ഹാക്കര്മാരുടെ ഭീഷണി: മന്ത്രിസഭാ യോഗങ്ങളില് മൊബൈല് ഫോണിന് പ്രധാനമന്ത്രി വിലക്കേര്പ്പെടുത്തി
മന്ത്രി സഭാ യോഗങ്ങളില് ആരും മൊബൈല് ഫോണ് കൊണ്ടു വരരുതെന്ന് പ്രധാനമന്ത്രി നരേന്ദ്ര മോദി. നിര്ണ്ണായക വിവരങ്ങള് ചോരാതിരിക്കാനാണ് ഈ തീരുമാനം. പാകിസ്ഥാന്-ചൈനീസ് മൊബൈല് ഹാക്കര്മാര് മന്ത്രിമാരെയും ഉന്നത ഉദ്യോഗസ്ഥരെയും ലക്ഷ്യമിടുന്നുണ്ടെന്ന റിപ്പോര്ട്ടിന്റെ അടിസ്ഥാനത്തിലാണ് വിലക്ക്.
ഇന്ത്യയുടെ മിന്നലാക്രമണത്തെ തുടര്ന്ന് ഇന്ത്യക്ക് ഏത് വിധേനയും തിരിച്ചടി നല്കാന് ശ്രമം നടക്കുന്നുണ്ട്. അതിന്റെ ഭാഗമായി ഇന്ത്യന് രഹസ്യങ്ങള് ചോര്ത്താനും നീക്കം നടക്കുന്നു. സ്മാര്ട്ട് ഫോണുകള് ചില ഏജന്സികള്ക്ക് ഹാക്ക് ചെയ്ത് നിര്ണ്ണായക വിവരങ്ങള് ചോര്ത്താന് സാധിക്കും. ഇത് തടയുന്നതിനാണ് മന്ത്രിസഭാ യോഗങ്ങള്, ഉപസമിതി യോഗങ്ങള് തുടങ്ങിയ ഇടങ്ങളില് മൊബൈലുകള് കൊണ്ടു വരരുതെന്ന് കേന്ദ്ര സര്ക്കാര് സര്ക്കുലര് എല്ലാ മന്ത്രിമാരുടെയും പ്രൈവറ്റ് സെക്രട്ടറിമാര്ക്ക് അയച്ചിരിക്കുന്നത്.
മന്ത്രിസഭായോഗങ്ങള്, ഉപസമിതിയോഗങ്ങള് തുടങ്ങിയവയില് മൊബൈലുകള് കൊണ്ടുവരരുതെന്ന നിര്ദേശം കേന്ദ്രസര്ക്കാര് സര്ക്കുലറായി ഇറക്കിയതായി പ്രമുഖ ദേശീയ മാധ്യമമാണ് റിപ്പോര്ട്ട് ചെയ്തിരിക്കുന്നത്. ഇക്കാര്യത്തില് മന്ത്രിമാരെ ബോധവല്ക്കരിക്കണമെന്നാണ് അവര്ക്കു നല്കിയിരിക്കുന്ന നിര്ദേശം.
ഉറിയിലെ സൈനിക കേന്ദ്രത്തിലുണ്ടായ ഭീകരാക്രമണത്തെത്തുടര്ന്ന് നിയന്ത്രണ രേഖ മറികടന്ന് പാക്ക് അധിനിവേശ കശ്മീരില് ഇന്ത്യ നടത്തിയ മിന്നലാക്രമണത്തിന്റെ ബാക്കിപത്രമായി ഇന്ത്യന് രഹസ്യങ്ങള് ചോര്ത്താന് വന്തോതില് ശ്രമം നടക്കുന്നതായാണു റിപ്പോര്ട്ടുകള്. പുറത്തുനിന്നുള്ള ഏജന്സികള്ക്കു സ്മാര്ട്ഫോണുകള് ഹാക്ക് ചെയ്ത് റെക്കോര്ഡിങ് നടത്തുകയോ മറ്റോ ചെയ്യാന് കഴിയും. ഇതിലൂടെ നിര്ണായക വിവരങ്ങള് ചോരാനുള്ള സാധ്യതയുണ്ടെന്നാണ് റിപ്പോര്ട്ട്.
https://www.facebook.com/Malayalivartha