യാത്രകാര്‍ക്ക് കണ്‍സ്യൂമര്‍ ബ്ലോഗ് ഒരുക്കി ദുബായ് എയര്‍പോര്‍ട്ട്
ദുബായ് എയര്‍പോര്‍ട്ട് യാത്രകാര്‍ക്കായി 'കണക്ട്' എന്ന കണ്‍സ്യൂമര്‍ ബ്ലോഗ് ഉദ്ഘാടനം ചെയ്തു. കൂടാതെ, എയര്‍പോര്‍ട്‌സ് വെബ്‌സൈറ്റിലും ഒട്ടേറെ പരിഷ്‌കാരങ്ങള്‍ വരുത്തി. യാത്രക്കാരുടെ അനുഭവങ്ങള്‍ ചിത്രങ്ങളിലൂടെയും പ്രായോഗിക വിവരങ്ങളിലൂടെയും സമൂഹമാധ്യമങ്ങളിലെ പോസ്റ്റുകളിലൂടെയും വിവരിക്കുന്നത് ഉള്‍പ്പെടെ വെബ് സൈറ്റില്‍ ഒട്ടേറെ പരിഷ്‌കാരങ്ങള്‍ വരുത്തിയിട്ടുണ്ട്. ദുബായ് ഇന്റര്‍നാഷനല്‍, ദുബായ് വേള്‍ഡ് സെന്‍ട്രല്‍ എന്നീ വിമാനത്താവളങ്ങളുടെ പുതിയ വിവരങ്ങള്‍ കൈമാറുന്നതുകൂടാതെ, ദുബായ് സന്ദര്‍ശകര്‍, താമസക്കാര്‍ തുടങ്ങിയവര്‍ക്ക് ഒട്ടേറെ വിവരങ്ങളും ബ്ലോഗ് കൈമാറുന്നുണ്ടെന്ന് അധികൃതര്‍ പറഞ്ഞു.
ബ്ലോഗ് സന്ദര്‍ശിക്കുന്നവര്‍ സബ്‌സ്‌െ്രെകബ് ചെയ്താല്‍ വിവരങ്ങള്‍ അപ്പപ്പോള്‍ ലഭ്യമാകും. ദുബായ് ഡിഎക്‌സ്ബി, ഡിഡബ്ല്യുസി വിമാനത്താവളങ്ങളില്‍ എത്തുന്നവര്‍, മടങ്ങുന്നവര്‍, കണക്ഷന്‍ വിമാനങ്ങള്‍ ഉപയോഗിക്കുന്നവര്‍, പ്രിയപ്പെട്ടവരെ കാണാന്‍ വരുന്നവര്‍ തുടങ്ങിയവര്‍ ഉള്‍പ്പെടെ എല്ലാ സന്ദര്‍ശകരുടെയും ആവശ്യങ്ങള്‍ തൃപ്തിപ്പെടുത്തുന്ന വിവരങ്ങളാണു പരിഷ്‌കരിച്ച വെബ് സൈറ്റിലുള്ളതെന്ന് അധികൃതര്‍ അറിയിച്ചു. മികച്ച സൗകര്യങ്ങള്‍, സേവനങ്ങള്‍ തുടങ്ങിയവ ഡിഎക്‌സ്ബിയിലും ഡിബ്ല്യുസിയിലും കാഴ്ചവയ്ക്കുന്നതിന് ഡിജിറ്റല്‍ മാര്‍ഗങ്ങള്‍ കുതിച്ചുചാട്ടമാണു നടത്തിയതെന്നു ദുബായ് എയര്‍പോര്‍ട്‌സ് ബ്രാന്‍ഡ് എന്‍ഗേജ്‌മെന്റ് ഡയറക്ടര്‍ മാത്യു ഹോറോബിന്‍ പറഞ്ഞു.
കാര്‍ റെന്റലുകള്‍ സംബന്ധിച്ച ബുക്കിങ്, വിദേശ കറന്‍സി, ദുബായ് ഇന്റര്‍നാഷനല്‍ ഹോട്ടലില്‍ രാത്രി ചെലവഴിക്കല്‍ തുടങ്ങിയവ സംബന്ധിച്ചുള്ള വിവരങ്ങള്‍ ഉപഭോക്തൃ സൗഹൃദ രീതിയില്‍ പരസ്പരം ബന്ധിപ്പിച്ചും മറ്റും സ്വീകരിച്ച നടപടികള്‍ വൈബ് സൈറ്റ് സന്ദര്‍ശനത്തിന്റെ സമയം ശരാശരി ഒന്നര മിനിറ്റിലേറെയായി വര്‍ധിപ്പിച്ചിട്ടുണ്ട്. നഗരത്തിലേക്കും വിമാനത്താവളത്തിലേക്കുമുള്ള ജാലകമാണ് കണക്ട് ബ്ലോഗ്. യാത്രക്കാര്‍ ആശയങ്ങളും യാത്രാ വിവരങ്ങളും കൈമാറുന്ന ബ്ലോഗ് ദുബായിലേക്ക് വരുന്നവര്‍ തീര്‍ച്ചയായും സന്ദര്‍ശിക്കേണ്ട ഒന്നാണ്. യാത്രക്കാരുടെ വിരല്‍ത്തുമ്പില്‍ വിവരങ്ങള്‍ ലഭ്യമാകും. വിമാന സര്‍വീസിന്റെ വിവരങ്ങള്‍, വിദേശകറന്‍സിക്കായി ഓര്‍ഡര്‍ ചെയ്യല്‍, ഡിഎക്‌സ്ബിയിലെ പഞ്ചനക്ഷത്ര ഹോട്ടലില്‍ റൂം ബുക്ക് ചെയ്യാനുള്ള സൗകര്യം തുടങ്ങിയവയും വെബ് സൈറ്റില്‍ ഉള്‍പ്പെടുത്തിയിട്ടുണ്ട്.
https://www.facebook.com/Malayalivartha
