ജയിൽ തടവുകാരുടെ ദുഷ്ചിന്തകളെ കഴുകിക്കളയാൻ 600 പശുക്കളെ വാങ്ങാനൊരുങ്ങി ബിജെപി നേതൃത്വത്തിലുള്ള സംസ്ഥാന സര്‍ക്കാർ
ജയിൽ തടവുകാരുടെ ദുഷ്ചിന്തകളെ കഴുകിക്കളയാൻ ഹരിയാനയിലെ ജയിലുകളില്‍ 600 പശുക്കളെ വാങ്ങുന്നു. ഹരിയാനയിലെ ആറ് ജയിലുകളിലാണ് ആദ്യം പശുക്കളെ വാങ്ങുന്നത്. പശുക്കളെ വാങ്ങാനും ജയിൽ പരിസരത്ത് കാലിത്തൊഴുത്തുകൾ നിർമിക്കാനുമായി സര്‍ക്കാര്‍ ഒന്നരക്കോടി രൂപയാണ് ചെലവഴിക്കുന്നത്.
സര്‍ക്കാര്‍ പിന്തുണ നല്‍കുന്ന സംഘടനയായ ഗോ സേവാ ആയോഗിനാണ് പദ്ധതി നടപ്പാക്കാനുള്ള ചുമതല. ഹിന്ദുമതത്തിന്റെ ഭാഗമാണ് പശുക്കളെന്നും അവയെ സംരക്ഷിക്കുന്നവര്‍ക്കായി സവിശേഷ ശക്തികള്‍ നല്‍കാന്‍ കഴിവുള്ളവയാണ് ഈ ജീവികളെന്നും ഗോ സേവാ ആയോഗ് ചെയര്‍മാന്‍ ഭാനി രാം മംഗ്ള പറയുന്നു. പശുക്കള്‍ നല്‍കുന്ന ശുദ്ധമായ പാലിന് ജയില്‍ശിക്ഷ അനുഭവിക്കുന്നവരുടെ പാപങ്ങളെ കഴുകിക്കളയാനുള്ള ശക്തിയുണ്ടെന്നും ഗോമൂത്രം പ്രമേഹം മുതല്‍ കാന്‍സര്‍ വരെയുള്ള രോഗങ്ങള്‍ക്ക് ഒഷധമാണെന്ന് വിശ്വാസികള്‍ക്ക് അനുഭവമുണ്ടെന്നും അദ്ദേഹം പറയുന്നു.
https://www.facebook.com/Malayalivartha
