നാടിനെ നടുക്കി അരുംകൊല; യുവഗായികയ്ക്ക് സംഭവിച്ചത് ദാരുണാന്ത്യം
ഹരിയാനയില് യുവഗായിക വെടിയേറ്റ് മരിച്ചു. ഡല്ഹിയില് താമസിക്കുന്ന 22കാരിയായ ഹര്ഷിത ദഹിയയാണ് കൊല്ലപ്പെട്ടത്. പാനിപ്പത്തിലെ ഒരു ഗ്രാമത്തില് പരിപാടിയില് പങ്കെടുത്തശേഷം ഡല്ഹിയിലേക്ക് മടങ്ങുകയായിരുന്നതിനിടെയാണ് സംഭവം.
ഡല്ഹിയിലേക്ക് മടങ്ങുന്നതിനിടെ ഹര്ഷിതയുടെ കാര് മറ്റൊരു കാറിലെത്തിയ അജ്ഞാതരായ രണ്ടംഗ സംഘം തടയുകയായിരുന്നു. തുടര്ന്ന് ഡ്രൈവറോടും ഹര്ഷിതയോടും കാറില് നിന്നിറങ്ങാന് ആവശ്യപ്പെട്ടു. ഹര്ഷിത കാറില് നിന്നിറങ്ങുന്നതിനു മുമ്പ് തന്നെ അജ്ഞാതര് ഗായികക്കു നേരെ ഏഴു തവണ വെടിയുതിര്ത്തു. ആറ്റെണ്ണം ഗായികയുടെ കഴുത്തിലും നെറ്റിയിലുമായി ഏല്ക്കുകയും ഉടന് തന്നെ മരിക്കുകയുമായിരുന്നു. ആക്രമികള് രക്ഷപ്പെട്ടു.
തനിക്ക് വധഭീഷണിയുണ്ടെന്ന് കാണിച്ച് ഈയടുത്ത് സോഷ്യല്മീഡിയയില് ഹര്ഷിത പോസ്റ്റിട്ടിരുന്നു. വധഭീഷണിയെ താന് ഭയക്കുന്നില്ലെന്നും അവര് പറഞ്ഞിരുന്നു.
എന്നാല് ഇതേ കുറിച്ച് പൊലീസില് പരാതി നല്കിയിരുന്നോ എന്ന കാര്യത്തില് വ്യകതതയില്ല. മൃതദേഹം പാനിപ്പത്ത് ആശുപത്രിയില് പോസ്റ്റ്മോര്ട്ടത്തിന് അയച്ചു.
https://www.facebook.com/Malayalivartha