മുന് പാക് പ്രധാനമന്ത്രി നവാസ് ഷരീഫിനെയും അദ്ദേഹത്തിന്റെ മകള് മറിയം നവാസിനെയും ഇസ്ലാമാബാദിലെ ജയിലിലേക്ക് മാറ്റി
അഴിമതിക്കേസില് അറസ്റ്റിലായ മുന് പാക് പ്രധാനമന്ത്രി നവാസ് ഷരീഫിനെയും അദ്ദേഹത്തിന്റെ മകള് മറിയം നവാസിനെയും ഇസ്ലാമാബാദിലെ ജയിലിലേക്ക് മാറ്റി. ഇസ്ലാമാബാദിലെ സിഹാല പോലീസ് ട്രെയിനിംഗ് കോളജിലെ റസ്റ്റ് ഹൗസ് സബ് ജയിലിലേക്കാണ് ഇരുവരെയും മാറ്റിയിരിക്കുന്നത്. ലണ്ടനിലായിരുന്ന ഷരീഫിനെയും മകളെയും ജൂലൈ 13നാണ് അറസ്റ്റു ചെയ്തത്. പിന്നീട് ഇരുവരെയും റാവല്പിണ്ടിയിലെ അഡിയാല ജയിലിലാണ് പ്രവേശിപ്പിച്ചത്.
ജയിലില് 'ബി' ക്ലാസ് നിലവാരത്തിലുള്ള സൗകര്യങ്ങളാണ് നല്കിയിരുന്നത്. സമൂഹത്തിലെ ഉന്നത ശ്രേണിയിലുള്ളവര്ക്ക് എ, ബി ക്ലാസ് സൗകര്യങ്ങള് പാക് ജയിലില് ലഭിക്കും. പ്രധാനമന്ത്രിയായിരുന്ന 1990 കളില് അഴിമതിപ്പണമുപയോഗിച്ചു ലണ്ടനിലെ അവന്ഫീല്ഡ് ഹൗസില് നാലു ഫ്ളാറ്റുകള് സ്വന്തമാക്കിയെന്ന കേസിലാണ് എന്എബി കോടതി ഷരീഫിനു പത്തു വര്ഷം തടവു ശിക്ഷ വിധിച്ചത്.
മറിയത്തിന് ഏഴു വര്ഷം തടവാണു ലഭിച്ചത്. കഴിഞ്ഞ വര്ഷം സുപ്രീംകോടതി അയോഗ്യനാക്കിയതിനെത്തുടര്ന്നാണ് ഷരീഫിനു പ്രധാനമന്ത്രിപദം രാജിവയ്ക്കേണ്ടിവന്നത്.
https://www.facebook.com/Malayalivartha