരം പങ്കുവച്ചില്ല. ആലപ്പുഴയിലെ ഒരു ഹോട്ടലില് വെച്ച് റിമാകല്ലിങ്കലിന്റെ മുറിയല് റൂം ബോയി കയറി ഒളിച്ചിരുന്ന സംഭവം അടുത്തിടെയാണ് നടന്നത്. അതേക്കുറിച്ചൊന്നും താരവും പ്രതികരിച്ചിട്ടില്ല
.അതേസമയം ചിത്രീകരണത്തിനിടയും മറ്റും ചില നടന്മാര് നടിമാരുടെ നിതംബത്തില് പിടിക്കാറുണ്ടെന്ന് നടി പത്മപ്രീയ കഴിഞ്ഞ ദിവസം ഒരു അഭിമുഖത്തില് വെളിപ്പെടുത്തിയിരുന്നു. കാമ്പയിന്റെ ഭാഗമായി സജിതാ മഠത്തില് ഒരു പോസ്റ്റിട്ടെങ്കിലും പിന്നീട് അത് തന്റെ അനുഭവമല്ല, സുഹൃത്ത് മേരി എലിസബത്തിന്റെ അനുഭവം ഷെയര് ചെയ്യുകയാണുണ്ടായതെന്ന് പറഞ്ഞു. ഓസ്കാര് നോമിനേഷന് ഉള്പ്പെടെ ലഭിച്ച ചിത്രങ്ങളുടെ നിര്മാതാവ് ഹാര്വി വെയിന്സ്റ്റയിന് ലൈംഗികമായി പീഡിപ്പിച്ചെന്ന ആരോപണവുമായി നിരവധി നടിമാര് കഴിഞ്ഞയാഴ്ച രംഗത്ത് വന്നിരുന്നു. ഇതേ തുടര്ന്ന് ഹോളിവുഡ് ഒക്ടോബര് 15ന് നടി അലീസാ മിലാന്റോയാണ് മീ ടൂ... കാമ്പയിന് തുടങ്ങിയത്.
ലൈംഗിമായി ചൂണണം ചെയ്യപ്പെട്ടവരോ, ആഖ്രമിക്കപ്പെട്ടവരോ ആയ സ്ത്രീകള് തങ്ങളുടെ അനുഭവങ്ങള് ഈ കാമ്പയിനിലൂടെ പങ്കുവയ്ക്കുക എന്ന ലക്ഷ്യത്തോടെയാണ് അലീസാ മിലാന്റോ കാമ്പയിന് ആരംഭിച്ചത്. ലോകമെമ്പാടും ഇത് വയറലായി. ലക്ഷക്കണക്കിന് സ്ത്രീകളാണ് തങ്ങള്ക്കുണ്ടായ ദുരനുഭവങ്ങള് പങ്കുവച്ചത്. എന്നാല് ഡബഌയു.സി.സി നേതാക്കളായ രമ്യാനമ്പീശനും വിധുവിന്സെന്റും അടക്കമുളളവര് ഇതിനോട് പ്രതികരിച്ചിട്ടില്ല. സിനിമയിലെയും പൊതുസമൂഹത്തിലെയും സ്ത്രീകളുടെ പ്രശ്നങ്ങളില് ഇടപെടുന്ന ഭാഗ്യലക്ഷ്മിയും മഞ്ജുവാര്യരും കാമ്പയിനില് പങ്കാളിയായില്ല.
https://www.facebook.com/Malayalivartha