ലണ്ടനിലെ ഈ പന്ത്രണ്ടുകാരന് ഇനി ലഹരി മരുന്ന് ഉപയോഗിക്കാം; കാരണം വെളിപ്പെടുത്തി അമ്മ...
പന്ത്രണ്ടുകാരന് കഞ്ചാവിന്റെ എണ്ണ ഉപയോഗിക്കാന് ബ്രിട്ടീഷ് സര്ക്കാരിന്റെ അനുമതി. അപസ്മാര രോഗിയായ 12കാരന് വേണ്ടി ചികിത്സയ്ക്ക് വേണ്ടിയാണ് ഈ ലഹരി മരുന്ന് ഉപയോഗിക്കാവുന്നത്. ഏറെ വിവാദത്തിന് ശേഷമാണ് ബില്ലി കല്ഡ്വെലിന് സര്ക്കാര് പച്ചക്കൊടി വീശിയത്.
ശനിയാഴ്ച ആഭ്യന്തര സെക്രട്ടറി സജിദ് ജാവിദാണ് ഇത് ഉപയോഗിക്കാനുള്ള അനുമതി നല്കിയത്. 2016 മുതല് അമേരിക്കയില് ചികിത്സയിലായിരുന്ന ബില്ലി 2017 മുതല് ഡോക്ടര്മാരുടെ നിര്ദ്ദേശപ്രകാരമാണ് മകന് കഞ്ചാവ് എണ്ണ നല്കിയതെന്ന് അമ്മ ഷാര്ലറ്റ് കാല്ഡ്വെല് പറഞ്ഞിരുന്നു. മുതിര്ന്ന ഡോക്ടര്മാരുടെ നിര്ദ്ദേശം അനുസരിച്ചാണ് ഇത്തരത്തില് നടപടിയെടുത്തത്. കഴിഞ്ഞവര്ഷം മുതല് 12കാരന് കഞ്ചാവ് എണ്ണ ഉപയോഗിച്ചു വരികയാണ്.
ലൈസന്സ് അനുവദിച്ചെങ്കിലും താത്കാലിക ലൈസന്സ് മാത്രമാണ് ലഭിച്ചിരിക്കുന്നത് കര്ശനമായ നിയന്ത്രണങ്ങളും ഇതിനുണ്ട്. 20 ദിവസത്തെ ലൈസന്സ് മാത്രമാണ് ഇപ്പോഴുള്ളത് ഇത് വീട്ടില് കൊണ്ടു പോകുവാനോ അനുവദിക്കില്ല. പിന്നീട് ഇതിന് ലൈസന്സ് അനുവദിക്കുന്നതിനെക്കുറിച്ച് ആലോചിക്കുമെന്നും അറിയിച്ചു.
ടെറാഹൈഡ്രോ കാനാബിനോള് (THC) എന്ന് വിളിക്കുന്ന കനോബീസ് ഓയില്, യുകെയില് നിയമവിരുദ്ധമാണ്. എന്നാല്, യൂറോപിലെ മറ്റ് ചില രാജ്യങ്ങളില് ഇത് ലഭ്യമാണ്. യുകെയിലേക്ക് വരുമ്ബോള് കഞ്ചാവ് ഓയില് കൊണ്ടു വന്നപ്പോഴാണ് ബില്ലിയെ വിമാനത്താവളത്തില് വച്ച് പിടികൂടിയത്. തുടര്ന്ന നടത്തിയ പരിശോധനയിലാണ് മരുന്ന് ആവശ്യത്തിനാണ് കൊണ്ടുവന്നതെന്ന് തെളിഞ്ഞത്. എങ്കിലും വലിയ വിവാദമാണ് ഈ കേസ് ഉണ്ടാക്കിയത്. ലോകം മൊത്തം കാനിബീസ് ഓയിലിന്റെ മെഡിക്കല് ഗുണങ്ങളെക്കുറിച്ച് വിപുലമായ പഠനമാണ് നടന്നുകൊണ്ടിരിക്കുന്നത്.
https://www.facebook.com/Malayalivartha