വനിതാ സംവരണ ബില് പാസാക്കുന്നതിനു കോണ്ഗ്രസിന്റെ പൂര്ണ്ണ പിന്തുണ അറിയിച്ചുള്ള കത്ത് ട്വിറ്ററില് പങ്കുവച്ച് രാഹുല് ഗാന്ധി; ഒരു രാഷ്ട്രീയക്കാരനില് നിന്നു പ്രധാനമന്ത്രി ഉയര്ന്നു പ്രവര്ത്തിക്കേണ്ട സമയമായെന്നും വിനര്ശനം
''ഒരു രാഷ്ട്രീയക്കാരനില് നിന്നു ഉയര്ന്നു പ്രധാനമന്ത്രി പ്രവര്ത്തിക്കേണ്ട സമയമായി. വനിതാ സംവരണ ബില് പാര്ലമെന്റില് പാസാക്കു. കോണ്ഗ്രസിന്റെ നിരുപാധിക പിന്തുണ താങ്കള്ക്കുണ്ടാകും'' രാഹുലിന്റെ വെല്ലുവിളി ഇങ്ങനെ. രാഹുല് ട്വിറ്ററില് കുറിച്ചു. ഇതു സൂചിപ്പിച്ച് പ്രധാനമന്ത്രിക്കുള്ള കത്തും ട്വീറ്റിനോടൊപ്പം അദ്ദേഹം പങ്കുവച്ചു.
പാര്ലമെന്റില് മൂന്നില് ഒന്നു സീറ്റുകള് സ്ത്രീകള്ക്കു ഉറപ്പാക്കുന്നതിനുള്ള 'വനിതാ സംവരണ ബില്' 2010 ലാണ് രാജ്യസഭയില് പാസായത്. എന്നാല് വിവിധ കോണുകളില് നിന്നുയരുന്ന എതിര്പ്പുകളെ തു!ടര്ന്നു ലോക്സഭയില് ഇതുവരെയും ബില് പാസായിട്ടില്ല. കഴിഞ്ഞ നാലു വര്ഷമായി ലോക്സഭയില് ബിജെപിക്കു ഒറ്റയ്ക്കു ഭൂരിപക്ഷമുണ്ടായിട്ടും ബില് പാസാക്കാന് ബിജെപിക്ക് ആയിട്ടില്ല.ഈ സാഹചര്യത്തിലാണ് കോണ്ഗ്രസ് അധ്യക്ഷന്റെ വിമര്ശനം.
എല്ലാ റാലികളിലും സ്ത്രീശാക്തീകരണത്തെ കുറിച്ചു സംസാരിക്കുന്ന പ്രധാനമന്ത്രി, സ്ത്രീകള്ക്ക് ഏറ്റവും ഗുണകരമായ വനിതാ സംവരണാ ബില് പാസാക്കി അതു പ്രാവര്ത്തികമാക്കണമെന്നു മോദിക്കുള്ള കത്തില് രാഹുല് ആരോപിക്കുന്നു. അടുത്ത വര്ഷകാല സമ്മേളനമാണ് അതിന് ഏറ്റവും ഉചിതം. ഇനിയും വൈകിയാല്, വരുന്ന തിരഞ്ഞെടുപ്പിനു മുന്പ് ബില് പാസാക്കാന് സാധിക്കില്ല. ബില്ലിനു പിന്തുണയര്പ്പിച്ചു 32 ലക്ഷത്തോളം ആളുകളുടെ ഒപ്പ് കോണ്ഗ്രസ് സമാഹരിച്ചിരുന്നതായും രാഹുല് ഗാന്ധി കത്തില് വ്യക്തമാക്കുന്നു.
https://www.facebook.com/Malayalivartha