സൗദിയില് സ്ത്രീകള്ക്ക് വാഹനമോടിക്കാനുള്ള അനുമതിക്ക് ഇനി രണ്ടു ദിവസം കൂടി ബാക്കി...
സൗദിയില് വനിതകള്ക്ക് വാഹനമോടിക്കാനുള്ള അനുമതിക്ക് രണ്ടു ദിവസം കൂടി ബാക്കി നില്ക്കെ ജൂണ് 24നു മുമ്പ് സൗദിയില് വനിതകള് വാഹനമോടിക്കുന്നത് ശ്രദ്ധയില്പെട്ടാല് വാഹനമോടിച്ചവരും വാഹന ഉടമയും ഒരുപോലെ ശിക്ഷാര്ഹരായിരിക്കുമെന്ന് സൗദി ട്രാഫിക്ക് വിഭാഗം അറിയിച്ചു. സൗദി ട്രാഫിക്ക് നിയമത്തിലെ ആര്ട്ടിക്കിള് 77ല് പറയുന്ന ശിക്ഷാ നടപടികള്ക്കാണ് വിധേയരാകേണ്ടി വരിക. അഞ്ഞൂറ് റിയാല് മുതല് തൊള്ളായിരം റിയാല് വരെയുള്ള പിഴ ശിക്ഷയ്ക്കായിരിക്കും ഇവര് വിധേയരാകേണ്ടി വരിക എന്നും സൗദി ട്രാഫിക്ക് വിഭാഗം അറിയിച്ചു. ഇനി രണ്ട് ദിവസം വരെ മാത്രമാണ് വനിതകള്ക്ക് വാഹനമോടിക്കുവാന് അനുവദിക്കുന്നതിനുള്ള സമയം അവശേഷിച്ചിരിക്കുന്നത്.
അനുവദിച്ച ദിവസത്തിനു ശേഷം വാഹനമോടിക്കുന്ന വനിതകള് െ്രെഡവിംഗ് ലൈസന്സ് ഉള്ളവരായിരിക്കണം. ഡ്രൈവിംഗ് ലൈസിന്സ് ഇല്ലാത്ത വനിതകള് വാഹനമോടിച്ച് പിടികൂടിയാല് വാഹന ഉടമകളും ശിക്ഷാ നടപടികള്ക്ക് വിധേയരാകേണ്ടിവരും. കഴിഞ്ഞ വര്ഷം സെപ്തംബര് മാസത്തിലായിരുന്നു സൗദിയില് വനിതകള്ക്കും വാഹനമോടിക്കാന് അനുമതി നല്കുമെന്ന കാര്യം രാജകൊട്ടാരത്തില് നിന്നുള്ള വിജ്ഞാപനമായി ഭരണാധികാരി സല്മാന് രാജാവ് പ്രഖ്യാപിച്ചത്. സല്മാന് രാജാവിന്റെ ഉത്തരവ് പ്രാബല്യത്തില് വരാന് ഇനി രണ്ട് ദിവസം മാത്രമാണ് അവശേഷിച്ചിരിക്കുന്നത്. വനികള്ക്ക് വാഹനമോടിക്കുന്നതില് പരിശീലനം നല്കാനുള്ള കേന്ദ്രങ്ങള് തുടങ്ങുവാന് സൗദി ആഭ്യന്തര മന്ത്രാലയം നടപടികള് സ്വികരിച്ചിട്ടുണ്ട്.
ജൂണ് നാല് മുതല് നിലവില് അന്താരാഷ്ട്ര ഡ്രൈവിംഗ് ലെസന്സുള്ള വനികള്ക്ക് സൗദി ഡ്രൈവിംഗ് ലൈസന്സ് നല്കുന്ന നടപടി ക്രമങ്ങള് ആരംഭിച്ചിരുന്നു. 18 വയസ്സും അതിന് മുകളില് പ്രായമുള്ള വനിതകള്ക്കാണ് സ്വകാര്യ, പൊതു ഡ്രൈവിംഗ് ലൈസന്സ് നല്കുക. എന്നിരുന്നാലും പതിനേഴ് വയസ്സ് പ്രായമുള്ളവര്ക്ക് വാഹനമോടിക്കുവാനുള്ള താല്ക്കാലിക രേഖകള് നല്കും.
ട്രാഫിക്ക് നിയമ ലംഘകരെ തടവില് പാര്പ്പിക്കുവാന് ആഭ്യന്തര, തൊഴില്സാമുഹിക വികസന മന്ത്രാലയം താല്ക്കാലികമായി സംവിധാനം ഒരുക്കിയിട്ടുണ്ട്. വനിതാ ജീവനക്കാായിരിക്കും ഇത്തരം താല്ക്കാലിക തടവ് കേന്ദ്രങ്ങള്ക്ക് മേല്നോട്ടം വഹിക്കുക.
https://www.facebook.com/Malayalivartha