മദ്യനയ അഴിമതിക്കേസ്... അരവിന്ദ് കെജ്രിവാളിന്റെ ജാമ്യ ഹര്ജി മറ്റന്നാള് വീണ്ടും സുപ്രീംകോടതി പരിഗണിക്കും
മദ്യനയ അഴിമതിക്കേസില് ദില്ലി മുഖ്യമന്ത്രി അരവിന്ദ് കെജ്രിവാളിന്റെ ഇടക്കാല ജാമ്യത്തില് ഇന്ന് ഉത്തരവില്ല. ജാമ്യ ഹര്ജി മറ്റന്നാള് വീണ്ടും സുപ്രീംകോടതി പരിഗണിക്കും.ജസ്റ്റിസുമാരായ സഞ്ജീവ് ഖന്ന, ദിപാങ്കര് ദത്ത എന്നിവരുടെ ബെഞ്ചാണ് ഹര്ജി പരിഗണിച്ചത്. തെരഞ്ഞെടുപ്പ് പ്രചാരണം നടത്താന് മാത്രം കെജ്രിവാളിന് ജാമ്യം അനുവദിക്കുന്നത് പരിഗണിക്കാമെന്ന് കോടതി വ്യക്തമാക്കിയിരുന്നു.
ഇതിനിടെ, കെജ്രിവാളിന്റെ കസ്റ്റഡി കാലാവധി മെയ് 20 വരെ നീട്ടുകയും ചെയ്തു. ഡല്ഹി റോസ് അവന്യൂ കോടതിയാണ് കസ്റ്റഡി കാലാവധി നീട്ടിയത്. സുപ്രീംകോടതി ഇടക്കാല ജാമ്യം പരിഗണിക്കുന്നതിനിടെയാണ് ദില്ലി കോടതിയുടെ ഉത്തരവ് വന്നിരിക്കുന്നത്.
https://www.facebook.com/Malayalivartha