അബുദാബി ഹൈഡ്രജന്‍ പെട്രോള്‍ കാർ; ഒരു പ്രാവശ്യത്തെ ഇന്ധനഫില്ലിങ്ങില്‍ 500 കിലോമീറ്റര്‍
അബുദാബി പൊലീസ് പവിലിയനിൽ ഹൈഡ്രജന്‍ പെട്രോള്‍ ഉപയോഗിക്കുന്ന ടൊയോട്ടയുടെ മിറായ് മോഡല്‍ കാര്‍ പ്രദര്‍ശിപ്പിച്ചു. ഹൈഡ്രജന്‍ ഇന്ധന സെല്ലുകള്‍ ഉപയോഗിക്കുന്ന കാര്‍ നാഷണല്‍ എക്സിബിഷന്‍ സെന്ററിലാണ് പ്രദർശനത്തിനായെത്തിയത്.
അബുദാബി പൊലീസ് പവിലിയനിൽ എത്തിയ കാർ ശരാശരി മണിക്കൂറില്‍ 178 കിലോമീറ്റര്‍ വരെ വേഗത്തില്‍ സഞ്ചരിക്കും. ഒരു പ്രാവശ്യത്തെ ഇന്ധനഫില്ലിങ്ങില്‍ 500 കിലോമീറ്റര്‍ വരെ ദൂരം സഞ്ചരിക്കാമെന്നത് ഈ കാറിന്റെ മികച്ച നേട്ടമായി ചൂണ്ടിക്കാട്ടുന്നു. ഏകദേശം അഞ്ചു മിനിറ്റുകൊണ്ട് ഇന്ധനം വീണ്ടും നിറയ്ക്കാം.
ഏറ്റവും പുതിയ സാങ്കേതികവിദ്യയോടെയുള്ള ഈ കാര്‍ പരിസ്ഥിതി സംരക്ഷണത്തിന് മുതല്‍ക്കൂട്ടാവുമെന്നാണ് അബുദാബി പൊലീസ് ഈ കാര്‍ പരീക്ഷണ സന്നദ്ധത പ്രകടമാക്കുന്നതെന്ന് അബുദാബി പൊലീസ് ഇന്നവേഷന്‍ ആന്‍ഡ് ഫ്യൂച്ചര്‍ ഫോര്‍സൈറ്റ് വകുപ്പ് ഡയറക്ടര്‍ ലഫ്. കേണല്‍ സുലൈമാന്‍ മുഹമ്മദ് അല്‍ കാബി ചൂണ്ടിക്കാട്ടി.
https://www.facebook.com/Malayalivartha
